U H

We can't stop them, but Real Madrid can :3

Juve may take over this topic but they won't take over Champions League final :3

Apne alt se hun, mera main acc Madness mein hai

-1044

E T

-1039

Thx :*

bai

-1047

Bon journal, seulement si je pouvais le lire :P J'espère voir beaucoup d'articles plus classiques chez vous

Wo baat alag hai :ph34r:

^-1044 -1046

-1045

Silly mistake no refund kthbai

-1044

And why is that?

Bade savaal, jinka jaavaab janna atyant jaroori hai, unka javab mein reply se deta hun. Agar mein har chhote savaal ka javaab reply karke dene laga, to phir bahut jyaada spam ho jaayega.

-1043

Namaste doston! Ummeed hai aap sab ache bhale honge. Pichle saptah-ant ke Giveaway ka maza uthaaya na? Are main bhi na, kuch bhi poochta rehta hu. Aadat hai meri. Maza to kiya hi hoga. Puraskaar dekhke kaun-kaun pagal hua? Comments section mein apna haath uthaao. Waise, shaayad aap jaante honge, ki usse pehle, pichle Friday ko ek Livestream hui thi, jismein EN Community Manager Cedric Debono ne khilaadiyon ke prashnon ke uttar diye. Chaliye ham dekhte hai wo kaunse kathin prashn the jinhon ne Cedric ko apne kaam se wakt nikaalkar jawaab denepar majboor kar diya. Saath hi, usi Livestream mein Lead Game Dev Semyon Strizhak, eSports Admin @joostcool aur Broadcasting Admin @GeneralVeers ka interview liya gaya tha. Itna hi nahi, us Livestream mein 10,000, 50,000 crystals, 10 Gold Supplies aur XT ka giveaway bhi hua tha. Aur V-Log contest ka Code khule aam Cedric ne de diya! Prashnottar 1) Aap hamein matchmaking system ke baare mein kya bata sakte hain? Tanki mein matchmaking hona nishchit hai, par yeh battle list ko nahi hatayega, uske saath hi kaam karega. Matchmaking saamanya khel ko sambhalega aur battle list mein 'custom battles', arthaat PRO battles paaye jaayenge. Ham shayad se Pro Pass bhi hata denge 2) Iss system or abhi ke system mein kya antar hoga? Abhi ke system ka yeh laabh hai ki iss mein ham apni man pasand battle chun sakte. Lekin, ek acchi battle ko dhundhne mein bahut samay barbaad hota hai, aor logon ka faaltu mein samay jaata hain. Rank brackets bhi isme ek mehetvapoorn hissa nibhaati hain. Chhote rank brackets mein aapko apne level ke khilaadi hi milenge, par aisi battles kam paayi jaati hain. Dusri taraf, aap aasani se paayi jaane waali Bade rank brackets ke game mein jaa sakte hain, par usme aapko apne se bahut shresht tankers milenge. Matchmaking iss ko niyamit karega aur battle dhundhne mein jaane waale samay ko khatam karne ka prayatn karega. Aap bus ek button dabayenge aur aapke liye battle Tanki dhundh kar laayega. Parantu iss sabko Tanki mein aane mein samay lagega. Abhi ham HTML5 ki oor dhyaan de rahe hain, kyunki Flash bahut puraani ho chuki hai aur usme Critical Errors ki badi samasya hai. Shayad se HTML5 par shift karne ke baad saare critical errors aana band hi ho jaaye. Isliye pehle HTML5, phir Matchmaking. 3) Kya Matchmaking ka koi bura prabhaav hai? Abhi players ke paas apni manpasand battle chunne ki bahut svatantrata hai, aur Matchmaking iss svatantrata ko ghata de gaa. Par yeh aapka khelna aasaan bana dega. Isliye ham Battle List nahi hatayenge, kyunki Battle List mein aap apni man pasand aur 'Custom' battle chun sakte hain, aur MatchMaking aapko bina kasht kiye ek uchit battle mein pahunchaa degi. 4) PRO Pass hatne ki gunjaayish kyun hai? Matchmaking cheezon ko PRO Pass se jyaada aasaan bana degi. Aap ek samooh ke roop mein ek battle mein pravesh kar paayeinge. Yeh bahut tezi se ho jaayega. Iske saath, apne manpasand settings ke battle bina PRO Pass ke khel paayeinge. 5) Kya players Matchmaking ke saath Battle creation par prabhaav daal payeinge? Ye Matchmaking ke kaam karne ke dhang par nirbhar karta hai. Shayad se teen button hon, ek chote aur tez games ke liye, dusra Deatmatches ke liye aur teesra battle list ke liye. Agar Customization se koi dikkaattein naa hon, to shayad ek aur button daale jayega. 6) Kya yeh system DM tournaments ke samaan hain? Nahi. DM Matches ki tarah Matchmaking keval niyamit samay par kaam nahi karega. Matchmaking system har vakt uplabdh hoga. 7) Agar mein Wasp/Freeze se khelna chahta hun, aur Matchmaking ne mujhe ek anuchit map mein bhej diya, to mein kya karun? Ham Developers saadharan maps banayenge jisme har combo uchit dhangs se khel sakta hai. Jaise ki Shaft Island map mein uchit nahi hai, Vaise hi har combo har map mein uchit nahi hota. Yeh system samay ke saath behter banta jaayega. 8) Matchmaking system dwaara banayi battles kitni badi hongi? 15 Minutes ki, jaise abhi bhi hota hai. Developers ne 10,20 aur 30 min ke battles ke saath bhi prayog kiya thaa, par voh itna safal nahi ho paya. 9) Kya Hulls ke baare mein koi nayi khabar hai? Hulls ke visheshtain muft hongi. Yeh ek bahut badi cheez aur khel par ek bada prabhaav dalegi. Aap Zero Supply ke roop mein ek chhoti se jhalak dekh chuke hain. 10) Aap hackers ke baare mein kya karenge? HTML5 aur Matchmaking system ke karyon ke khatam hone ke baad ham hackers ko puri tarah se game se hataane ka prayatna shuru kar denge. 11) Aap Turrets aur Hulls ke maujooda santulan ke baare mein kya kehna chahenge? Players ne dekha hoga ki pichhle do balance changes inte bade nahi the. Developers kuch kamzor hathiyaron ko dilchasp roop se badle gein. Vulcan mein baldaav hone ka sambhaavna adhik hai kyunki log isse manoranjak nahi paate. Vaise bhi agar koi bhi Turret mein badlaav karne honge, to phir ham developers vo badlaav jaroor karenge. 12) Kya khildion ko Magnum ke saath khelne ki aadat pad gayi hai? Magnum ek bahut hi anokha turret hai. Kuch log iske saath bahut kushal ban chuke hain. Jin map mein ek base dusre ke upar hain, un battles mein aap kuch bahut kushal Magnum ke khiladi paayenge. 13) Kya Clan Licenses kabhi crystal ke dwaara kharide jaa payenge? Nahi, par agar ham iss paristhiti mein aa gaye ki yeh karna ati avashyak ban gaya, tab shayad se ham yeh kar dein. Par abhi yeh nahi hoga. Par Clan mein khiladiyon ke slots jaroor badhenge. 14) Kya khel mein koi naye mode aayenge? Assault Mode game mein kabhi na kabhi daala jaayega. New Year chuttiyon ke baad veh testing ke liye laghbag taiyaar hai. Uske saath kisi bhi map mein khelna sambhav hoga. 15) Mobile Version ke baare mein koi khabar? Mobile ka protoype bahut acche dhang se kaam kar raha hai. Hame lagta hai ki Mobile ke khiladi Keyboard ke khiladion ka saamna kar paayenge. 16) Do haftein pehle Gold Boxes ko kya hua tha? Ve ek bug thaa jo celbrations ke dauraan achanak se aa gaya. Jinhonne bhi iss bug ka galat faydaa uthaya unhon Game Rules tode hain aur kuch lgon ko ban bhi mil chuke hain. 17) Kya Tanki Online bahut der tak rahega? Kya TX TO ka sthaan lega? TX aur TO dushman nahi hai. TX Client-based game hai aur TO Browser-Based. TO ke players ke kam hone ka kaaran Flash or uske bugs hain. HTML5 aur Mobile Version naye khilaadi laayega.. Developers ne team gameplay jyaada dilchasp ki vyavastha ke baare mein socha hai. Iss Summer acchi cheezon ki aasha karein. Joostcool ke saath Baatcheet Livestream ke dusre bhaag mein @joostcool ne hamein eSports ke haalat aur aane vaale pratiyogitaon ke baare mein bataya. Cedric- Namaste Joost. Hame English teams ki Russian tournaments mein safalta ke baare mein bataiye. Joostcool- Namaste Cedric. Do English teams, Biological Hazard(HZD) aur Penguins dono first leg mein haar gayi ayr unhone loser bracket mein pravesh kiya. Pichle Thursday unhone apne loser brackets ke match khele. HZD ne 'Good Game Easy' ke khilaf khele aur veh 2:1 se jeet gaye. Penguins 'Revolution' ke khilaf 3:1 se jeete. Iska matlab hai ki dono loser brackets mein aage badh rahe hain. Iske saath MOS Solo mein EN community ka ek player @Spy hai. Hamne uska ek match livestream kiya tha jisme veh haar gaya. Veh abhi Loser Brackets mein hain, aur unka mukabla ek aur Russian khiladi se hai. Ham isko livestream karne ke bhi soch rahe hain, to phir eSports khabron par nazar rakhiye. Cedric- Aane vaale mahinon ke liye kya yojnaaein hai? Joostcool- Khiladi Dominatoin Series II ki ummed kar sakte hain. May 23rd ko ham Esports forum mein DS II ke bare mein jaankari nikal denge. June 1 se clans register karna shuru kar sakte hain. Yeh tournament June mein shuru hoga aur July mein khatam hojayega. Cedric- Ye jaroori hai ki yeh pratiyogita kisi Russian pratiyogita ke beech mein naa ho. To players ko kisi ek pratiygoita ke beech chunna nahi padega. Joostcool- Ji haan Cedric- Puruskar kya honge? Joostcool- Acid, Gladiator, crystals aur bahut kuch. Samay ke saath sab kuch gyaat ho jayega. eSports section mein saare format diye jaa chuke hain, to phir aapke team uski taiyaari shuru kar sakte hain. Cedric- Domiation Series ka baad aur kya hoga? Joostcool- July ke baad, Russian team se koi pratiyogita ki ummeed hai. Iss samay ham apne league system ko shuru karne ke koshish karenge. Abhi hamne sab clans ko Newcomers mein daal diya hai, aur 3 leagues khaali padi hai. Yeh leagues sirf sabse badiya teams se hi bhari jaayegi. In leagues mein sirf English teams hi daali jayegi. Cedric- Kya aap chhote clans ke liye kuch banayenge? Joostcool- Jee haan, July ke baad kisi bhi clans ko nakaara nahi jaayega. Cedric- Kya aap Russian eSports team ke saath sampark kar rahe hai? Unke saath kaam kar rahe hai?? Joostcool- Haan. Ham Russian Team ke saath bahut dhyaan se kaam kar rahe hai. Ham yeh sunishchit kar rahe hai khiladiyon ko koi dikkatein naa aayein. Cedric- Kuch aur jo aap kehna chahte hain? Joostcool- Kuch khaas nahi, abhi k liye itna hi. Cedric- Aap aur aapki team ke saath mehnat ke liye shukriya, aur mein eSports team se bahut cheezon ki umeed karta hun. Joostcool- Mujhe yahan bulaane ke liye shukriya. GeneralVeers se Sandesha General Veers ne hame ek aane vaale pratiyogita ke baare mein bataya. 'Namaste, mein @GeneralVeers hun, English Broadcaster Team ka administrator. Joostcool aur mein players ke liye nayi se nayi cheezein laane ka prayatn kar rahe hai. Abhi raasta lamba hai. Abhi MOS ka ant ho raha hai, aur ham aap ke liye zyaada se zyaada streams dene ka prayatn kar rahe hai. MOS ke baad ham DS II ka aayojan karenge. Mujhe yeh dekh kar khushi milti hai ki German, Russian aur English Esports team haath jodkar in sabhi pratiyogitaon ko safal bana rahi hai. Hamne aapke liye kuch hatke banaya hai. Iska naam hai 'Arena' aur yeh MOS aur DS ke beech mein aayojit kiya jaayega. Isme ham do clan aur kuch backups chuneinge. Ek 7v7 battle jiske 4 round, 12 min ke (2 min taiyaari ke liye, 10 min khelne ke liye) honge. Har team member ko ek alag Hull chunna padega. Ve koi bhi turret chun sakte hain. Par iska pratiyogita ke visheshta yeh hai ki donon team ko map game se keval 1 ghante pehle bataya jaayega. Is se khel bahut dilchasp ban jaayega. Iske stream jaroor dekhiyega. Mujhe yahan bulaane ke liye shukriya Cedric.' Giveaway Livestream ke ant mein ek bahut hi mast giveaway bhi thaa. Livestream ke dauraan aapko apna nickname ek form ke dwaara bhejna thaa. Aapko yeh puraskaar mil sakte the- 5,000 crystals, 10,000 crystals, 50,000 crystals, 10 gold box ya ek manpasand XT tank. Vijaytaaon ke naam niche iye gaye hain- 5 000 crystals - apJLekuH 10 000 crystals - qwerta12 50 000 crystals - mobyman 10 Gold box supplies - bubu395cz XT tank - @Feel.My.Style Saare prizes kuch dinon mein baant diye jaayenge. Chaliye iss Livestream ko sankshep mein dekhte hai. Chhote shabdon mein kahun tab bhi ye bada hai. Shuruaat hui thi Jab Cedric ne Hazel-Rah ka Interview liya. Cedric ne Hazel se aane waale updates, jaise match making system, Clan System aur HTML5 ke baare mein baat ki. Hazel-Rah se baatcheet ke baad Cedric ne ek khaasamkhaas giveaway ki baat chedi. Giveaway ke ailaan ke pashchaat Cedric ne call par eSports Administrator Joostcool ko bulaaya. Joost ne eSports mein aane waale badlaav, jaise League System aur ek naya tournament Domination Series #2, ke baare mein bataaya. Akhir mein EN Broadcasting Manager GeneralVeers ke saath baatcheet hui, jismein unhone Tournaments ke baare mein jaankaari di. EN community ki teesri Livestream mein sachmuch bahot kuch dekhne ko mila! To phir bas abhi ke liye itna hi, phir kabhi milenge. Alvidaa!

Namaste mitron! Aaj mein aapke samaksh bharateeya Chat Moderator ka parichay laaya hun. Unke baare mein aur jaanne ke liye padhte rahiye! @Tofu - Kripaya apne baare mein kuch batayein. @Terminator_in -Aaj se takreeban 3 saal pehle ek ghanisth mitra ke dwara mujhe Tanki Online ke vishay mein pata chala. Ye game mujhe pehli nazar main hi kaafi aakarshak aur doosre games se itna bhinn laga ki mai khud ko rok na saka isse khelne se. Uss din se le kar aaj tak mujhe jab bhi apni roj ki zindagi se kuch samay ka awakash milta hai toh mai Tanki Online par kuch match awashya khelta hu jisse mujhe apni din bhar ki thakan mitne ki anubhuti evam santosh ki praapti hoti hai. Dheere-dheere samaye beet-ta gaya aur Tanki ke prati mera lagaav kab pyaar me badal gaya mujhe pata hi nahi chala. Pyaar ke baare mein aisa kaha jata hai ki wo apeksha rahit yaani selfless hota hai aur isme kuch paane ki khawahish se zyaada kisi ke liye kuch kar-guzarne ki khawahish adhik prabal hoti hai. Mere saath bhi kuch aisa hi hua aur Tanki Online evam isse jude players ki samasyaaein muje apni samasyaaein lagne lagi. Tab maine yeh nirnay liya ki mai apna kuch na kuch yogdaan Tanki aur iske players ki madad karne me awashya dunga aur isi wajah se maine chat moderator ke pad ke liye aawedan kiya. Aaj Ishwar ki kripa evam aap sabhi ke pyaar ki wajah se mai aapke samaksh ek chat moderator ki bhoomika nibhate hue aapki seva me upasthit hoon. @Tofu - Aapne Chat Mod banna hi kyun chuna, koi aor Mod kyun nahi? @Terminator_in - Chat Moderator ki or ki rujhan ki wajah mai is bhoomika ki apne vyaktitva evam ruchi se adhik samanta ko maanta hoon. Yadi dekha jaye toh helper shreni ki har bhoomika jaise ki - Battles Mods, Chat Mods, eSports Helpers, Event Helpers, Facebook Mods, Forum Mods, Newspaper Reporters, Wiki Editors ye sabhi apne aap mein chunauti purn hoti hai. Kintu chat Moderator ke kaarya kshetra mein sambaddh bhati-bhati ki vicharadharaon evam desh-parivesh se aaye khiladiyon se vartalap karna tatha unki samasyaon ke samadhan ke liye uchit margdarshan pradan karne ki kriya se mujhe ati-utsaah evam aatm-santosh ki prapti hoti hai. @Tofu - Aapne ek Clan bhi chalaya hai, veh karya ke baare mein aapke kya vichar hai? @Terminator_in - Clan "Indian Fighters & Guardians [i.F.G.]" jise ki ab "Iron Fist [i.F.]" ke naam se jaana jaata hai se mera sambandh takreeban 2 saal se hai. Iss clan mein meri bhoomka margdarshak evam salahkaar ki hai. Iss clan ka aarambh @indianleader_tanki aur unke kuch mitron ne Bhaartiya mool ke khiladiyon ko ekatra kar ek sudridh team ka nirman karne ke uddeshya se kiya tha. Kintu samay beetne ke saath iss vyavastha ko badal diya gaya aur aaj ki sthiti yeh hai ki yeh Clan ek naveen naam ke saath Bharat evam anya deshon se aaye kaabil khiladiyon ke dum par bhavishya me chuppi anekon sambhavnaaon ko talaashne evam Clan ke utthan ki disha me prayaasrat hai. @Tofu - Clan ke bhavishya ke liye aapki kya yojnaaein hain? @Terminator_in - Clan se sambandhit bhavishya ki yojnaayen uske sashaktikaran evam ek sudridh team ki rachan par kendrit hai. Is lakshya ki poorti hetu clan wars ka aayojan karne evam tournaments mein sammilit hokar apne pradarshan ka aaklan karne ki yojna hai. Vartaman mein team xp-bp format mein yogyata arjit karne mein vyast hai aur shighra hi tanki online ke anya prchalit formats mein yogyata arjit karne ki ore prayaasrat hai @Tofu - Agar aap ek din ke liye Community Manager ban gaye, to aap kya karenge? @Terminator_in - Aapke is prashn ne mujhe Nayak movie ki yaad dila di. Tathapi aapke prashn ke uttar ke liye ek baar community manager ke uttardaittvo par ek drishti daalna uchit hoga. Ek community manager ka uttardaittva hota hai ki wah khiladiyon evam developers ke madhya sampark sthapit kare. Arthat khiladiyon ki mano-dasha ka aaklan karna, unki pasand- naapasand ko samajhna, khiladiyon ko game me aane waali dikkaton ka vishleshan karna aur unke sujhawo par vichar karna hi community manager ke mukhya kaarya hai. Isliye yadi mere paas 1 din ka samay hi hoga community manager ke taur par toh main apna samay game se sambandith apoorn pade mahatvapoorn kaaryon ko poora karne ke prayas mein tatha khiladiyon ke sujhaawon ki poorti hetu prayatna karne mein vyateet karunga. Developers se paramarsh ke uprant jin sujhaawon par amal kar paana sambhav hoga unke poorn hone ki samay-seema ke vishay mein khiladiyon ko soochit karunga. @Tofu - Chat Mod ke pad ne aapko kya sikhaya hai? @Terminator_in - Angrezi mein ek kahawat hai ki "With greater power comes greater responsibility" jiske maayane yeh hai ki yadi aapke paas shakti adhik hai toh use shakti ka sadupyog karne ki samajh aur saiyam dono ka hona ati aavashyak hai. Tanki Online mein aane wale khiladi alag-alag aayu, dharm, sanskriti evam paramparaon se hote hai. Isliye inn khiladiyon mein se har ek adviteeya yaani unique hote hain. Har paristhiti ko adviteeya maante hue uski sukshmta se aylokan evam sameeksha karna uchit nirnay lene ke liye ati aavashyak hai. Samay ke saath is pad ne mujhe yeh sikhaya hai ki har paristhiti ke kai pehlu ho sakte hai aur uchit nirnay lene ke liye har pehlu ki sukshmta evam nishpakshta ke saath sameeksha karna anivaarya hai. @Tofu - Aapke paas pathakon ke liye koi sandesh hai? @Terminator_in - Sarvpratham sabhi paathakon ko evam unke maadhyam se samast khiladigan ko main hardik abhinandan evam dhanyawaad kehna chaahunga jinhnone Tanki Online ko itna lokpriya banaya hai. Saath hi main dhanyawaad kehna chaahunga Hindi Samachaar patra ke sampadkiya mandal ko jinho ne apne athak prayaason ke maadhyam se khiladiyon ke madhya jaagrookta evam uchit maargdarshan ke sanchaar ko sunishchit kiya hai. Mera manna hai ki har game ko jeevit rakhne ke liye usey game ke liye banaaye gaye niyam uttardaayi hote hai. Game ka santulan bana rahe tatha khiladiyon mein aapsi sauhardya evam santosh sthapit ho isliye game ke niyamon ka paalan hona ati-aavshyak hota hai. Vastutah pratyek khiladi ko ise apna kartavya samajhte hue niyamon ka paalan karna chaahiye. Antatah aap sabhi ko apne jeevan lakshya me saphalta ki praapti ho tatha Tanki Online ko manoranjan evam vishraam ke uddeshya se aap sabhi ka saanidhya praapt hota rahe is mangal kaamna ke saath aapse vida leta hu. @Tofu - Iske saath main iss parichay ka ant karna chahunga. Mujhe aapse baat kar bahut aanand praapt hua. To bas iss bari ke liye itna hi doston! Kisi aur din kisi aur se mulakaat jaroor karenge, tab tak ke liye alvida!

Become an urban hero

-1045

-1048