Guide [Ank 9] Adbhut Team - Rio

[Cyborg 3,189]

 

Namaste doston, pichli baar humne aapko bataya tha ki Polygon mein sabse shresth team kaunsi hogi. Iss baar hum waapas aaye hain ek naye map ke saath jispar khelne lagbhag sabhi ko pasand hai, aur wo hai Rio. Agar aap jaan na chahte hain ki iss map mein safalta paane ke liye aapki team ko kaisa hona chahiye, to isse padhna na bhoolein!

 

 

To iss map mein aapko milte hain saare ke saare chaar modes, CP, CTF, TDM aur DM. Hum inn sabke baare mein charcha karenge ek ek karke, aur shuruwaat hogi sabse lokpriya CTF mode se :)

 

 

CTF, TDM, CM aur CP Mode

 

 

Rio mein aapko kaafi tarah ke combinations aazmane ka mauka milega. Mai aapko aise combo's hi bataunga jo ki aap Red aur Blue, dono teams mein hi istemal kar sakein. Aur kyonki ye maap kafi achche akaar ka hai, aur isme khuli jagahen bhi kaafi saari hain, to hum ismein zyadatar Mid-Range hathiyaaron ka prayog karenge. To chaliye shuru karte hain. Iss map mein mai aapko har mode ke liye alag alag combinations nahi bataunga, kyonki yahan par aap mere bataye kisi bhi combo ko lagbhag kisi bhi mode me istemal kar sakte hain thode fer badal ke sath.

 

 

Railgun Viking

 

 

 

Ye combo aapke bahot kaam aa sakta hai, khaas kar tab, ab aapke paas iska 'High Caliber Ammo' waala alteration ho. Mere anubhav ke mutabik, zyadatar log iss map mein Hornet yaa fir Viking ka hi prayog karte hain. Aur iss Alteration, aur Railgun ke saath aap inn dono hulls ka ek hi shot mein kaam tamaam kar sakte hain agar aapke paas thode se Micro-Upgrades aur Double Damage supply ho, to ye to bas chutkiyon ka kaam hai. Aap isse Mid-Field aur attack dono par le jaa sakte hain aur apne dushman ke defence ko buri tarah se ghayal kar sakte hain taaki aap khud, ya aapke saathi unhe asaani se khatam kar sakein.

 

 

 

Isida Viking

 

 

 

 

 

Chahe map koi bhi ho, ya fir mode ko bhi ho. Isida aur Viking lag bhag har baar bahot kaam aata hai, aap bas base mein rehkar apne saathiyon ko heal kar sakte hain. Ya fir unke saath unka sahara bankar dushmanon ka safaya bhi kar sakte hain. Aur kyonki Rio mein zyada bhaagne ki jagah bhi nahi hai, to aap iss combo ke saath Shikaar par akele bhi nikal sakte hain agar aapke paas thode supplies aur mauke pe chauka maarne ke kshamata ho.

 

 

Thunder Hunter

 

 

 

Hunter ki raftaar aur Thunder ke splash damage ki madad se, aap map ke kisi bhi hisse tak kaafi asani se pahonch sakte hain. Aur iss hull ke achche Health ki wajah se aap apne dushman ka bhi dat kar saamne kar sakenge, Thunder aapko map ke har hisse par shoot karne dega jisse ki aap apne dushman ka dhyaan bhi achchi tarah se bata sakenge. He Mid-Field ke kaam mein aayega.

 

Shaft Titan

 

 

Rio mein ek sniper ka hona bahot achcha hota hai, kyunki bas iske laser ko dekh kar hi kaafi log ghabra jaate hain aur apne chupne ki jagah se bahar hi nahi aate. To ho sakta hai ki aap iss combo se zyada kills naa kar payein, lekin aap apne team ko bahot achcha defence denge akele hi. Aur agar aapki kismat achchi ho, to kills par kills aate hi rahenge, ye sab kuch battle par nirbhar karta hai.

 

Ricochet Hornet

 

 

 

Ye combo sunne mein aapko bhale hi mazak lage, lekin agar aapne iska sahi istemal kiya. To Ricochet ke diwal par bounce karne ki shakti, aur Hornet ki raftaar ke saath aap is khel ki baaji palat sakte hain. Kyonki Ricochet ki madad se aap apne dushman ko unn jagahon par maar payenge jahan se wo aapko dekh tak nahi sakte, aur Rico ka auto-aim bhi aapko apne upar aur neeche ke dushmanon ka safaya karne mein sahayata karega. Lekin iss combo ke sath agar aap achcha anubhav paana chahte hain to aapko Micro-Upgrades ki sakht zaroorat hogi.

 

Firebird Viking

 

 

Firebird ko alteration ke saath iss map mein istemal karne se aapko kaafi achche nateeje milenge. Viking ki sthirta aur theek thaak raftaar se aap apne dushmanon ko jala sakenge aur kabhi kabhi ek hi baar main kaafi saare dushmanon ka safaya kar denge, dhanyavad iske Alteration ka jiska naam hai 'Compact Tanks'. Ye alteration iss turret ko intna takatwar bana deta hai ki agar aapke saamne waale ke paas thodi protection bhi ho, tab bhi aap usey maar sakenge.

 

Smoky Titan

 

 

Ye combo aap defence ke liye istemal kar sakte hain, ya fir DM mode mein bhi istemal kar sakte hain, Smoky ka fast reload aur titan ki raftaar aur HP ke saath aap DM mein raaj kar sakte hain, aur apne dushmanon ka door se safata kar sake hain CTF, CP aur TDM modes mein.

 

 

To doston, aaj ke liye meri or se bas itna hi, aasha hai ki aap inn combos ka Rio map par istemal karenge aur achche nateejo ke saath jeet jayenge, meri taraf se aapko shubh kaamnayen. Agle mahine aapse fir mulakaat hogi, alvida!

Edited June 15, 2017 by Zenyth

[MJROCKS05 428]

Cyborg ??? New reporter ??

Anyway, Gr8 article, I would also like to add Mammoth thunder or Mammoth twins. Ive seen them sit on flags and points with hoards of drugs. Gr8 for taking on attackers. Apart from this I believe one hornet smoky/wasp-railgun combo is essential ( FOR CTF). Other attackers can distract the defenders while the above combos swiftly take and capture some flags.

[Zenyth 6,494]

@Cyborg ka pehla naam PhantomInferno tha :P

 

Mammoth Twins accha saabit hota hai lekin mujhe nahi lagta Smoky-Hornet itna prabhavi hoga

Ricochet-Hornet usse accha kaam kar sakta hai kyonki Rio par bahot hi jyada walls aur ramps hain

[Blue-Flame-Dragon 591]

@Cyborg ka pehla naam PhantomInferno tha :P

 

Mammoth Twins accha saabit hota hai lekin mujhe nahi lagta Smoky-Hornet itna prabhavi hoga

Ricochet-Hornet usse accha kaam kar sakta hai kyonki Rio par bahot hi jyada walls aur ramps hain

Sahi Kaha Bhai