Guide [Ank 5] Freeze se Raksha

[Quincie 531]

 

Hum sab ye jante he ki pichle rebalance ke karan Tanki mein Freeze ka upyog badh gaya hain. Ab Freeze aur Firebird ka battles mein accha mukaabla hota hai. Iss lekh mein hum Freeze ke khilaf khelte samay apni raksha karna seekhenge!To chaliye shuruat kartey hain...

 

Freeze kis prakar ka turret hain?

 

Freeze ek aisa turret hain jo apne aap me se liquid nitrogen ka upyog karke samne wali tank ko thand kar ke ruka deta hain. Agar aur bhi tanks uske cone angle mein ho aur sabse samne wali tank se saara 'spray' nahi block ho raha ho, to wo unhe bhi thand karta hai. Freeze ko Firebird ka dushman turret mana jata hain, kyonki ye dono apne dushmano ko do tareekon se haani pahuncha sakte hain, haalaki Freeze ka freezing asal mein koi nuksaan nahi pahunchata.

 

Freeze ka prabhav prati-second damage mein tola jaata hai. M4 ke star par, Firebird aur Freeze dono ka max. PSD 760 HP hota hai, Isida se jyada. Ek antar ke baad damage ki maatra ghatti hai aur phir min. damage range par wo shunya ho jaati hai.

Freeze ki Yogyatayen

 

"Jaisa naam waisa kaam". Freeze ke naam se hum pehchan saktein hain ki ye turret dushman ki tanks ko freeze kar deta hain. Freeze hone ke baad dushman ke tank ki hilne aur mudne ki kshamta, aur turret ke ghumne ki kshamta kam ho jati hain. Iska prabhav Freeze ke modification aur dushman ke hull aur turret par nirbhar hota hai. Mool baat yahi hoti hai ki freezing ki vajah se dushman aap ko kam se kam nuksaan pahuncha paye.

Itna hi nahi, balki agar koi tank Firebird/Vulcan ke karan jal raha ho to ye ussey bhi sadhaaran tapmaan par la sakta hain. Agar Isida na ho, to Freeze ek team ke liye isiliye bahot mahatvapoorna ho jaata hai.

Ab hamare paas Freeze ke bare mein gyaan hain, to dekhte hain ki dushman Freeze ka kaise istemaal kartey hain..

Adhiktar Freeze apne dushman pe hamla kartey samay unke pichey se unpe pahunchne ka prayas karte hain.
Freeze apke pichey se aake apko freeze kar sakta hain, aur iske karan aap hilke uspar nishana nahi laga payenge aur aap Freeze se haar ke mar jayenge.

Bacha kaise jaye?

 

Khelte samay apne pichey Mine chodtey jaye. Inse agar aapke pichey koi freeze aa raha hoga to wo in mines pe ja kar apne aap ko jakhm (ya kabhi kabhi maut bhi) de dega. Khaas kar ke agar aap kisi chhoti jagah mein ho aur andar-bahar jaane ke kam raaste ho, to Mine dalna uchit hoga. Varna agar Freeze aya to aap ko bhaagne ki jagah kam hogi aur aap uske freezing se bebas reh jayenge.

Isi ke saath, aap ke hilne aur chalne par bhi bahot saara nirbhar hota hai. Agar aap Freeze ka upyog karne waale dushman ki chaal ko pehle se jaan lein toh aap unke Freeze ke dhaara (spray) ko aap ke saamne jyada der rakh kar unko jyada se jyada nuksaan pahuncha payenge.

Nitro ka upyog!

 

Adhiktar log ye nahi jante ki kehlte samay nitro ke istamaal se unke hull ki speed hi nahi, balki turret aur hull ki ghumne ki gati bhi badh jati hain. To agar aapke pichey se koi Freeze apko freeze karein to aap Speed Boost ke istamaal se ap e turret/hull ko jyada tez banake Freeze ka saamna kar sakte hain.

Deewaar ka upyog!

Khelte samay agar aapke pichey deewar hogi to Freeze ke liye apko freeze karne ke liye sirf 3 dishaye rehti hain. Ya to wo samney se aye, ya baju mein se. Aur agar aisa hota hain to aapki nazar unpe jyadatar tikee rahegi aur aap apne bachao ki taiyari kar sakenge.

Freeze apne dushmano ke chakkar katna shuru karte hain...jissey aap unke turret aur hull ko nishana nahi bana saktein. Ye Freeze khiladiyon ki sabse manpasand yuddhneeti hoti hai.

Bacha kaise jaye?

 

Jaise hi aap kisi Freeze ko apne taraf aatey houe dekhey aap turant uski taraf apna nishana sandh le. Aur ho sakey to usey shoot karna shuru kar dein. Shoot kartey samay impact force ka sahi upyog karein taaki aap Freeze ko apne pass aney se rok paye.

Agar Freeze ko apne nahi dekha aur usne aapke chakkar lagana shuru kar diya ho, to aap Speed Boost ka upyog karein, aur apne turret aur hull dono ko ek sath ghumayein. Aisa karne se aapki tank jald ghume gi aur aap freeze ke samna kar payenge.

Agar Nitro na ho to?

 

Apni tank to ek deewar se jod le aur Freeze ko apne chakkar na lagane de. Deewar se jude rehne se wo apke pure chakkar nahi laga paega, aur jaise hi wo chakkar laga te deewar par pohochey to aap ussey shoot karna shuru karde.

Aur ho sake to ye pata lagaye ki jab Freeze apke chakkar laga raha hain to apke next shoot pe wo apke kis taraf hoga. Issey aapke shot na kamiyab nahi honge!

 

Ab ye to houa ki agar koi samney se Freeze leke humpe hamla karey to kya kya karna chahiye. Lekin agar humey kisi doosre Freeze pe hamla karna ho to? Chaliye jantey hain.

 

Lambi Range ki Turrets ka Upyog :-

Freeze ki range short chhoti hain, iske karan agar aap doosre Freeze pe long range turret ka upyog kare to wo sabse accha rahega. Ek-do baar Freeze ko marne par wo chokanna ho jayega. Iss dohran wo apke or aa sakta hain. Impact force ki sahayta se Freeze ke hull ke bajuon par shoot karne ki koshish kare. Iski vajah se wo apni tank sidha nahi chala payega. Agar wo nazdik bhi aaye toh wo kamjor hoke hi aayega aur aap piche hat kar ussey khatam kar sakenge.

Isiliye agar aap long range turret ka upyog jyada karte hain aur dushmano ki team mein Freeze ho to savdhaan reh kar, ussey drishti mein la kar door se ussey nipat lein. Bade maps mein iske liye light hulls ka upyog anivarya hai.

Madhyam Range ki Turrets ka Upyog :-

Madhyam range ki turrets ke saath aap ko dhyaan rakhna hai ki dushman Freeze aap ko acche PSD se haani na pahunchaye. Tabhi aap ussey kada mukaabla kar payenge. Iska matlab hai ki aap ko lambi range ki turrets jaisa hi adhik antar rakh ke unke khilaaf hamla karna hai.

Bahot baar aisa hoga ki Freeze kisi doosra raste se ho kar aap ke nazdik aane ki koshish karega. Aap ko ye tarkib jaan kar sahi disha mein chalna hoga aur Freeze ko apne turret ke anusar mar giraana hoga. Medium hull ka upyog hi accha hoga.

Chhote Range ki Turrets ka Upyog :-

Ye tarika sunney mein theek nahi lagta lekin sahi tarikey se apnaya jaye to Freeze aapke samney kuch nahi. Iss tarkeeb ki shuruat aap Freeze ke pichey reh ke kare, agar wo na jane ki aap uske pichey ho to jyada accha hain. Dushman Freeze ke pichey se jaye aur aapke aur Freeze ke bich mein todha antar rakhey. Apne turret se Freeze ko nuksaan pahunchana shuru kare. Jaise hi Freeze ko pata chalega ki aap uske as paas ho, aap uske chakkar lagaiye.

Jee haan jante houe ki Freeze ki turret rotation speed adhik hain lekin phir bhi ussey bhi ghumne mein samay lagega aur kam se kam kuch seconds ke liye wo aap ko damage nahi karega. Tab tak aap Isida se thodi health heal kar gaye honge ya Firebird se dushman par thodi jalan dali hogi.

Freeze ke Modules:

 

Pichle saal mein modules ke update ke baad ab hamare paas range ke hisab se modules aa gaye hain. Freeze ke khilaaf ladhne layak 18 modules hain. Jinme se 1 Mono module hain, 3 Duo modules hain aur baaki ke 14 Triple modules hain. Keh sakte hain ki hamare paas options kafi hain. Lekin khareede konsa?

Single Modules < Double Modules < Triple Modules,

Inn sab mein antar ye hai ki ye sirf ek turret, do turret aur teen turret se suraksha karte hain. Adhiktar log triple modules ko chunenge aur ye isiliye kyunki puri ek samay Freeze ke alawa aur do turrets ke khilaaf kuch % hona bahot jaroori hota hai.

Bade Maps ke liye Module:-

 

Grizzly T-L :-
 

iss protection module se aapko Freeze, Hammer aur Striker se suraksha hogi. Iski khasiyat ye hain ki ye unhi kuch modules mein se hain jisme Freeze ke saath aapko naye Striker ke samney bhi protection milegi. Jo dekha jaye to abhi bohot kam dekhne ko milti hain.

 

Kodiak T-D :-

ka module bhi bahot se log khareedna chahenge. Ye isliye kyuki ye module hame Freeze, Railgun aur Thunder se suraksheet rakhta hain. Hum sab jante hain long range ke baat aati hain to Railgun aur Thunder yaad aata hain.

 

Madhyam Maps ke liye Module:-

 

Lion T-C :-

mein bhi aapko Freeze aur Hammer ke samney protection milegi, lekin ismein Striker ki jagah Ricochet hain. Apne ya dushman ke base mein jyada khelne waalon ya chhoti jagaho mein 'camp' karne waalon ke liye ye accha hai.

 

Grizzly T-H :-

iss module mein aapko Freeze, Ricochet aur Vulcan se suraksha milegi, jo accha hain. Kyunki Vulcan un weapons mein se hain jinke aniyamit golibaari se aap pareshan hote hain. Kai baar yahi Vulcan Freeze ka saathi bana rehta hai.

 

Grizzly T-A :-

ab agar Smoky sabse jyada tang karta hain to uske samney protection lena bhi avashya hain hi, lekin iske alawa Twins ke lagatar golibaari se thoda chhutkara mile to yeh to ek badhiya Freeze trio ho jaye.

 

Chhote Maps ke liye Freeze Protection Module:- 

 

Badger T-F :-

Freeze, Firebird aur Twins se protection dene wala ye module chhote maps ke liye sabse uchit rahega. Firebird aur Twins chote maps mein waise bhi bahot upyogi hain aur Twins agar short range mein kehle to uska damage/impact force bohot bhari pad sakta hain. Ye module jaroor chunein.

 

Badger T-H :-
 

Ab chhote map hain to saare short range turrets se protection mile to life set hain. Mera matlab battle set hain. Badger T-H mein sare short range weapons, Freeze, Firebird aur Isida se protection milti hai.

 

Freeze ke alterations se kaise bacha jaye?

 

High Pressure Pump :-

 

Iss alteration mein freeze ka max. damage range dugna ho jata hain! Yaani dushman Freeze ab iski madad se aapko dugne antar tak uska sabe jyada damage de payega. Issey uska cone angle bhi 70% ghatta hai. Iska matlab usko apna nishana aur acche se lena padega. Agar wo apne max. damage rangeka fayda utha raha hain to aap uske kam cone angle ka fayda uthaye. Ek jaghe pe khadey na rahe agey-pichey jate rahe, iske vajah se dushman Freeze ko bhi apne turret ko jyada hilana padega. Aur agar aap kam se kam damage lena chahte hain to aap usk corners pe shoot karna, jissey uska nishana galat ho jayega. Agar team ka koi tank flag lekar chal raha ho aur dushman Freeze aaye, to Freeze ki dhaara ke ada khada ho jana. Kam cone angle se wo uss tak pahunch nahi payega. Iske alawa baaki samay iss alteration waale Freeze se jyada se jyada door hi rehna.

Corrosive Mix :-

 

Is alteration mein freeze ka PSD (prati-second damage) +10% ho jata hain. Iske karan freeze 10% zyada damage karega. Adhiktar samay mein je jaanleva ho sakta hain. Lekin agar aap iske durupyog ka upyog kare to ye kuch bhi nahi. Issey Freeze apna freezing effect kho deta hain. Jee haan yaani is alteration ke karan Freeze ek seedha saadha PSD turret ho jata hai. To ab iska kaise faida uthay? Ab agar Freeze aapke tank ko ek jagah rok ke nahi rakh rahi to hilte raho! Apne hull pe Nitro ka istemaal karke freeze se dur bhago!

 

Aapke keemti samay ke liye shukriya. Asha hain ki aapko iss lelh se kehlne me madad miley! Aap ke paas apne kuch Freeze ke khilaaf khelne ke liye khaas tareeke hon to jaroor batayein!

 

Edited June 13, 2017 by Tofu

[KILL_BILL_CHAUHAN 2,505]

freez is best