Guide [Ank 7] Sone ki Raksha

[Zenyth 6,494]

 

Namaste mitron, sakhiyon. Aaj main aap sabka parichay karvaunga ek aise khel se, ek aisi vishesh spardha se, jo Tanki mein bahut prachlit hai. Hum sab jaante hai ki Tanki mein Sone ke Dabbe (Gold Boxes) kitne keemti hain. To inki raksha to banti hai na? Ab bhai koi Sone ko aise hi thodi na chhod sakta hai? Main baat kar raha hu "Save the Gold" ki...

 

 

Save the Gold se Parichay

 

'Save the Gold' ek aisa khel hai, jis mein kuch rakshak Sone (Gold box) ki raksha karte hai. Aur utni hi sankhya ke hamlaavar us Gold ko chheenne ke liye prayaas karte hai. Ye khel Tanki mein bahut hi prachlit hai kyonki ise khelne mein bahut maza aata hai. Jab se aise naye format ki khoj hui, tab se hi log ise bahut pasand karte hai. Agar YouTube ka chayan karenge, to aisa dekhenge ki "Save the Gold" videos ki koi ginti nahi hai. Iss format mein aur sudhaar tab aaya jab "gold box supply" ka Game mein swaagat hua. Iss supply se "Save the Gold" ki shuruaat mein kaafi aasaani hui hai. Iss lekh se jaaniye, ki aap kayi Spardhaon mein gold box supply ka kis prakaar upyog kar sakte hai.

 

Chaliye, vistaar mein dekhte hai kaise hum is khel ka aanand le sakte hai...

 

 

Vistaar mein: 'Save the Gold'

 

Save the Gold Khel ka Nirmaankaarya:

 

Ye 'Save the Gold' ka bahut hi mahattvapoorn paheloo hai. Pehle bheed-bhaad se door ek server ko chuniye.
RU 16 se RU 22 tak, aur EN7, ye kuch aise servers ke udaaharan hai. Neeche diye gaya chitra ek ache anumaan hoga, ki aap ke STG ka battle kis prakaar ka ho.

 

Map ka nirnaye...to aap par nirbhar karta hai.
Mere anusaar, Edinburgh STG ke liye ek badhiya map hoga. Is map mein 99.99% baar, gold Map ke beech mein girta hai. Aur isliye, yaha gold ko chheen lena aasaan nahi. Edinburgh ke alawa bhi kai aise maps hain jinmein sabse jyada baar log STG karna pasand karte hain. Inmein jyadatar kile jaise maps hi hote hain.

• Fort Knox
• Scope
• Silence
• Highways
• Boombox
• Arena

 

 

 

Ab battle banaane ke baad aapke paas do upaay hai. Pehla, ki aap kisi buyer ke dvaara gold giraaye aur uski raksha karein. Doosra, ki aap vahi paarampaarik "Firebird-Wasp" ke tareeke se Gold ke girne ka intezaar karein.

 

Gold ki Raksha karna:

 

Ye bhi ek zaroori hissa hai STG ka. Aage diye gaye kuch sujhaavon ka chayan keejiye.

• Light Hulls ka upyog na kare. Medium Hulls mein Viking uttam hoga.
• Acha hoga, yadi kam se kam ek defender Gold box ke andar lag hokar jaa sake. Ise "Gold Glitch" bhi kehte hai. Gold box glitch kiye hue defender ka kaam hai, ki vo gold box drop zone ke aas paas ki jagahon mein mine kare. Jin Rakshakonein gold box glitch nahi kiya hai, unhe gold se door rehna chahiye, taaki koi galti se gold box ko chhoo naa de.
• Gold Box Glitch ke vishay mein: Gold box glitch bahut hi saral hai. Aap ko gold ke paas jaana hai. Apna Ethernet cable 5 se 8 seconds tak disconnected rakhna hoga. Is samay mein aapka Internet disconnect ho jaega. Tab aapko Gold Box ke bheetar jaana hai. Phir 9 ya 10 seconds se poorv phirse use connect karna hai. Tab aap dekhenge jaadu! Aaap gold box ke andar, par aap use le nahi sakte..
  Yaad rakhein, gold box glitch ka asar tab tak rahega jab tak aap battle mein hai. Agar aapne battle refresh bhi kiya, to ye asar khatm ho jaega. Isliye saavdhaan rahiye. Pehli baar koshish karne ke liye kisi doosre supply box ke saath parikshan kijiye.
• Ek hi sthaan par ek se jyaada mine na kare, anyatha unke ek saath phuthne ki sambhaavna hai. Thodi thodi jagah chhod ke Mine kijiye.
• Rakshakon ki team mein turrets ki vividhta banaye rakhein, taaki koi ek jaisa protection module lekar aapse bach na sake.
• Ek team mein ek Isida to hona chahiye, visheshkar tab, jab koi Thunder ya Vulcan rakshak team mein ho.
• Mining samaapt hone ke baad, apna sthaan pakad lo aur "GO" ki soochna dekar hamlaavaron ko aavaahan do.
• Bilkul bhi daya mat dikhaana kisipe. Jitna ho sake, utne rakshaatmak raho. Chaahe kuch karo, par gold ko bachaao.

Gold Cheenne ke liye Hamla karna:

• Vaastav mein, hamla karte vakt koi paabandi nahi hai equipment par. Lekin khel ko mazedaaar banane ke liye mai kahunga ki Railgun, Shaft, Vulcan aur Striker jaise turrets na ho to acha hoga.
• Itna hi nahi, mere anusaar, hamla karte samay Hulls mein Wasp aur Hornet ka hi upyog hona chahiye.
• Mere anusaar Double Damage ka upyog bhi vanchit hona chahiye, kyonki isse hamlaavar keval gold par dhyaan denge, rakshakon par nahi.
• Hamla karne ke liye mere anusaar Wasp-Hammer, Wasp-Smoky, Hornet-Hammer, Hornet-Smoky aur Wasp-Thunder hi uttam combinations hai. Inke paas recoil hai, impact force hai aur achi gati hai. Hamlaa karte waqt aur kya chahiye?
• Ek aur baat. Hamlaa karte samay, Spider Module ka upyog asardaar hoga. Spider S-A M3 Module aapko Mines se 35% protection deta hai. Ye bahut upyogi hai. Ye nishchit roop se aapko ek baar mein do mines se bachaega, agar aap Double Armor lekar chalo to.
  
  

• "GO" ki soochna milne ke baad aapko hamla aarambh karna hai. Dvaaron par (entrances) jo mines hai, une phhodna aarambh karein. Ek saath, jyaada mines ko phhorne ke liye, is tareeke ko apnaaye. Mines ke kareeb Double Armor lekar jaiye. Itna dhyaan de, ki aappar Rakshak ne kam se kam 1% aur jyaada se jyaada 10% ka damage kiya ho. Phir Repair kit ka upyog kariye aur Mines ke upar jaiye. 2 se 3 second tak aap amar honge, aur isliye aap kai mines ko phhod payenge.
  

• Ab shaanti se gold ki or jayein. Apne mann ko shant rakhein. Aap ke aas paas kayi anya rakshak hai isliye gold tak pahunchna saral nahi. Apni sthithi ko ache se jaan le. Rakshakon ko dhakka dene ka prayatna na karein. Iske alawa, jaha jagah hai, vahaa se nikalne ka prayaas karein. Neeche diye gaye nakshe mein yeh bataaya hai ki ek chune hue drop zone par kis tarah pahuncha jaa sakta hai.
  
  

• Ab, jaise jaise aap gold ke kareeb jayein, vaise utni hi shanti se aage badhein, lekin jaldi. Apne saath apne saathi hamlaavar ke saath jaaiye, isse rakshakon ka dhyaan bat jaega. Apne saathi ke peeche rahenge to laabh hoga. Vo rakshakon ka dhyaan bataega aur aap shanti se gold ke paas ja payenge.
• Prayaas karte karte aap gold le paayenge.

 

 

Official 'Save the Gold' Spardha ki Shuruaat:

 

 

 

Iss event ki shuruaat ke liye iska poora shreya jaata hai Community Events ke Management ko. Iss spardha ke bhi apne hi alag niyam hai.

 

-> Aap Hulls mein keval Wasp, Hornet aur Hunter ka upyog kar sakte hai.

 

-> Turrets mein Striker, Shaft, Magnum aur Railgun ka upyog karna mana hota hai.

 

-> Keval White paint aur Zero Module ka upyog kar sakte hai.

 

-> Aap rakshakon par hamla kar sakte hai, par "GO" soochna ke baad.

 

-> Is event ko khelte hue aapko General Event Rules ka paalan karna hoga.

 

Event ke anya niyam yaha padhiye. Ye official spardha lagbhag mahine mein ek-do baar rakhi jati hai. Iska samay aur tareekh Events Calendar mein aapko prapt hogi. Battle mein kuch hi sthaan hote hain, isliye Facebook page par link milte hi battle bhar jata hai.

 

Nishkarsh:

 

"Save the Gold" bahut hi mazedaar event hai. Mere jaise khilaadi pratidin iss event ko khelne ki koshish karte hai. Aisa isliye hai kyonki hame dilchaspi hai gold box ki raksha karne mein, aur use rakshakon se churaakar pakadne mein. Koi aise hi iss event mein haavi nahi ho sakta. Iske liye aapko saamarthya aur anubhav ki aavashakta hai.

 

 

Ummeed hai aapko ye lekh acha laga hoga. Neeche comment kar ke apne STG ke anubhav batayein, unhe padhkar khushi hogi.  :) Ab aap se vida lene ka samay aa gaya hai. STG khelte hue maze kariye! Niyamon ka paalan kijiye, golds pakadiye, aur masti kijiye! Aap se ranbhoomi mein mulaakat hogi! Dhanyavaad aur aapko meri or se Save the Gold khelne ke liye shubhkaamnayein! ;)

 

~ Guest Writer

 

Edited June 13, 2017 by Tofu

[Guest]

Acchi tarah se likha gaya hai lekin ek cheez. Koi bhi STG mein Spider module mana hai. 

[Mr.Meowth 72]

Acchi tarah se likha gaya hai lekin ek cheez. Koi bhi STG mein Spider module mana hai. 

Baat aapki Sahi hai, but I think the writer has written nothing wrong. Restricting the use of spider wasn't an official announcement or a mandatory compulsion. We say not to use it, just for the sake of comfort for the defenders. The Cooldown Period of Mines was increased and that was the reason when people stopped allowing the use of spider. Simple logic. You think that defenders are good enough, I'd suggest you as an attacker to use Spider.

[Guest]

Baat aapki Sahi hai, but I think the writer has written nothing wrong. Restricting the use of spider wasn't an official announcement or a mandatory compulsion. We say not to use it, just for the sake of comfort for the defenders. The Cooldown Period of Mines was increased and that was the reason when people stopped allowing the use of spider. Simple logic. You think that defenders are good enough, I'd suggest you as an attacker to use Spider.

Well apki hi stg me meine dekha tha ki aap spider lene mana karahe the aur dusre bhi bahut cool down se pehle bhi. Bas yeh hi bolraha tha.

[Mr.Meowth 72]

Well apki hi stg me meine dekha tha ki aap spider lene mana karahe the aur dusre bhi bahut cool down se pehle bhi. Bas yeh hi bolraha tha.

Jab tak Cooldown period 20 seconds ka hota tha, tab tak maine Spider mana kiya ho, aisa mujhe yaad nahi. Maaf kar dijiye. Magar haan, mai itna to kahunga, ki maine cooldown period increase update ke baad maine mana kiya hai, kai baar.

[Guest]

Jab tak Cooldown period 20 seconds ka hota tha, tab tak maine Spider mana kiya ho, aisa mujhe yaad nahi. Maaf kar dijiye. Magar haan, mai itna to kahunga, ki maine cooldown period increase update ke baad maine mana kiya hai, kai baar.

Hum yeh baat PM mein discuss karey?