Other [Ank 2] Kuch Niraale Paatra, Tanki Mein

[Zenyth 6,494]

 

Tanki mein saikdon 'combinations' mil sakte hain. Har ek combination ka apna alag andaaz hain. Inn mein se kuch aise anokhe 'paatron' ka mera rangeen varnan suniye, aur dekhiye ki aap ko vah combination pehchaan aata hain, ya nahi. 

 

---

 

Kaali Billi

 

Kaali Billi badmaash hain. Tez gati se jaakar, chhoti chhoti goliyon ke saath chupke se vaar karti hain. Vah kalabaaz hain, aur gharon tatha imaaraton par lapak ke chadhti hain. Gold box girne par toh iss ke rongte khade ho jate hain. Achanak se chhalaang lagaakar yeh gold box se chimat jati hain. Isska D/L toh dikhaane laayak nahi hota, lekin yeh badhiya tareeke se khel kar team ko madad karti hain.

 

Bas yeh sab acchi baatein thi. Isske alawa bhi aur kuch hain. Log issey apashakun bulaate hain, jab ki yeh teams ko madad hi karti hain. Isida to isski maange poori karne ke bajaay iss se door bhaagti hain. Vulcan toh iss par vaar karke issey buri tarah se uchhlaata aur giraata hain. 

 

Kaun hain yeh Kaali Billi?

 

 

Bhains

 

Bhains to bhains hain. Iss ke naam par ek product kit bhi nikaala gaya. Bhains bahot dheere se chalti hain. Itna dheere, ki behad dheere se koi maans pakaa raha ho toh voh bhi tez lagega. Iss ka kaaryakshetra bhi chhota hain. Iss se kuch nahi hota. Issey healing ke liye bulaaya jaye toh iss ke pahunchne se pehle khiladi mar jaata hain. Issey kisi akraman karnewaale ko rokne ko kaaha jaye toh iss ke pahunchne se pehle akramak flag lekar apne base bhi pahunch jaata hain.

 

Isski kushalta badhane ke liye ek din ek XP khiladi ko bulaaya gaya. Ek hafte tak koi parinaam nahi. Voh bola, "Iss ka kuch nahi ho sakta, bhains ke aage kyon been bajaye?". Sach mein, kaala akshar, Bhains barabar.

 

Kaun hain yeh Bhains?

 

 

Jugaadoo

 

Jugaad hi isski shaili hain. Iss ne aaj tak apna hull ya phir turret badla nahi hain. Iss ke bhai ne ek baar bola tha, "Kyon bhai, Mammoth hull le le na. Bada accha hain." Yeh ussey bola, "Kyon bekar ke paise udana? Yeh mazboot hain." Tab se kai logon ne ussey naya kuch lene ko bola, lekin issne sabhi ko yahi uttar diya. Paise toh yeh bahot kamaata hain. Kaise?

 

Jugaad se. Koi ameer banda gold box gira raha ho, to jaldi se uska bhakt ho jaata hain. Vah vafadaar hain ye dikhaane ke liye sabhi jagah uski prashansa karta hain. Phir to ussey aasani se ek-do gold boxes mil jaate hain. Iss tarah uski mauj hoti hain. Kai aise logon ke aage-pichhe karke vah bahot kamaata hain. Yeh saara paisa apne hull aur turret ke MUs par lagaata hain aur kuch bache toh bulk mein supplies kharid leta hain. Uska bhai kuch din pehle ussey bola, "Kya yahi karte rahega kya? Kuch naya kar! Kya Legend 100 tak paise hi kamaane hain?". Khair, bandar kya jaane adrak ka swaad.

 

Toh kaun hain yeh Jugaadoo?

 

 

Badtameez Banda

 

Badtameez? Railgun toh turant iss visheshan se sahmat ho jayega. Badtameez Bande ka battle fund ya apne score par bilkul dhyaan nahi hota. Iss ko to bas apna bura bartaav pesh karna hain. Kuch din pehle yeh ek Monte Carlo CTF par khel raha tha. Upar ke bridge par ghoomte huye aaya, toh dushmano ke team se sabhi Railguns niche ke raaste par chale gaye. Un mein se ek ko poochha kyon toh vah bola, "Yaar, voh door hoga toh ek adh shot toh lag jayega. Kuch toh mazaa aayega."

 

Ji han. Yeh Badtameez Bande ko Railguns ka nishaana barbaad karne ka hain shauk. Door door se un par nishaana laga kar unhe pareshaan karta hain. Railguns toh kehte hain ki isska shot kisi shaktishalee pahalvaan ke thappad jaise lagta hain.

 

Kaun hain yeh Badtameez Banda, batao?

 

 

Swami Shaftacharya

 

Swamiji ek jagah baith kar dushmano ka vinaash karte hain, dushmano ke ilaake mein tabaahi macha dete hain. Jis map mein khelte hain, udhar apni gufa dhoondh lete hain. Gufa mein baith kar apne jaadui laser ka upyog karte hain. Unka D/L saare duniya mein jaana-maana, aur har din badhte hi jaata hain.

 

Unhe poochha jaye ki unke abhootpurv shakti ka rahasya kya hain, toh unka ek hi uttar - "Beta, bahot parishram aur har roj dhyaan karo. Phir koi sau saal mein tumhe bhi yeh shakti prapt hogi."

 

Toh miliye, Swamiji se.

 

 

Rajnikanth

 

Hamara aakhri paatra ho toh aisa ho. Inhone taakat ki sabhi seemaye tod di hain. Inka tank amaratva ke sabse nikat hain. Yeh kisi se bolte nahi, lekin inke jaadui parakram inke liye bolte hain. Kuch din inka rank hota hain Sergeant toh kabhi yeh ban jaate hain Colonel. Kabhi kabhi yeh DM battle mein aa kar halla macha dete hain. Sabhi tank inn par vaar kar ke bhi yeh nahi marte. Toh bolo, kya yeh jaadu nahi hain?

 

Inn ke sammaan mein inhe ek anokha, asamaanya paint bhi unhe diya gaya tha. Iss paint ki vajah se hi inhe amaratva mila. Log kehte hain ki inn ke paas sabhi turrets ka 98% protection hain, toh kuch log kehte hain yeh 83% hi hain. Voh sab to kisi ko pata nahi hain, lekin yeh to pata hain ki yeh jab marte hain, tab 3 gold box giraa kar gul ho jate hain.

 

Yeh paatra toh pata hona chahiye, yaar. Kaun hain Tanki ke Rajnikanth?

 

 

Kya hamare anokhe Tanki ke paatra aap ko acche lagen? Kya aapne Rajnikanth ke paatra ko kabhi apni aakhon se dekha hain? Ya phir baaki ke paatron mein se koi? Hame baatayen!

 

Edited June 14, 2017 by Tofu

[BestPrice 2,091]

Rajnikanth is the one of the best actor in tanki :wub:

[KILL_BILL_CHAUHAN 2,505]

Kaali Billi mey fav hai gold box k liye

[tousif_the_master 2,240]

hahAHahhaaha omg!!!  :lol:  +1

[AshsPikachuDwij 1,035]

Tanki ka Rajnikanth Godmode hain.. Nice article Zen

[r_13EST6 1]

Nice article zenith.... Voh swami toh bahut accha tha... Keep it up bro.... This article was superb....

[need.higher.rank 3,491]

Lol really nice zenith

[ToHoYoNTaDa 1,147]

Niraala kaam Zenith :D

[MSI 1,926]

I understood only 10%, anyways good article.

[arnav0506 2,777]

Oosome Artycle :D Lolz That Swami Shaftacharya XDDD

[Mr.Ace 1,116]

Nice, Aapko das mein se das marks deta hun :D

[shabraiz_super 3]

LOl Nice topic guys well said well said...

[ToHoYoNTaDa 1,147]

Yaar paatra ka meaning kya ha?