Guide [Ank 8] Adbhut Team - Polygon

[Tofu 6,773]

 

 

Namaste doston! Kya aapne kabhi ek battle mein pravesh kar apni team ko bahut bura paaya hai? Kya aapne chaha hai ki kaash aapki team achhi hoti? Kya aap yeh sochte hain ki agar aap ki manchahi team aapko miljaye to veh kya hogi? In sab prashnon ka jawab aap ko iss lekh se mil jaayega. Aaj mein Polygon ki adbhut team ke baare mein baat karunga.

 

Polygon apne aap mein hi ek anokha map hai. Ismein har tarah ki Tanks paaye jaate. Lekin sawal yeh uthta hai ki iss map ke liye sabse adbhut team kya hai. Isliye maine is prashn ke upar apne vichaar prastut kiye hai aur apne chunaav ka karan bhi diya hai.  

_______________________________________________________________________________________________________________

 

Capture the Flag

 

Polygon jaise map mein CTF khelne ke liye aapko har prakar ke tanks chahiye. Flag capture karne ke liye chote-chote Wasp, dushman attackers ka bheja fry karne ke liye mote mote Mammoth aur midfield ko santulit karne ke liye lachile Viking aur Hunters. Ab jaante hai ki, meri ankhon mein, Polygon CTF mein sabsi badiya team kya ho sakti hai.

 

Thunder Dictator

 

Thunder ek shaktishaali hathiyaar hai, aur polygon mein thunder bahut prabhaavshaali sidh hota hai. Dictator isse ek unchaayi deti hai, jo Thunder ke saath mil kar ek bahut shaktishaali tank bana deti hai. Ye midfield mein khelega aur madhya bhagon par niyantran rakhega.

 

Isida Viking

 

Polygon ek khula-khula map hai aur Isida ke saamne khade kisi dushman ko usse bachne ke kam raaste uplabdh hai. Isida ke acche DPS ka aur healing ka CTF mein bahot upyog hota hai. Ye Freeze Wasp ke peeche gharon ke peeche se ho kar kaam kar sakta hai ya phir Hammer Viking jaise hamlavaron ki sahayta kar sakta hai.

 

Smoky Hunter

 

 

Smoky Hunter, jo combo hamein game ke shuruaat mein hi prapt ho jata hai, Polygon mein bahut shaktishaali siddh hota hai. Smoky ka critical damage uska sabse khatarnaak ansh hai aur ye Polygon mein base se base jaate waqt shots ganva ke aur critical ki sambhavna badhake aap jald la sakte hain. Hunter usse ek santulit saadhan deti hai. Ye midfield mein khelega. 

 

Hammer Viking

 

 

Tanki ke ek bahut mashhoor combo, yeh combo khel ke har ansh mein kushal hai. Ismein taakat hai, aur Viking ek bahut hi mashhoor hull hain iss mep ke liye. Ye attack par jaa dushman ke defenders ka dhyaan modega, unhe tang karega aur apne baaki team mates ko flag lene dega.  Yeh hamlavar jaise khelega. High Capacity Drums ka alteration kaam aayega.

 

Freeze Wasp

 

 

Yeh combo bahut hi furtila hai. Yeh hamle mein kaam aayega, jab Hammer Viking ne defenders ka dhyaan akarsheet kiya hoga, to phir ye chupke se aakar flag chheen lega. Peeche aate defenders ko Freeze dheere kar dega aur flag aasani se capture ho jayega. Yeh chhipkar war karne mein kaam aayega. Corrosive Mix ka alteration accha hoga, lekin isse Freeze nahi kar payenge. Wasp ke saath itna bhi accha nahi.

 

Twins Mammoth

 

 

Ek Mammoth hona to banta hi hai. Twins Mammoth defence ke liye ek bahut kushal combo hai, kyunki Twins ke koi reload na hone ka yeh matlab hai ki dushman attacker har pal hamle par hoge, aur Twins ki range bhi kaafi hai. Mammoth defence ke liye bana hai, aur iske bhaari vazan se ve flag par baith aasani se hil nahi paayega. Yeh defence mein hoga.

 

Shaft Titan

 

 

Sniper ka role uthate hue, Shaft Titan ek kone mein beth saabko marega. Ek accha Sniper ko rokna bahut kathin hota hai, aur Titan ke saath isse maarna bhi aaasan nahi hoga. Yeh defence mein hoga aur bridge jaise prabhavi jagahon se war karega.

 

 

Ricochet Titan

 

 

Ricochet Titan ka koi khaas role nahi hai, ve bas apne dhwaj ke aas-paas ghumte hue jyaada se jyaada haani pahunchaane ka prayatn karega. Polygon mein kayi ghar hone ke kaaran Ricochet apne 'ricochet' ke ansh ko istamal kar chhipe hue logon ko maar payega. Yeh defence aur midfield mein hoga aur team ke sahayyak ki bhoomika nibhayega.

 

______________________________________________________________________________________________________________

 

Control Points

 

Polygon ka sabse mashoor swaroop, CP, ki kayi saari battle dikhti hain. Unme khel kar maine yeh dekha hai ki light hulls jyaada laabhkari siddh nahi hote. Ek point hone ke kaaran bal par raftaar se jyaada dhyaan se jaate hai, isliye meine yeh Team chuni hai.

 

Firebird Mammoth

 

 

Ek bhayanak combo, Firebird aur point par dushmanon ke jhund ko khaali karne mein maahir hai, aur Mammoth Firebird ko apni poori kshamta par kaam karne mein maddad karega. Ye point par jaakar baith jaayega. Poore point mein aag chhidakne ke liye aur tez hulls tak pahunchne ke liye High Pressure Pump kaam aayega.

 

Twins Titan

 

 

Ek bahut taakatwar combo, Twins ka sirf ek hi lakshaya hai- Jitne ho sake utne logon ko maarna. Titan isse atyant shakti pradaan kar usse aur bhi jyaada haani pahunchane ki shakti deta hai. Yeh point ke aaspaas bhatkega aur point capture karne mein maddad karega. Aapke khel ke anusar Stable Plasma alteration madadgar saabit ho sakta hai.

 

Striker Dictator

 

 

Sahi hathon mein Striker ek bahut hi jyaada shaktishaali hathiyaar hai. Iske mukhya ansh iska salvo hai, jiske sahi upyog ke liye dushamn ko ek jaahag par sthit rehna padhta hai. Aur ek Capture Point se behter aur konsi jagah ho sakti hai? Yeh point par khade dushmanon par Missiles ke barsaat karega aur poore point ko khaali kar daalega. Dictator isse bal aur rocket maarne ke liye unchayi deta hai.  Yeh point ke aaspaas bhatakega aur jaroorat padhne par point hi capture karega. 

 

Vulcan Titan

 

 

Vulcan ek taakatwar turret hone ke saath akele hi poore match ki dishaa badal sakta hai. Titan Vulcan ke overheating efeect ko niyantran mein rakhegi. Yeh kahi camp kar nakshe ke charo aor apne Vulcan ki shakti dikhayega, dushman point tak pahunchne se pehle hi unko bahot nuksaan pahunchayega. Iske saath ek Isida be khada ho sakta hai, iski overheating ko niyantran mein rakhne ke liye.

 

Isida Viking

 

 

Isida har team ka ek bahumulya hissa hai. Ye to chahe pure map mein ghoom ghoom kar apne saathiyon ki madad kar sakta hai ya phir ek Tank ke saath judkar apni saara zor uski suraksha ke liye laga sakta hai. Yeh Vulcan Titan ke saath acchi jodi banayega.

 

Thunder Titan

 

 

Atyant shaktishaali, yeh sirf logon ko maarne ke liye bana hai, iska koi khaas bhoomika nahi hai. Point par jaakar yeh uski suraksha karega, aur Titan isse araam se marne bhi nahi dega.

 

Hammer Viking

 

Bahut lokpriya combo, iska lakshya pure map mein ghoom kar sabse khatarnak camper/sniper ko maarna, aur idhar udhar teammates ko dushmano ko ghayal karne mein madad karna. Yeh ek jagah par sthit nahi hoga, aur poore map ke niyantran mein madad karega. High Capacity Drums ka alteration ati uttam.

 

Magnum Hunter

 

 

Magnum ek bahut hi naya turret hai, aur iska sahi upyogi kam hai, par sahi haathon mein yeh game ka sabse khatarnaak combo hai. Magnum ka splash damage aur map ke kisi bhi ansh se shot maarna usse Polygon CP ke liye bahut jyaada uchit banata hai. Ye ek jagah baithkar apne nishaane ko pint par banakar ek baar mein saare dushman udaa sakta hai.

 

_______________________________________________________________________________________________________________

 

Team Deathmatch

 

Yeh mode jyaada mashhoor nahi hai, par iska gameplay bahut anokha hota hai. Isme sirf Kills gine jaate hai, to phir light hulls ka upyog ka jyaada fayda nahi hai, khaas taur par dushmano ke campers par hamla karte hue. Iss mode ki adbhut team mein saare jyaada prati-shot damage ya prati-second damage waale turrets shaamil honge, aur kam maare jaane ke liye jyaadatar hulls medium ya heavy honge.

 

Shaft Mammoth

 

 

Shaft aur Mammoth ka jaanleva combo ek bahut hi shresth combo hai, ur sahi hathon mein pure khel par raaj kar sakta hai. Ek jagah baith yeh kisi bhi anjaane dushman ke jaan le sakta hai, aur Mammoth sahit isko maarne aur bhi kathin ho jaata hai.

 

Railgun Dictator

 

 

DR format ke roop mein mashhoor combo, Railgun TDM ke liye bahut hi uchit hathiyaar hai. Railgun ka atyadhik damage isse kills paane ki shamta deta hai. Dictator isse unchaaye aur bal pradaan karta hai. High-Calber Ammo ka alteration upyogi.

 

Magnum Titan

 

 

Magnum ka sabse high prati-shot damage hai, to isse iss team mein hona to banta hi thaa. Magnum map ke kisi bhi ansh ko maar sakti hai, to phir agar koi dushman camper (jaise Shaft Mammoth) kahi chhupa hua hai, to usse maarne ke liye yeh combo sahi hai. Titan isse maarne kathin bana deta hai aur Magnum ke liye sthir base pradaan karta hai.

 

Hammer Viking

 

 

Phir se yeh combo, par iska shakti se yeh har mode ke liye uchit hai. Hammer ke paas accha damage per clip hai aur abhi ve khel ke sabse taakatwar turrets mein se ek hai. Viking sahit ye pure map mein ghoom-ghoom kar logon ko maar sakta hai.

 

Vulcan Mammoth

 

 

Vulcan shaktishaali hai, par iska overhaeting effect iska shamta kam karta hai. Iska upay? Mammoth. Mammoth ke atyant bal ke karan usse maarna aasaan nahi hai. Vulcan map ke madhya se tabahi machayega.

 

Thunder Titan

 

 

Vulcan ki tarah, par is bar splash damage hi Thunder ki buraayi hai, to phir isse sambhaalne ke liye Titan ka upyog.

 

Smoky Viking

 

 

Smoky ka critical damage isse TDM mein kills paane ke liye shaktishaali banati hai, aur Viking isse raftaar aur bal deta hai. Jald se jald kills prapt hone ke liye critical ke liye shots ganvaye.

 

Firebird Viking

 

 

Akela close range turret iss list mein, par Firebird ka afterburn effect usse kills pane ke liye uchit banati hai. Par close range weapon ko istamaal karne ke liye raftaar chahiye, aur TDM mein bal bhi chahiye, isliye raftaar aur bal ka shresth mel Viking hi Firebird ke saath upyog karein. Hunter se bhi accha. Compact Tanks alteration uttam.

 

_______________________________________________________________________________________________________________

 

In teeno Mode mein meine yeh maana hai ki aapke teammates apne combo ke saath bahut kushal hai, par asliyat mein esse hone ki sambhaavna bahut hi kam hai. Yeh mere khud ke vichaar hain, aur ye galat bhi ho sakte hain. Aapke aankhon mein Polygon mein sabse abhut team kya hai? Apne jawab neeche jaroor likhyega. Phir abhi ke liye itna hi, alvidaa!

 

 

Edited June 13, 2017 by Tofu

[Mr.Optimistic 440]

Awesome tofu, will surely try to follow these combos

[KILL_BILL_CHAUHAN 2,505]

polygon my fav map <3

[tankerkuldeep 739]

polygon my fav map <3

Same.

 

But I play with Smoky-Titan and you with Hammer-Titan and both combos not in that article..:P

[Viking4s 10,791]

You might review this: 2nd combo from the top

Railgun Viking

 

**

[Zenyth 6,494]

fixed thanks