Review [Vishesh] Adhyayan - Update #449

[Quincie 531]

---

 

Thode samay pehle humne dekha tha ki Patch Update #445 ke dvaara M0 hulls aur turrets ke micro-upgrades ko 50 se 10 tak kar diya gaya hain. Iss baar bhi thoda aisa houa hain, lekin iss patch update mein aur bhi bahot kuch hai. Chaliye vistaar mein jante hain.

 

 

Abki patch update #449 mein khel ke liye Micro upgrades aur Alterations par adharit updates aaye hain. 

 

M0/M1 Turret aur Hull ke Micro-upgrades

 

Pichle update se thodi milti julti hain. Pichli update chhoti thi isliye hamne uspe article nahi kiya tha. To chaliye dono updates ko ek sangath samajh lete hain.

 

Jaisa hum jante hain -- abhi agar ham apne hull turret ko micro-upgrade karte hain to unki sankhya 50 steps hoti hain. Har ek 'step' mein hull/turret thoda thoda behtar banta jata hain. Ab ye update aane se M0 aur M1 cheezon ke micro-upgrade har 'step' se jyada maatra se sudhrenge. M0,M1 turrets aur hulls ke liye micro-upgrades sirf 10 steps ke honge. 10 steps hone ke bavjood 10/10 hone par aapka turret bilkul 50/50 jaisa ho jayega. Yaani M1 aur M0 , M2 aur M1 ke samaan honge. 

 

 

Pehle kisi bhi modification ke turret/hull ko 50/50 micro-upgrade karne ke liye uss modification ki asli keemat se kaafi jyada crystals dene padte the. Ab ye keemat agle modification ke barabar hogi. Issey ye labh hoga ki naye-naye khiladi jo galti se apni cheezein micro-upgrade karte rehte hain unke jeb mein se jaroorat se jyada crystals na nikle. Phir bhi, agar unhone speed-ups ka upyog kiya, to unke jyada hi paise jayenge, kyonki speed-ups ki keemat har 'step' se dugni ki gayi hai. Isliye agar aapne ek hi baar mein 10/10 MUs kar diye, to pehle jitne hi paise lagenge.

 

Agar aapne apne hull/turret pehle MU kiye the to unke micro-upgrades theek se nayi system mein badle jayenge. Matlab agar aapke Railgun M1 pe 25/50 thi to wo ab 5/10 ho jayegi. Pichle update ke 5 micro upgrade abhi ke 1 micro upgrade ke barabar hain. Yaad rakhein, abhi bhi koi modification full micro-upgrade hone par bhi utna hi accha hoga jaise pehle tha.

 

Alterations ka Kiraya

 

Alterations ke baare mein jyada kuch nahi. Par jitni khabar hain wo bhi badi acchi aur lajawab hain. Tanki ne alterations ko khel mein lake hamare khel mein ek prakar ki vividhta layi. Jab alterations Tanki mein aye thein tab alterations ke liye hamare paas 2 options the. Ek alteration ko khareed lena aur doosra alterations ko kiraye par leke unpe test karna aur phir khareedna. Kai karano se iske liye aapko inhe real money se kiraye par lena padta tha. Iska karan kya.. ? Hume nahi pata.

 

Lekin ab ye baat Tanki ne badal di hain. Ab aap alterations khareedne se pehle unhe kiraye par le sakte hain crystals ke saath. Kisi bhi alteration ka kiraya ab 5,000 crystals hai, aur 5,000 crystals bharne par aap ko wo alteration 24 ghanto ke liye diya jaata hain, taaki aap nirnay le sake ki aapko wo pasand hai ya nahi.

 

 

Ye update sabse accha hain kyuki ab aap bina kisi andaze ke alteration nahi khareedenge. Ab aap rent kiye gaye alteration ka adhyayan karke phir khareed sakte hain. Iska ye bhi fayda hain ki agar aapko kabhi kisi alteration ki badi jaroorat pade aur aapke paas wo na ho to aap ussey 24 ghanto ke liye kiraye par le sakte hain.

 

 

Balance ke liye Badlaav

 

Tanki ne sare modifications ke turret/hull ke health/damage ki maatrayein badli hain. Lekin M3+ ya M4 pe inmein koi bhi badlaav nahi laya hai. Badle hue stats ko dekhein to chhote modifications ki taraf ek jhukaav dikhta hai. Damage aur health mein badhaav laya gaya hai, wo M0 se leke M3 tak kam maatraon mein dikhaye deta hai. Issey samajh aata hai ki jab M1 khiladi M2s ke saath khele ya phir M2 khiladi M3/M4s ka saath khele to uska kam nuksaan hoga.

 

Stats mein gehrayi se udaharan ke liye Thunder ka damage dekhte hain. M0 modification par Thunder ka damage 34% badha hai, M1 par 18%, M2 par 11% aur M3 Thunder ka keval 4% se. Aisa hi jhukaav Hammer ya anya turret aur hulls ke stats mein hai. Sabhi M3 hulls aur turrets ka health/damage ausat 4-5% se hi badha hai isliye M3-M4 ka antar ghata hai lekin bahot kam maatra se. Kuch mamlon mein visheshta nazar aati hai, jaise ki ab M0 heavy hull ka HP M4 light hull ke samaan ho chuka hai.

 

Aarthik Badlaav

 

Sales ka ab kits ki keemat par asar nahi hoga. Iska matlab hai, agar aapko yaad ho, to aapko pata hoga ki personal discounts/sale discount kits ke andar alag se kam kar diye jate the. Yaani agar aapke paas Thunder M3 ke liye 51% personal discount hai to wo discount kisi kit mein jisme Thunder M3 ho usmein se bhi kam kar diya jaata tha. Agar aapne kisi kit ki cheez pehle se 50/50 MU kar rakhi ho phir bhi aap ko uss kit ke andar uss cheez ke liye -100% nahi milega.

 

Isi ke saath ab product kits ko khareedne par milne waali muft ki supplies ab nahi milengi. Ab tak kisi bhi kit (supply kit ke alawa) ko khareedne se aap ko adhik labh hota tha inn supplies ki vajah se. Aakhir mein, garage mein hote hue "bulk discounts" ko bhi khel se nikaala gaya hai. Ye wo discounts the jo vahi modification ke adhik hull aur turret khareedne par badhte the, lekin ab wo nahi rahe.

 

 

Aakhir mein bas itna hi kehna chahunga ki ye saare updates apne ek kaaran ke liye khaas hain. Bina kisi vajah se inko nahi laya jaata aur hume ye baat samajhni chahiye. Alterations ki update se lagbhag sabhi khush honge, baaki sab ka virodh ho chuka hai. Isi ke saath iss lekh ka samapan karna chahunga, aap ki pratikriya jaroor likh dena. 

 

Edited June 13, 2017 by Tofu

[Zenyth 6,494]

Jaroor padhna aur patch #449 ke baare mein aap ke kya vichar hain ye hume batana!

[tankerkuldeep 739]

Jaroor padhna aur patch #449 ke baare mein aap ke kya vichar hain ye hume batana!

Ek aur bekar update TO dawra.

Aur ek aur kadam PAY TO PLAY ki taraf.

Bulk discout aur sale discout hatane s equip. ka price aur badh jayega.

Aletration ka rental itna jayada h ki koi l hi na sake.

[Zenyth 6,494]

Bhai bulk discounts nikalne se turret/hull ki keemat to badhegi jaroor. -_-  Lekin mujhe aise bhi lagta hai ki jo log sirf inn discounts ko dekh kar turret par turret bekar mein khareedte ja rahe the unka accha hoga.

[Quincie 531]

Ek aur bekar update TO dawra.

Aur ek aur kadam PAY TO PLAY ki taraf.

Bulk discout aur sale discout hatane s equip. ka price aur badh jayega.

Aletration ka rental itna jayada h ki koi l hi na sake.

Ye baat se mein razi nahi. Accha houa ki kits pe extra discount mila band kar diya gaya. Iske karan kits buyers ke liye aur bhi saste ho jate the. Aur to aur inko khareedne pe ab supplies bhi nahi milte. Jo ham sab nahi chahte ki koi use kare

[tankerkuldeep 739]

Ye baat se mein razi nahi. Accha houa ki kits pe extra discount mila band kar diya gaya. Iske karan kits buyers ke liye aur bhi saste ho jate the. Aur to aur inko khareedne pe ab supplies bhi nahi milte. Jo ham sab nahi chahte ki koi use kare

Buyers to phir bhi buy karenge.

lakin jo buyers nahi hai unne par jayada effect padega.

[KILL_BILL_CHAUHAN 2,505]

hum legend log ek hi to kit buy kar sakte hai vo bhi gai ab

[tankerkuldeep 739]

hum legend log ek hi to kit buy kar sakte hai vo bhi gai ab

lol...sahi hai.

or wese usse kit ki jarurat bhi nahi hai.

[KILL_BILL_CHAUHAN 2,505]

hai bhai

[Quincie 531]

Buyers to phir bhi buy karenge.

lakin jo buyers nahi hai unne par jayada effect padega.

Buy karne pe bhi wo wahi equipment kahreedenge jo equipment aapbhi khareed sakte hain. Akhir mein pay karne se bhi hornet m3 hi milega aur save karke khareedne se bhi hornet m3 hi milega. Baat ye hain ki complain kiye bina in buyers ke samne acchi game rankhna aur buy karne kiye bina inhe harana. Ha ye mushkil hain, lakin na munkin nahi. Akhir mein skills hi har argument ka akhri shabd hain. 

[tankerkuldeep 739]

Buy karne pe bhi wo wahi equipment kahreedenge jo equipment aapbhi khareed sakte hain. Akhir mein pay karne se bhi hornet m3 hi milega aur save karke khareedne se bhi hornet m3 hi milega. Baat ye hain ki complain kiye bina in buyers ke samne acchi game rankhna aur buy karne kiye bina inhe harana. Ha ye mushkil hain, lakin na munkin nahi. Akhir mein skills hi har argument ka akhri shabd hain. 

Pay karne s hornet m3 jaldi milega aur save karke kharidne s late milega.

Aur buyers ka hornet tab tak m4 ho chuka hoga.

Aur m3 aur m4 m skills har argument ka akhri shabad nahi rahega.

 

 

Aur ab y update purani ho chuki iske baad aur bhi update aa chuki hai buyers k liye.

[Quincie 531]

Pay karne s hornet m3 jaldi milega aur save karke kharidne s late milega.

Aur buyers ka hornet tab tak m4 ho chuka hoga.

Aur m3 aur m4 m skills har argument ka akhri shabad nahi rahega.

 

 

Aur ab y update purani ho chuki iske baad aur bhi update aa chuki hai buyers k liye.

Hornet m3 kaam to ek hi terha se karega aab chahey wo crystals se liya ho ya real money se. Pehle/Bad mein milne ki baat nahi, baad mein mile phir bhi skills hi player ko asli chehrah hain. M4s ? agar aisa ho to Non-Micro Upgrade battles khelo.

[tankerkuldeep 739]

Hornet m3 kaam to ek hi terha se karega aab chahey wo crystals se liya ho ya real money se. Pehle/Bad mein milne ki baat nahi, baad mein mile phir bhi skills hi player ko asli chehrah hain. M4s ? agar aisa ho to Non-Micro Upgrade battles khelo.

Pheli baat to y m hornet s jayada khelta nahi hu.

Aur jayadatar non xp games m mu on hote hai legend rank p.