Guide [Ank 5] Striker ka Sahi Upyog

[Quincie 531]

 

Tanki mein aaye houe naye turret ko leke sabhi utsahi ho gaye the. Ab ye naya turret hai, har kisi ko iska istemaal karna nahi aata. Shaft aur Twins ka mel aur kuch anokhi cheezon se bana ye turret seekhna hai? Aage padhiye!



Striker ko hum ek madhyam lambe range ka turret keh sakte hain. Iske do modes hain, arcade aur scope. Arcade mode ek rocket shoot hota hai, kisi bhi baaju ke barrel se, aur scope mode se 4 rockets nikalte hain, kuch samay ke lock-on ke baad, aur inn 4 rockets ke paas 'homing effect' hota hai, jissey ye dushman ke nazdik jane ki koshish karte hain.

Toh iske khel ke inn do ghatako ko kab aur kaise upyog kiya jaye, yahi pehle prashn hai. Aap kisi ek hi mode ke saath kisi bhi battle mein safal nahi ho payenge. Dono ki apni jagah hai, aur kis mode ko kis samay upyog karna hai iska faisla lena mahatvapoorna hai.

Arcade mode -

Arcade mode jaldi jaldi mein hote saamne mein mahatva ka hai. Jaise ki chhoti jagah mein agar aap ne dushman ko dekha lekin aaju baaju ke props ke taraf wo badha, to arcade mode hi accha hai, taaki aap ussey jald se jald shoot kar ke nuksaan pahuncha sake.

DM mode mein bhi jyada arcade shot ka upyog hain, kyonki kills churane ke liye ye scope mode se jyadatar accha hai. Iske alawa, agar dushman unchayi par ho ya niche ki taraf ho to bhi arcade hi jyada kaam ata hai. Chhote antar ki ladhayion mein bhi arcade mode hi.

Scope mode -

Scope mode ke apne fayde hain. Issey ek se jyada tanks ka vinaash karna aasan hai, aur issey shoot kiye gaye rockets ko angular velocoty milti hai. Lambe range pe arcade shot ko chakma dena aasan hone se scope mode ka saath lena hota hai. Agar dushman kisi building ke piche jaye toh bhi splash damage asardar hota hai.

Agar koi dushman khule aam kisi jagah mein ho, to jaroor scope mode hi sahi chunav hai. Aisa jagahe jinme aap ko nirantar drishi mil rahi ho udhar bhi scope mode hi accha hai. Control points, CTF mein dushman ke base, aur gold box zones mein ye bahot prabhavi hai.

Turret ke saath har ek Hull ka Upyog

Wasp:

 

Dekha jaye to mere hisab se Striker turret ke saath sabse tulna rakhne wala hull Wasp hoga. Aisa kyon? Wasp apni speed ke liye jana jata hai. Iss speed ke saath aap apne hull ko jyada upar-nichey hila saktey ho. Ye hi nahi, balki Wasp apni speed se dushmano ki tank ke pichey laga rehta hai. Iski vajah se wo dushmano pe lock-on aasani se kar sakta hai.

Wasp "hit-n-run" mein bhi kaam aata hai. Iska matlab apne dushman ko mar ke aap apne ghar nikalte ho, aur nuksaan bhi nahi lete ho. Lekin ye dhyan rakhey Wasp halka hai. Aur ye aasani se idhar-udhar hil sakta hai aur iski health bhi zyada nahi hai. (Kam weight ka ek labh hai, aap Striker ke rockets ko acche se disha de payenge.) Kripaya istemaal kartey samey savdhani rakhein aur cover ka istemaal karein.

Hornet:

 

Wasp se thoda kam tez jaroor hai lekin jyada health aur weight ke saath Hornet bhi Striker ke saath ek accha combination banata hai. Jyadatar iske saath ke khel aur Wasp ke saath ke khel mein jyada antar nahi hai. Hornet ke baaju se shoot karna mushkil hai, kyunki iss hull ka shape lamba hai. To agar lock-on mode se kisi pe shoot kartey samey kisi ne edge pe shoot kiya to shot bigadne ki jyada sambhavna hai.

Lekin Hornet pe Wasp jitna impact force ka asar nahi padta kyunki Hornet ka vazan jyada hain. Ye bhi yaad rakhey ki striker ka recoil kam hai. Iskey vajah se unchayi se shoot karke utarna mushkil hota hai.

Hunter:

 

Hunter aisa hull hain jiske stats adhey Wasp aur adhey Hornet ke lagte hai. Acchi speed ke saath acchi health. Hunter adhiktar jagaho mein accha kaam kar sakta hain kyonki uske stats sabse madhyam hain. Hunter ki khasiyat ye hain ki ye Wasp/Hornet se uncha hain. Iski madad se Striker ke single rockets ka auto aim behtar hota hain. Aur lock-on mode ke liye bhi auto aim accha rehta hain. Iska adhiktar advantage liya ja sakta hain.

Hunter aur Striker kai saari bhoomika nibha sakte hain, jaise hi ghumne waala sniper jo map ke baaju se khelta hai, ya phir hamle ya raksha mein sahayyak jaise.

Viking:

 

Ab Tanki ke doosre sabse upyogi hull ke saath to saare turrets chalte hain. Ab sawal hain Striker ka. Viking ki medium hulls mein sabse jyada speed aur kaafi jyada health/weight upyogi hain. Issey aap akraman kartey waqt team ki sahayta karein. Iss hull se dushmano ko chase karna baaki medium hulls se kam mushkil hota hai aur agar map ka gyaan ho to ye kaam aur aasan hai.

Viking ki unchayi poore game mein sabse kam hain, auto-aim karna mushkil ho sakta hai. Lakin nichey ki taraf auto aim karne mein madad milti hain. Isliye jyada tar unchayi se fire karein.

Dictator:

 

Aya poori Tanki mein sabse lamba aur uncha hull. Ab agar hull lamba hai to upar ki taraf auto-aim bahot aasan ho jata hain. Arcade shots shoot karte samey agar auto-aim na houa to apke shots ka apke dushman ke upar se jane ki sambhavna hain. Aur lock-on mode mein jaise Striker 4 rockets shoot karta hain. Tab har ek rocket dusre ke baad hota hain. Iski vajah se kabhi kabar agar aapka dushman aapkey nichey hain to lock-on mode ke rockets ko wo aasani se rockets ko chakma de sakta hain.

Dictator aur Striker aap raksha ka midfield ke liye upyogi ho sakta hai, agar aap ke team ka base map ke niche ki taraf ho to (Noise, Silence, adi). Jyada weight se impact force ka asar bhi Dictator par kam hai, jissey nishana sadhna aasan hai.

Titan:

 

Legends ka jyadatar pasandeeda bada hull Titan Striker ke saath accha pradarshan kar sakta hai. Titan lock-on mode ke liye sabse accha hain. Ye isliye kyunki ye hull sabse sthir reh sakta hain. Isliye dushman ke edge-perfect shots ispe jyada effective nahi hain. Sirf ye kami hai ki iski speed jyada nahi hain. Par dekha jaye to iski health ye chhupa deti hain.

Mammoth:

 

Shuruat mein laga tha ki Striker ke saath sabse zyada Mammoth tulna karega par asliyat mein ye itna bhi prabhavi nahi hain. Mammoth par turret aage sthit hota hain isilye ye hull Striker ke saath jyada accha nahi. Gati kam hone ke karan ye targets ka picha nahi kar pata lekin impact force ka ispe jyada asar nahi hain. Camping ke liye upyogi hai agar map mein apka sthan dusro se thoda upar ya thoda nichey ho aur map mein Desert ya Solikamsk jaise khuli jagahe ho.

 

Anya Upyogi Tareekey:

• Agar do dushman samey paas-paas khadey ho to usko target karein jiske hull ki gati kam ho. Iski madad se aap dusre dushman ko splash damage ke kaaran hit kar payenge aur aap ko nishana sadhne aur lock-on ka samay poora karne mein aasani hogi.

 

 

• Bina nishane ke dushman ke nazdik shoot karein, agar aap ek-duje ko dekh nahi pa rahe to. Striker ke splash damage ke kaaran unhe damage hoga aur aap uske drishti se bahar hi rahenge. Issey V-Log episode #122 mein acche se pradarsheet kiya tha.

• Dushman pe aasani se lock-on jaari rakhne ke liye pehle se hi cover ke piche se uski chaal ke anusar apni hull aur turret ko hilayein. Aap ke paas sirf ek second hota hai, lock-on ko gavane par phir se laane ke liye.

• Jyada jaldi apne dushman ko lock-on mode mein nishana mein laane ke liye apne hull ke saath apne turret ko bhi ghumana shuru karey. Parantu, issey safalta paane ke liye aap ko accha keyboard lagega. Ye tarkeeb jyada props waale maps mein upyogi hain.

 

 

• Agar aapne apne target pe homing missiles shoot karna chalu kar diya hain lekin aapka target nazdiki deewar ya prop ke piche ja raha hain to apne hull aur turret ko dushman ke disha se ulti taraf ghumayein. Iski vajah se rockets jyada bade arc se ghumkar apne angular velocity ke saath dushman ka picha karenge.

 

 

• Aur kisi waqt aap ke aur dushman ke beech mein achanak se koi teammate ya phir chhoti deewar aaye to aap aur ek tarkeeb ka upyog kar sakte hain. Rockets fire hote hi, jald se piche hile taaki aap ke hull ke aage waala bhaag upar uchle Iski madad se aapke rockets obstacle ke upar se jake target ka picha karenge. Agar aap iss trick ko jyada acchey se janna chahte hain to kripaya

dekhein.

---

Ummeed hai ki aapko iss lekh ko padh kar Striker turret ka sahi upyog kaise karna hai yepata chala ho. Dhanyavad padhne ke liye aur niche aap ki prayikriya jaroor dijiye!


Edited June 14, 2017 by Tofu