Review [Ank 2] Dictator-Railgun Format

[Cyborg 3,189]

 

Namaste doston! Aap sabne abhi tak to re-balance ke baad, TO ki nayi duniya ko mehsoos to kar hi liya hoga. Agar aapne dhyaan diya hoga, yaa fir RU1 server ke chakkar lagayein honge to aapko ek nayi cheez dikhi hogi, jo hai Dictator-Rail format. Ab aapko jyada sochne ki jaroorat nahi hain, bas aage padhiye!

 

 

Dictator-Railgun [DR] Format ka itihaas

 

Pracheen kaal mein (Tanki ki shuruwaat ka samay) DR format bahot jaana maana hua karta tha. Adhik taur par, clan wars bhi Dictator-Railgun format mein hi khele jaate the. Aur to aur sadhaaran khiladi bhi issey bahot pasand karte the. Lekin bahot pehle huye ek bade 'Rebalance' ke kaaran, jise aaj bhi bahot saare purna khiladi yaad rakhte hain, DR format ki lokpriyata ghatne lagi. Iski lokpriyata iss had tak ghat gayi ki ek aisa samay bhi aa chuka tha jab ye poori tarah se bhula diya gaya tha. Isi baat ko dimaag mein rakhte huye hamare developers ne DR format ko is khel mein laane ka nirnay liya, aasha hain ki fir se ye format jaana-maana hoga aur sabko pasand aayega.

 

Equipment ka Chunaav

 

Iss format mein aap bas Dictator, Railgun aur apne man-chahe paint ka vyavahar ka sakte hain. Saath hi saath ye bhi yaad rakkhein ki iss format ka anand uthane ke liye aapko kam se kam M2 Dictator aur M2 Railgun ya fir M3 Dictator, M3 Railgun apne garage mein rakhna hoga. In dono cheezon ke bina aap iss format ko nahi khel sakte hain. Iss format mein aapko bas ek hi azadi dee jaati hai, jo ki hai apne man pasand paints ka chunaav, iss par koi baadha nahi hai.

 

 

Dictator-Railgun format ka anubhav

 

Dictator ke sath khelne par aapko bilkul naya sa lagega, aur ek anokha ehsaas hoga. Dictator ki dheemi chaal aur unche hone ki vajah se aapko nishana lagane mein kaafi asani hogi. Iski sthirta ka to koi mukabla hi nahi. Dictator ki raftaar ko dhyaan mein rakhte huye DR format mein Railgun ke reloading ko thoda aur dheema kar diya gaya hai. Iska matlab DR format mein khelte huye aapko Railgun ka reload kaafi lamba lagega, aisa khelne ki suvidha ke liye kiya gaya hai. DR format mein, aap zyada tar to sabko 2 shots mein hi maar girayenge, lekin kuch aise avsar bhi honge jab aapka Railgun, dushman ko kam chot pahunchayega aur aapko ussey maarne mein 3 shot lag jayenge. Aisa M2 Railgun ke saath hona zyada sambhav hai M3 ke mukable, iska kaaran hai 'Damage' mein unch-neech. Ye combo khel mein kuch aisa dikhta hai:

 

 

Pehli baar aapko issey khelne par kaafi dheema sa ehsaas hoga, kuch logon ko ye manoranjan ki jagah bas ek samay ki barbaadee lag sakti hai. Lekin agar aapme kuch naya karne ki chah aur dhairya hai, to aapko issey khelne mein bada hi maza aayega.

 

Khelne layak Maps

 

Jab ye DR format, iss khel mein naya naya aya tha, (20th October, 2016) tab isska anubhav bilkul hi alag tha, jin logo ne server update samapt hone ke saath hi issey khela hoga, unhe pata hoga. Tab DR format, dheema bilkul nahi tha, railgun ki reloading 0.5 seconds ke aaspaas thi aur Polygon map mein DR format ki baarish ho gayi thi. Isske itne jaldi hone waale reload ke kaaran khelne ka ek alag hi aanand mil raha tha, lekin jald hi hum sabko pata chala ki ye tez reload ek galti hai, aur thodi hi der mein ek aur server update ke saath DR format mein Railgun kE reload ki gati aaj jaisI dheemI kar di gayi. Meri apni raay hai ki tez reload ka maza hi kuch aur hain, lekin dheema reload bhi bura nahi, ye Dictator ki chaal ke saath mel khata hai.

 

Abhi ke liye to yeh format bilkul naya sa hai, to iske liye sabse behtar map chunna bahot ki mushkil kaarya hai. Main aap sabko wo saare maps bataunge jinme DR format ko khelna ka sabse adhik anand milega aur jin maps ko dhoonda mushkil bilkul nahi hoga. Jaise ki -

 

• Sandbox
• Polygon
• Monte Carlo
• Arena

 

Ityadi. Ho sakta hai ki aur bhi bahot saare maps ho jinme isye khela jaa sakta hai, lekin mere dimaag mein bas itne hi naam hain. Ayashya hi aap sabne inn maps ko DR format mein dekha hi hoga, khaas taur par 'RU1' server mein.

 

CP Mode mein sabse behtareen map

 

CP mode mein DR format ke liye sabse behtareen map mere khayal se to Polygon aur Arena hi hain. Inn dono maps mein aapko adhik se adhik fund mil sakta hai. Arena chhota hone ke kaaran kaafi saare kills aur deaths deta hai jisse fund bahot jyada badh jata hain. Polygon mein bhi bas ek hi point aur dher saare chupne ki jagahon ke kaaran aur bhi zyada fund mil jayega, Polygon ke 8v8 hone ka bhi iske fund mein bahot sara yogdaan hain.

 

CTF Mode mein sabse behtareen map

 

CTF mode mein DR format ke liye sabse behtareen map hain Sandbox. Iske chhote aakaar aur anginat shot lene ki tareeko ke kaaran ye map CTF ke liye kaafi romaanchak aur mushkil ho jata hai. Zone bhi DR format mein kaafi dekha jaata hai lekin Zone map mein Dictator ke bade aakaar ke kaaran kaafi mushkilein hoti hain, fir bhi mujhe to usme hi maza aata hain.  :P

 

TDM Mode mein sabse behtareen map

 

TDM mode mein DR format ke liye Polygon aur Monte Carlo kaafi behtareen maps hain, haalaki aapke khel mein ye mode nahi dikhega, lekin agar kabhi galti se dikh bhi gaya to voh yahi honge. Monte Carlo aur Polygon mein chupne layak dher saari jagahen hoti hain jiski wajah se yahan par camp karna kaafi asaan hota hain, aapko bas apne dushman ki taraf nazar rakhni hoti hai.

 

DM mode mein sabse behtareen map

 

DM mode ke liye sabse behtareen hain Polygon aur Monte Carlo, jee haan, TDM aur DM dono mode ke liye hi yahi dono map sabse sahi hain. Inn dono modes mein aapko bas chupkar dushmano ko maarna hota hai. Ye karne ke liye sabse achche maps yahi hain. DM mode mein DR format ka ek alag hi romaanch hai, aapko ek akela sher banke shikaar par nikalna hota hai. Meri maaniye, ye mode dikhne mein bhale hi bahot kam mile, lekin agar mil jaye to ek baar isse jaroor kheliyega.

 

DR format mein, apne hull ka fayda uthana

 

DR format mein aapko Dictator hull ka prayog karna hota hain, aap sabhi soch rahe honge ki ya kya bakwaas hain, Dictator to itna dheere chalta hai, upar se dikhne mein bhi itna bada hai ki Railgun se ispar nishaana lagana kaunsi badi baat hai bhala. Lekin aap ye bhool rahe hain, ki Dictator ke bade aakaar ke kaaran aapko ek faayda bhi hota hai, jaise iski wajah se aapko kaafi saare naye naye shots lene ki uplabdhi hoti hai, Dictator ke unche hone ke kaaran, 'Sandbox' mein to ab aisi koi bhi jagah nahi reh jaati hai jahan aap shoot nahi kar sakte, wo har shot jiske aapne sapne dekhe ho, XP/Bp mein, DR format ne wo sab sach kar diya hai. Sandbox DR mein ek doosre se bachna bahot mushkil hai jo issey aur bhi romanchak bana deta hain. Aapko bas apna dimaag daudana hai, aur apni kalpana ki udaan bharni haiN.

 

Iske alawa maine to bas ek hi map ki baat kahi hain, ab ye to poori tarah se aap par nirbhar hai ki aap kaise iss format ko khelenge. Mai chahunga ki aap bhi naye naye maps mein iss format mein khel khelne ki koshish kariye, aur apna anubhav neeche post karke hum sabke bataiye, taaki hum sab DR format mein nahi cheezein khoj sakein.

 

 

Aasha hai ki aapko issey padhne mein maza aya hoga, aur iss naye DR format ke upar kaafi saari jaankaari mili hogi. Meri kaamna hai ki aapko ye naya format kaafi romanchak aur naya sa laga hoga, aur aap isska adhik se adhik aanand uthayenge. Agar aapke paas bhi kuch aisa hain jo aap hum sabko batana chahte ho, to kripiya neeche apne man ki baat post kariye. Meri or se bas itna hi, aapse khel mein mulakaat hogi.  ;)

 

Edited June 14, 2017 by Tofu

[AshsPikachuDwij 1,035]

Accha Article... Good work Phantom

[r_Dark_Nightmare5 24]

Good article Bhai..

[ToHoYoNTaDa 1,147]

Good Work.

Edited November 9, 2016 by ToHoYoNTaDa

[arnav0506 2,777]

Phantom bhaiyya, not only do you give good advice, you write good articles too!!

[Cyborg 3,189]

Phantom bhaiyya, not only do you give good advice, you write good articles too!!

Shukriya  :blush:

[arnav0506 2,777]

Shukriya  :blush:

Your skilz no mine ;) :P

[shabraiz_super 3]

Some people are pakistani and some people are indian we should never fight between indians and pakistani people who agree like this pls...

[Cyborg 3,189]

Some people are pakistani and some people are indian we should never fight between indians and pakistani people who agree like this pls...

I don't see a point of raising this topic :p

[Capable 4,614]

Nice Phantom :P Well Done. I used google translate :lol: