Review [Ank 4] Masters of Parkour 2016 ki Samapti

[Quincie 531]

 

2016 ek aitihaasik saal raha hai. 2016 ka Masters of Parkour Contest bhi abhi tak ka sabse bada Parkour contest raha hai. Iss baar ka antim padav bhi sach much anokha tha. 

 

 

Iss baar humne dekha kaise Tanki Online ne poore international community (English, Spanish, Dutch, Polish aur Chinese) aur Russian community mein se sirf 10 teams ko finalists banaya tha. Inn sarey chuney gaye finalists ko tanki ne livestream ka challenge diya tha. Iss livestream ko ekantrit karne ke liye thoda samay laga tha, thoday din tak issy postpone karna pada tha lakin akhirkar 17th December ko ye sambhav houa.

 

Livestream me saarey finalists ko tarah-tarah ke maps mein ek chuney gaye imarat ko apne andaaz mein parkour karke chadhna tha. Inn sabki skills ko 3 judges ne judge kiya tha. Trick ki frequency,  asafal ke baad fir se judne ke liye liya samay, jumper ke hull (Light/Medium/Heavy), trick kamiyab hone se pehle kiye gaye prayatno ki maatra - inn saari cheezon ko nazar me rakhte houe judges ne team ko points diye. Inn sabke sivay, teams mein agar jumper ne apne weapon ka istmaal nahi karne se aur time bonus se wo extra points le sakte they. Judges jyada se jyada 25 points de sakte the.

 

 

Pehla Round -

 

Pehle round mein finalists, yaani ki:

1. The Flying Parkourists
2. Fight & Flight
3. German Tanki Tutorials
4. Indian Spirit
5. Covalent
6. Dutch Revolution
7. R4ND0MLY W0N
8. VIPS
9. The French Fury
10. Maniacs​

ko Kungur map ke ek imarat tak apne dhang se parkour karna tha. Ye thi wo chuni gayi imarat.

 

 

Adhiktar teams ne ek jaisi trick ka isamaal kiya, Ye trick humne livestream ke shuruat mein dekhi thi. Sirf F&F(Fight & Flight), Indian Spirit, Randomly Won, aur TFP(The Flying Parkourists) apne tariko se iss imarat pe pochne ke tareeke bana paye, lekin badkismati se Randomly Won safal na rahe.

 

F&F(Fight & Flight) ne apne poore 4 khiladiyo ke istamaal se ye challenge kiya. Unhone 3 Viking-Hammers pe ek M1 Wasp aur Thunder ke upyog se ye imarat ko chadhne ka prayas kiya. Wasp Thunder ne hammers ke samney zameen pe shoot karke apne aap ko hawa me uchala aur saare Hammers ne ek sath shoot karke Wasp ko imarat tak pohchaya. F&F ne 1 Minute 7 Seconds aur 3rd try pe apni trick puri kari.

 

Indian Spirit ne nazdik se imarat pe parkour karne ka nirnay liya. Mammoth ko ramp ke tarah upyog karke uske upar Viking aur Jumper ko rakhke wo imarat pe pahunchey. Jaani maani tricks mein thoday badlaav karke unhone 19 Seconds (!) aur 2 tries mein trick puri kar di! Kehna padega hum Indians parkour mein kam nahi.

 

Randomly Won ne bhi jaani maani tricks mein badlaav karke apni trick banai. Starting mein Dictator ke upar Hornet ke upar Wasp rakhke "Rock" naam se jaani gayi trick ka istemaal kiya. Ye tower nazdiki ditch ke pass khada tha, vaha pe apne tank ko wo swing karke upar uchley. Kamiyabi mili lekin sahi building pe nahi. Agar time jyada hota to shayad jeet inki thi.

 

TFP(The Flying Parkourists) iss team ko dekhne ke liye sare darshak betab the. TFP ne ditch ke andar 2 Hammers ka upyog kiya, aur nazdik mein ek mine jo Jumper ko uchalne mein madad karne ke liye thi... aur akhir mein pichey se Railgun ka shot. Kehna padega TFP ne kuch alag socha tha aur dekha jay to wo pehli baar mein hi imarat pe pohochey the. Lakin badkismati se Jumper apne tracks pe nahi tha. Par akhirkar 3 tries ke baad TFP ne imarat ko 1 Minute 48 Seconds mein parkour kar liya!

 

Iss round ke ant pe scores the...

 

 

 

Doosra Round

 

Badhtey huye ham Kolhoz map mein pahunchey. Iss map mein corner waali imarat ko chadhne ka challenge tha. Ye challenge dekhne me sabse jyada maza tha kyuki iss imarat ke pass ek ramp parkour ko diya tha. Lekin ye dekhna tha ki parkourists is ramp ka kaise istmaal karte hain.

 

Picture imarat ki -

 

 

Maniacs ne iss chunauti ko jyada complicated karke parkour karna chuna. Maniacs ne Jumper ko Viking rakha. Support ke liya Maniacs ne apne saath 2 Hammers ka istemaal kiya imarat pe jane ke liye. Trick mein dekhne ko mila ke Viking ne ramp ke top pe rakhi mines pe jake apne aap ko flip kiya aur Hammers ne extra support se Viking ko upar tak uchala. Pehli baar mein hi wo imarat tak phochey lakin kismat unki jo unki tank apne tracks pe na thi. Lakin akhirkar 54 Seconds aur 2 Tries mein wo kamiyab rahe.

 

F&F(Fight & Flight) ne is chunauti ko sirf 2 tanks ke saath aur na koi mines ki madad liye kiya. Wasp M1 raftar mein ramp pe gaya aur jaise hi wo sahi point pe tha tab railgun ne uske tank ko agey shoot kiya. Iss vajah se wasp jameen ko dekhne laga aur Thunder ke shot se wo upar ja saka. 1 Minute 11 Seconds aur 4 Tries mein F&F ne apni trick sambhav ki.

 

TFP(The Flying Parkourists) hi shayad ek team thi jisne dusri imarat ki madad li. Pichli trick ke tarah iss baar bhi 2 Hammers nazdiki ghar pe ramps bane houe the. Ek Wasp Thunder Jumper aur jyada force ke liye pichey ek Railgun. Pehli baar mein wo zyada kuch nahi kar paye, par koshish pe koshish karne ke baad wo nazdik se nazdik pahunchney lage. Aur akhirkar 1 Minute 37 Seconds aur 4 Tries mein wo kamiyaab rahe!

 

Lead kartey houe F&F ke trick samay pe na khatam hone ke rakan TFP ne lead li!

2nd Round ke ant ke scores.

 

 

 

Teesra Round

 

Antim round ke liye bhi finalists ko kam jaane hue map mein challenge mila tha - Wolfenstien mein. Ye imarat ke aspas dekhke jyada kuch parkour karne ke tricks nahi dikhi lekin Hamare Finalists iss imarat ko bhi parkour se chadh paye.

 

Pic Imarat ki -

 

 

Maniacs ne ye than liya tha ki wo is challenge mein bhi Jumper ko Viking banaenge aur kamiyab hoke dikhayenge. Pichle trick ki tarah inhone iss baar bhi Viking ko Jumper rakha aur support ke liye 2 Hammers liye. Viking raftaar mein mines ke upar se gaya aur Hammers ne nichey aur pichey se shoot karke Viking ko building tak dhakela. Pehli baar mein wo building pe pahunchey lekin badkismati se apne tracks pe nahi.

 

F&F(Fight&Flight) ko apni trick karte dekhke sabhi chokanbey reh gaye the. F&F ne nazdiki map ke border se trick ki shuruat ki. Jumper Wasp border par apne aap se tha. Nichey do Ricochets imarat ki deewar pe ramps ki terha the. Aur Wasp ko border pe pohocha ne ke liye ek Dictator. Wasp apni jaghe pe khadey reh kar Ricochets ke shots se hawa me uchla. Wasp ne border ko shoot karke imarat ke pass gaya. Lakin badkismati se F&F apni is trick me nakamiyab rahe. 

 

Akhir me 2nd aati hoi F&F ne apne andaaz mein chunauti ko jeetna chah, kehna padega tarika accha tha lekin badkismati se wo nakamiyaab rahein. Aur aakhir mein TFP ne 1st sthan paya!

 

3rd aur Akhir round ke scores..

 

Congratulations sare finalists ko, yaad rakhein, jo jeetain hai, wo isi liye kyunki apne harna chuna! Aap ka MoP 2016 aap ke pradarshan ke prateek jaisa to rahega hi! Agli baar jaroor jeetiyega!

 

Edited June 14, 2017 by Tofu