Interview [Ank 5] Interview, Pichle Saal ke Shresth Helpers ka

[Cyborg 3,189]

 

Namaste doston! Kaise hain aap? Aasha karte hain apko zindagi mein sab kuch sahi sahi chal raha ho... Dekhte dekhte ye ek aur saal beet gaya, aur isi beete saal mein aise bhi kuch log hain jinhone apni jee jaan se mehnat karke hum sabka dyaan rakkha. To chaliye aaj unhi kuch gine chune logon se thodi baatein karte hain!

 

 

Iss interview mein bhaag liya tha kul 13 logon ne, jinka naam hai: , @GoldRock, @SpaceCowboy18, @Shedinja, @joostcool, @Nikk, @Sia, @SHOAIB.ZAFAR, @eragon33, @rommeltanki, @Hny93, , @DarkOperative, @CooperO.

 

In sabhi se maine ek hi jaise sawal pooche the, jinka inhone kaafi achcha aur apne tareeke ka jawab diya. To chaliye ab bina kisi deri ke, interview shuru kiya jaye!

 

Mere dwara pooche gaye prashn:-

 

1-> Aap sabhi Tanki Online mein kaunsa kirdaar nibhate hain, yaani ki aapka kaam kya hai?

2-> Aap uss bhoomika ko kitne samaye se nibha rahe hain?

3-> Aapko ye sthan grahan karne ke liye kisne prerit kiya?

4-> Wo kya cheez hai jo aapko apne kaam ki taraf kendrit kiye rakhti hai, aapka manobal kahan se aata hai? 

 

@joostcool :-

 

1-> Mai ek Forum Moderator aur eSports Administrator hoon.

 

2-> Maine 2014 ke January ke mahine se eSports mein kaam karna shuru kiya tha, uss samaye aapko esports ke saath saath forum moderation ka bhi kaam karna hota tha, lekin aaj ke din ye dono cheezein alag alag ho chuki hain. To mila julakar main 3 saal se kaam kar raha hoon.  :D Maine kuch mahino ke liye kaam chor diya tha, lekin main aur eSports se door? Aisa nahi ho sakta.  :P

 

3-> Mujhe chunautiyan bahot pasand hain! Jo ki shuru hua 2012 mein jab main ek eSports ka khiladi bana. Cybersport Moderator banne se pehle, main eSports mein 2 saal tak apna samay guzara tha, aur kaam kiya tha. Lekin pratiyogitaon mein khelne ke sath, mujhe pratiyogitaon ka ayojan karne mein bhi maza aata hai, aur usi liye maine eSports mein apna yogdaan dene ka faisla kiya

 

4-> Mera sabse bada manobal hai players ki khushiyan. Ye baat thodi ajeed lag sakti hai, kyunki players esports ke kaam karne ke tareeke se kuch zyada khush to nahi hain abhi ke liye. Lekin main tab bhi esports ko nayi unchaiyon tak pahonchana chahta hu. eSports mein mere naye sthaan ke saath ab main aur bhi kayi cheezein kar sakta hoon aur main humare community mein eSports ke diwano ko niraash nahi karunga.  ;)

 

:-

 

1-> Main ek Wiki Editor hoon.

 

2-> Main August 2015, se ek Wiki Editor ke taur par kaam kar raha hoon, to lag bhag ek aur aadha saal.

 

3-> Jabse main iss khel ko khelna shuru kiya, tabse hi mujhe isse pyaar ho gaya. Mujhe hamesa se hi coding mein dilchaspi thi, khaaskar website coding mein. Mera dost forum mein aise hi baitha tha aur tabhi maine dekha ki Wiki Editors ke application khule hain. To main socha, kyun na mere coding aur gaming ke dimaag ko kuch kaam mein lagaya jaye? Aur aaj main yaha hoon.

 

4-> Jaisa ki maine pehle kaha, mujhe coding bahot pasand hai. Mujhe codes se cheezein banane mein bahot maza aata hai, websites se leke bots tak.  :D Aur wiki mein pages banana, edit karna aur design karna mere liye usi kaam ka ek aur tareeka maatra hai.

 

@Nikk :-

 

1-> Main ek Forum Moderator, Events Administrator aur eSports Broadcaster hoon.

 

2-> Maine Forum Moderating se lagbhag ek saal pehle shuruwaat kee thi. Aur baad mein maine Daily Events ko English Community mein wapas laane ke liye apne yogdaan dena shuru kiya January 2016 ke ant se.

 

3-> Main events mein maze kiya karta tha, unn dino se jab main bas ek player tha. Lekin wo dheere dheere aur bhi kam hote hi chale gaye. Aur jaise jaise wo gayab hote gaye, maine unhe waapas laane ke liye tarkeebein sochne ki koshishein ki. Aur tab tak main ek German Event Helper ke taur par madad karta tha, jisne mujhe shuru karne ke liye kaafi gyaan prapt karwaya. Wahi thi meri shuruwaat, bas ek ichcha, iss community ke players ko khush karne ki...

 

4-> Khush, aur santusht khiladi. Aakhir mein, chahe jaise bhi hum isse dekhe, ye sabhi hum khiladion ke liye kar rahe hain. Aur aapke mehnat ka fal, jab is tarah se mile, to aur kaam karne ke liye wohi kaafi hai.  :)

 

:-

 

1-> Main ek Forum Moderator hoon.

 

2-> Main ye kaam lag bhag do saal se kar raha hoon, 28th December, 2014.

 

3-> Sach batane ko to mera dhyaan iss kaam ko karne ke liye isiliye muda, kyunki mujhe ek Official Helper banna tha. Maine RU forum mein apply karne ka socha lekin unke application ka tareeka kafi mushkil tha, aur unke paas kaafi saare mods bhi the. To main English Forum mein aaya, aur maine dekha ki kaafi players ko yahan par kaafi cheezon ke baare mein gyaan nahi hai, to maine apply kiya, chune jaane ki ummeed mein. Maine pehle chat mod banne ki koshish ki, lekin Ostrica ne mujhe forum mein jaane ko kaha kyunki main wahan par zyada achcha kar raha tha. To maine forum mod ke liye apply kiya aur Yele [tabki forum admin] ne mujhe chun liya

 

4-> Forum ka kaam, kaafi mazedaar hai, aur chunautiyon se bhara hua. Mujhe kaafi mushkil game aur forum se jude paheluon ka saamna karna padta hai, aur khiladion ke beech ke jhagde suljhane hote hain. Abhi ke liye main Ideas and Suggestions ke section par mere saathi Cypher ke saath kaam kar raha hoon, Iss jagah par kaam karne mein achcha mehsoos hota hai, kyunki mujhe pata hai ki main kuch bada kaam kar raha hoon.  :P Aur isi ke saath, sabse mushkil kaam hota hai ki sabko unke hisaab se unke idea ke baare mein batana ki, kyun wo sahi hai, aur kyun galat. Lekin mujhe lag bhag har baar community ke taraf se sahara milta hai jo ki mera dil jeet leta hai.

 

@CooperO :-

 

1-> Mera sabse moolyavaan kaam hai Forum Moderator ka, lekin main ek V-LOG translator bhi hoon aur ek refree, eSports Tournaments ke dauran. 

 

2-> Main takreeban 9 mahino se ek Forum Mod hoon.

 

3-> Lag bhag chaar saal tak khelne ke baad, mujhe khel mein ek nayi chunauti chahiye thi. Mujhe forum hamesha se pasand tha, tabse hi, jab mujhe iske baare mein pata chala yaani ki 2012. Mujhe pata chala tha ki Forum Moderation ki team thodi madad le sakti hai, to maine madad karne ke faisla kiya.  :)

 

4-> Hmm, waise kuch khas to nahi, lekin mujhe forum mein kaam karna pasand tha aur khiladiyon ki takleefon ke uttar dhundne mein mujhe maza aata tha. Aur ek acche moderation team, jinme aap achche logon ke sath kaam kar rahe ho usse aapko ek alag josh milta hai.

 

@DarkOperative :-

 

1-> Mai ek Forum Mod, ek eSport mod, aur Facebook moderator hoon.

 

2-> Maine apne Forum aur Facebook mein kaam shuru 2014 se kiya tha. Aur ek saal baad, mujhe ek eSports helper ke taur par chun liya gaya.

 

3-> Wo kaaran, jiss wajah se main kabhi bhi TO ko dhoond paya tha, uska kaaran hai Clans. Pehle main bas Clans section mein hi rehta tha, idhar udhar post karta aur padhta. Kareeb kareeb eSports mein 6 mahine guzaarne ke baad maine baaki sections mein bhi post karna shuru kiya. Ek din, maine socha ki chalo Forum Moderation ke position ke liye apply kiya jaye. Uss waqt utne moderators nahi the, to maine unki madad karne ka socha tha. Mujhe ye kaam pasand hai, kyunki ismein forum mein kaam karna hota hai, jo ki mujhe pasand hai. Aur forum ke sath sath main Facebook mein bhi madad karne laga tha. eSports mein mera safar kaafi samanya tha, Jaisa maine pehle kaha tha, main pehle bhi tha aur aaj bhi eSports ka diwana hoon aur rahunga. Maine ek topic dekha tha CyberSports admin ka, jisme likha tha ki naye mods ki zaroorat hai, maine tabhi apply kiya aur chuna gaya.

 

4-> Ye mere liye ek kaam se zyada manoranjan ka zariya hai. Mai ye kaam karta hu kyunki mujhe ye karna pasand hai. Yahi hai mera manobal jo ki aaj bhi mujhe sahara deta hai.

 

@SpaceCowboy18 :-

 

1-> Main ek eSports Moderator aur ek Forum Moderator hoon.

 

2-> Main iss khel mein do saal se kaam kar raha hoon.

 

3-> Maine eSports ke liye apply kiya tha kyunki mere paas 3 saal tak usse jude cheezon ka gyaan hai, aur main apne gyaan ka istemaal EN eSports ke team mein karna chahta tha, aur iss community mein eSports ko badhava dena chahta tha.

 

4-> Ye game apne aap mein him mujhe prerit deta hai. Maine ye game khelna shuru kiya tha clans aur eSports ke kaaran. Wo khiladi jinse main mila, wo dost jinse meri baate hoti thi, wo sabhi mujhe sahara dete the.

 

@rommeltanki :-

 

1-> Main EN community ka ek Chat Moderator hoon.

 

2-> Main February 2015 se ek Chat Moderator hoon, uske pehle main ek Consultant tha lag bhag 6 mahino tak.

 

3-> Maine Tanki mein helper ke liye apply kiya 2 kaarano se. Pehla tha, ki main chahta tha ki mere bachche Tanki khel paaye, bina apshabdon ko dekhe huye. Doosra ki main aur mere bete dono ne hi apne accounts kho diye the jab hum shuru kar rahe the aur anadi the, aur Tanki ne iss baat se mera dil jeet liya ki unhone kitne jaldi hume humare accounts wapas kar diye. To maine socha ki chalo main bhi Tanki ke liye badle mein kuch kar deta hoon.

 

4-> Mujhe khiladiyon ki madad karna pasand hai. Kisi khiladi ko uske khoye hue account ko wapas milne me sahara dene ka alag hi maza hai. Aur unka narm vyavahar jab aap unhe sikhate hain chat mein ki kaise kisi player ko block kiya jaye. Aur jab wo wapas aakar aapka shukriyada karta to kaafi aanand milta hai. 

 

@Hny93 :-

 

1-> Main ek Tanki Chat Moderator hoon

 

2-> Main iss khel mein 1 saal se zyada kaam kar chuka hoon.

 

3-> Mujhe doosre mods ko dekhna, ki wo players ko kaise niyamon ke baare mein batate hain aur unki dikkatein suljhate hain bahot pasand aaya. Usse mujhe kaafi prerna mili aur maine bhi iss position ke liye apply kar diya.

 

4-> Mujhe bahot achcha lagta hai jab main players ki madad karta hoon, aur wo badle mein mujhe 'Thank you' kehte hain. Mujhe ye bhi pasand hai ki hum Chat Mods kaise ek doosre se baatein karte hain, usse mujhe kaafi aanand milta hai.  :)

 

@Sia :-

 

1-> Main ek Help Site Consultant hoon.

 

2-> Main lag bhag March 2016 se iss kaam ko kar rahi hoon.

 

3-> Main asal zindagi mein aur game dono mein hi logo ki madad karna pasand karti hoon. Main moderators ko chat mein unka kaam karte dekhti thi aur ghanto forum mein kuch padhte rehti thi. Aur fir, mujhe laga ki ab waqt aa chuka hai ek official helper banne ka to maine apply kia.

 

4-> Mera manobal hai, players ki madad karna, unke mushkilon ka hal nikalna jo ki mujhe ek player aur helper ke taur par behtar banata hai.

 

@SHOAIB.ZAFAR :-

 

1-> Main ek Help Site Consultant aur ek Facebook Moderator hoon.

 

2-> Main ek Help Site Consultant ke taur par kaam kar raha hoon June 2016 se, aur facebook mein maine October se kaam karna shuru kiya tha.

 

3-> Mere hisaab se, main khiladiyon ke saath ghul mil sakta hoon, aur alag alag tareekon se unki sahayata kar sakta hoon. Mujhe padhna aur gyaan prapt karna bahot pasand hai, aur wo gyaan mujhe khiladiyon ko dene mein bhi achcha lagta hai, jinhe uski zaroorat hai. Players ki madad karna, aur unki musibaton ka hal nikalna hi Tanki Helpers ka kaam hai, aur mujhe wahi karna achcha lagta hai.

 

4-> Mere saathiyon ke saath baatein karna, aur iss achche vataavaran mein rehna sath hi players ka feedback hi hai wo jo mujhe apne kaam ki taraf kendrit karke rakhta hai.

 

@GoldRock :-

 

1-> Main ek poorv Newspaper Administrator hoon.

 

2-> Lag bhag 8 mahine admin ke taur par, aur ek Reporter, March 2013 se.

 

3-> Jab mujhe pehli baar apply karna tha, tab newspaper ki khasiyat reporters hi hua karte the. Wo sabhi bahot cool aur samajhdaar log the, jinke paas community ke liye articles likhne ka mauka tha. Uss samaye, Meliora ne bhi uss position ke liye avedan kiya tha, hum dono ne sath mein kuch contests mein bhaag liya tha, aur newspaper ke baare mein charcha ki thi, to hum dono hi kaafi maze mein the iss position ke liye apply karne ko.

 

4-> Jaisa ki maine kaha, maine team bahot pehle join kari thi, aur do baar isse chor bhi diya tha lekin main fir wapas aa gaya. Mujhe community ke liye articles likhne mein bahot maza aata hai aur reporters ek bahot hi achche logo ka samooh hai jinke saath aap kabhi kaam kar sakte hain.

 

@eragon33 :-

 

1-> Main Newspaper Designer Manager hoon, aur Creativity Section ka Administrator.

 

2-> Main lag bhag April ya May 2016 se kaam kar raha hoon.

 

3-> Mujhe designing bahot pasand hai. Main ab chaar saal se fan art aur kayi cheezein design kar raha hoon, to mujhe kaafi khushi huyi ye position lete waqt kab mujhe ye dee gayi thi.

 

4-> Main kahunga wo inaam, jo ki kaam karne ke baad milti hain. Ye mujhe humesha agli baar kuch aur achcha karne ka josh deti hai, aur mere manobal banaye rakhti hai. Aur team mein ek dosti bhara vataran to sone pe suhaga hai.

 

@Shedinja :-

 

1-> Main ek Wiki Editor hoon, ek Reporter aur haal mein hi Newspaper Administrator.

 

2-> Main ek Wiki editor hoon July 2016 se, lekin EN Newspaper mein main April 2015 se kaam kar raha hoon. 

 

3-> Mujhe Wiki aur Reporter dono positions kaafi achche lagte hain, kyunki isne mujhe game ke baare mein gehraiyon tak jaanne mein madad kee thi. Aur uss gyaan ko main apne lekh mein likhkar baake khiladiyon ko bhi bata sakta tha. Main Newspaper se kaafi lagaav rakhta hoon, aur ab main use administrate karta hoon apne account @TheZigzagoonThatCan se.

 

4-> Mera manobal hai mera lagaav iss khel ke prati jo ki mujhe har din kuch behtar karne mein madad karta hai. Jab bhi mujhe iss community ko madad karna ka avsar milta hai main usse hasi khushi sveekar karne ko taiyaar hoon. Mujhe Wiki editor, aur Newspaper dono se hi ek jaise prem hai.  :) 

 

 

To doston, aasha hai ki aapko ye interview padhke, humare kuch mehnati helpers ke baare mein kuch jaanne ko mila hoga ki wo kaise poore jee jaan se iss khel ko behtar banane ki or apna sahyog karte hain. Aaj ke liye bas itna hi, aapse khel mein mulakaat hogi.  ;)

 

Edited June 13, 2017 by Tofu

[KILL_BILL_CHAUHAN 2,505]

nice