Review [Ank 3] Global Update ki Sameeksha

[Cyborg 3,189]

 

Namaste, doston! Iss khaas sameeksha mein, aap sabko kuch samaye pehle huye 'Global Update' ke baare mein, mai aapko bhar poor jaankaari doonga. Aasha hain ki aap issey padhkar, apne man ke kuch prashnon ka jawab paa sake honge...Iske baare mein aur jaan na chahte hain? Aage padhiye!



Haal mein hi ek bade badlaav ke baad, jo ki V-Log mein hame batay gaya tha, khel mein bahot bade bade her-pher huye hain. To ab bina kisi deri ke, chaliye aage padhte hain...Hulls aur Turrets ko poori tarah se badal diya gaya hain, aur XT version ke sath bhi bilkul waisa hi hua hain.

To sabse pehle, saare ke saare turrets ke baare mein charcha karte hain!

Firebird: Apne dushmanon ko poori tarah se jalane ke liye, ab aapko dugna samaye lagega 'after-burn' ke ehsaas ke sahit, lekin iski chot pahonchane ke kshamata lag bhag utni hi rahegi, Zor daar damage, ab kaafi doori se bhi diya jaa saskta hain, aur uske sath hi reload karne ki kshamata ko ghatakar pehle se aadha kar diya gaya hain, jo ki bahot achchi baat hain! Door tak maarne ki kshamata aur taapmaan M3 Firebird ke liye thoda sa ghata diya gaya hain, lekin ye badlaav samajh aane ke lye kaafi kam hain. Iss turret ko ghumana, pehle se thoda sa zyada bhari ya mushkil lag sakta hain lekin, iske ghoomne ke raftaar ko badhaya gaya hain. Matlab ki iski raftaar to zyada hogi, lekin uss raftaar tak pahonchne mein thoda sa adhik samaye lagega.

Moolyavaan baat: Ab apne dushmanon ko, 'maar-ke-bhagna' ab thoda mushkil hoga, ye ab kuch tareeke se, asli maar dhaad mein bhaag lene wala turret ban chuka hain, apne chote se reload ki kaaran ye ab zyada logon ko maar payega, lekin sath hi sath iski taakat ghatane ke liye, ab aapko dushman ko zyada se zyada chot pahonchane ke liye use adhik se adhik der tak jalana hoga.


Freeze: Damage karne k kshamata, bilkul pehle jaisi hi hain, lekin zor daar damage karne ki doori ko bahot badha diya gaya hain aur reload time to kaafi badha diya gaya hain. Turret ke ghoomne ki kshamata ko bhi kaafi ghata diya gaya hain, jisse ki Freeze ki jaani maani, toofani raftar se turret ghoomane ki sambhavna ab na ke barabar hain. Ab aapke maarne ki samagri (ammunition) pehle se 20 feesadi adhik hogi, iska matlab ab aapke freeze ko pehle se thode kam samaye tak hi hamla karne ko milega. Ab aapke dushman, palak jhapakte hi, yahin kuch aadhe second ke aas paas jam kar kulfi ban jayenge, aur apne dushman ko dheemi karne ki kshamata ko pehle se teen guna kar diya gaya hain.

Moolyavaan baat: Update ke baad, freeze ek 'maar-ke-bhaagne' layak turret ban chuka hain, khaas karki ab kyunki ye apne dushman ko kaafi jaldi maar/dheema kar sakta hain, uske paas aapki bhanak lagne se bhi pehle aap usey maar kar nikal chuke honge, isi shakti par lagaam lagane ke liye, ab aapko maarne ke liye thoda kam samaye milega (kam ammunition) aur turret ko ghumane ki kshamata ko bhi kaafi ghata diya gaya hain.


Isida: Iske apne tem mates ko heal karne ki kshamata ko kaafi had tak ghata diya gaya hain, iske maarne ki kshmata aur maarne ki doori ko bhi bahot kam kar diya gaya hain, aur uske saath, iski khud ko heal karne ki kshamata ko M3+ level par jordar 50% se seedha 10% par laa kar fenk diya hain, ab M0 se leke M3+ tak isida ke khud ko heal karne ki kshamata ho 10% hi banaye rakkha hain. Aur jaisa ki firebird ke saath tha, iske turret ko ghumane ki raftaar ko badhaya gaya hain, lekin uss raftaar tak pahonchne mein isse thoda sa zyada samaye lagega. Lekin iske reload karne ki kshamata ko kaafi had tak badha diya gaya hain, aur ab iske paas 25% adhik maarne ke kshamata hain (ammunition).

Moolyavaan baat: Aakhirkaar isida ki khudhko heal karne ki kshamata ko poori tarah se ghata diya gaya hain , iski ek attacker ya, maarne waale ki taakat ko isse cheen liya gaya hain, aur ab ye wahi karega jo issey karna chahiye tha, yaani ki apne team mates ki sahayata karna, aur naaki bas apne dum par chale jana; lekin adhik, reload karne ki kshamata, aur theek thaak damage ke badaulat ye turret ab bhi defence mein aur mid-field mein kaam aa sakta hain.


Hammer: Iski damage karne ki kshamata ko bahot samanya tareeke se ghata diya gaya hain, aur iska impact force, aur recoil bhi kafi had tak kam ho chuka hain. Iske shots lagne ke beech ke reload ke samaye ko thoda badha diya gaya hain, lekin iske clips ke reload time mein bhi thode se achche badlaav aaye hain. Turret ke ghoomne ki kshamata mein aaye huye badlaav kaafi chote se hain.Iski poori damage karne ki doori ko thoda kam kar diya gaya hain, lekin lekin 10% chota sa damage, iske maarne ki kshamata se door ke dushmanon par padega, zyada nahi, lekin kuch na hone se achcha.

Moolyavaan baat: Isnhi badlaavon ke saath, hammer ab ek samanya turret ban gaya hain, naaki pehle ki tarah adhik shaktishaali. Ab bhi short se mid range mein ye kaafi dumdaar hain, iska impact thoda kam hua hain, lekin iske jaldi reload karne ki kshamata se wo bhi kaafi had tak saamanya ho gaya hain.


Twins: Damage per shot ko pehle se thoda badha diya gaya hain, aur iska recoil bhi thoda ghataya gaya hain. Lekin iska impact force, pehle se kaafi kam hain, shots ke beech mein hone wala reload ab thoda dheema ho chuka hain nichle modifications ke liye aur rotation acceleration bahot bahot ghat chuka hain, jiski wajah se turning speed mein bhi antar aaya hain. M0 ke aage ke modifications mein. max. damage karne ki doori ko badha diya gya hain, iska matlab hain ki ab aap door se hi zordaar hamla kar sakte hain, aur weak damage ko 10% par hi rok diya gaya hain, M0/M1 ke liye ye fayede ki cheeze hui, lekin uske baad waale modifications ko ek ghataav mehsoos karna pada hain.

Moolyavaan baat: Chote modifications mein firing rate ko ghataya gaya hain - lekin yahi ghataav, kaafi amoolyavaan ban jata hain, kyunki ab iske maarne ki kshamata ko badha diya gaya hain, wo bhi kaafi achche roop se, jiska matlab hain ki Twins ab bhi Mid-Range mein kaafi achcha pradarshan dikhata hain.


Ricochet: Minimum Damage ki kshamata ko ghata diya gaya hain jabki Maximum Damage karne ki kshamata ko badha diya gaya hain, matlab ki maarne ki raftaar pehle jaise hi rahegi lekin har shot ke dwara kiya gaya damage ab pehle se bahot hi alag hone waala hain. Iske reload karne ki raftaar, bigad gayi hain, iske projectiles ki gati ko bhi dheema kar diya gaya hain, zordaar hamla karne ki doori ko 40 prateeshat kaat kar ghata diya gaya hain. Impact force, aur recoil mein bhi bhaari badlaav aaye hain. Lekin doosri or, Ricochet ke paas pehle se zyada ammunition hain, yaani ki ab wo zyada projectiles shoot kar sakta hain reload karne ke pehle, ye ek lauta turret hain, jo ki samanya roop se jaldi jaldi turret ghuma payega, apne saare modification ke bhaagon par.

Moolyavaan baat: Ricochet ab poorn roop se short-rgen hathiyaar ban chuka hain inn sab badlaavon ke baad, aur short range mein iske paas kaai saari khoobiyan hain, lekin mid range tak pahinchte hi iski taakat poori tarah se ghat jaaati hain, aur ye kaafi kamzor ban sakta hain.


Smoky: Minimum damage ko thoda kam kar diya gaya hain, aur Maximum damage ko kuch hadd tak badha diya gaya hain, matlab ki ek average shot se pehle se zyada damage hone wala hain. Impact force aur recoil ko ghataya gaya hain, M0 se M2 tak reload speed mein sudaar hua hain aur M3 aur M3+ mein reload speed kaafi ghat chula hain. Turret turning ki raftaar bhi kuch had tak kam ho gayi hain. Minimum damage ka range ghat gaya hain, Lekin paas ki ladayi mein max damage badh gaya hain. Critical hits hone ke maukee ko kaafi zyada badhaya gaya hain, lekin critical damage ko bhi kam kar diya gaya hain.

Moolyavaan baat: Paas ki ladaiyon mein, smoky pehle se zyada achcha hoga, apne damage/shot mein sudhaar ko wajah se aur kam damage lekin baar baar aane waale critical shots ki badaulat ye turret ab bhi bahot achcha hain - lekin ab ye pehle jitni doori se vaar nahi kar sakega.


Vulcan: Damage rate pehle se kaafi zyada hain aur M4 level tak, shoot karna shuru karne se rukne tak ke samaye ko 1 second kar diya gaya hain, iske matlab ab barrel zyada der nahi lagayega ghoomne mein. Lekin Impact force ab bahot buri tarah se kam ho gaya hain aur minimum damage ke range ko ghata diya gaya hain, jabki maximum damage range ko badha diya gaya hain aur aur doori ke dushmano ko hone waale damage ko dugna kar diya gaya hain. Zaroori roop se, Self-Heating ko M4 tak sabhi modifications mein badha diya gaya hain, aur shoot karte samaye turret ke ghoomne ki kshamata ko 50 prateeshat ghata diya hain, ye saare badlaav M0 se M3+ level tak antar karti hain. Aise bhi, turret ke ghoomne ki raftar ko ghata hi gaya hain.

Moolyavaan baat: Vulcan istemal karne waale log ab pehle se zyada jadi shoot kar sakenge lekin self-heating ke maare honge aur turret ko ghumana pehle se bhi zyada mushkiil hone waala hain, saath hi saath impact force mein ghatav ke kaaran ab pehle jaisa nahi lagega, lekin usse aapko ab bhi isse istemaal karne mein aanand laabh hoga.


Thunder: Damage per shot ko M0 se M2 tak kaafi ghata diya gaya hain, Lekin M3 par wo ab bhi waisa hi hain. Lekin reload karne ki raftaar mein kaafi zyada sudhaar hua hain, iska recoil hat gaya hain, lekin impact force bahot badh gaya hain. Baaki saare turrets ke jaise hi, Thunder ab update ke pehle ke mukaable bahot hi zyada dheema ghoomega. Iske alawa, thunder ke baaki ke maatra lagbhag pehle jaise hi reh jaayenge.

Moolyavaan baat: Iske paas ab pehle se zyada jaldi shoot karne ki kshamata hain, aur iska impact force bhi kaafi sudhar gaya hain, Lekin damage/shot kaafi ghat chuka hain - Jo ki khelne ke tareeke ko badal dega, aur isse zyada romaanchak aur jald hone waale khelon mein se ek bana dega.


Railgun: Damage per shot, iss turret ke liye bhi 30 se 40 prateeshat tak ghat gaya hain, aur saath hi recoil aur impact mein bhi kaafi ghataav hua hain. Lekin uske vipreet, penetrating power ko bahot-bahot behtar bana diya gaya hain, aur saath hi iska reload bhi pehle se bahot zyada achcha ho chuka hain. Baaki ki maatrayen, kuch khaas nahi badli hain, unme se adhiktam taur par sab ke sab update ke pehle waale railgun ke samaan hi hain.

Moolyavaan baat: Railgun ke saath khelna, update ki baad kaafi alag mehsoos hoga, saath hi kam damage waale shots ki wajah se aapko thodi kamzori mehsoos ho sakti hain lekin behtar penetrating power ki wajah se XP/BP mein iska istemaal karne mein bahot maza aa sakta hain, poorn roop se kehne ko ab railgun bahot dumdaar ho gaya hain.


Shaft: Kam shabdon mein kehne ko, damage/shot ko bahot bahot kam kar diya gaya hain. Lekin shaft ab pehle se bahot zyada jaldi jaldi shoot kar sakta hain. Sniping mode mein turret ke upar neeche hone ki kshamata ko ghataya gaya hain. Lekin dekha jaaye to ye turret pehle ke mukaable thoda sa zyada shaktishaali hua hain, kyunki ab ye bahot jaldi reload kar sakta hain, shaft use karne mein ab shayad aapko maza aa sakta hain, lekin isspar meri raay hain, ki sudhaar to hua hain wo bhi achche tareeke se.

Moolyavaan baat: Iska arcade mode mein upyog karna behtareen ho gaya hain, lekin sniping mode mein damage kaafi ghat gaya hain. Reload speed mein bhi kaafi antar huyein hain.



Ab aap sab turrets mein huye badlaavon ko to achche se pehchaan hi gaye honge, chaliye ab Hulls ke baarei mein baat karte hain.



Hulls mein kaafi badlaav huye hain, lekin un sabme turrets jaise, har Parameter mein badlaav nahi kiye gaye hain. Inhe iss update ke baad 3 saaf, bhaagon mein baant diya gaya hain. Pehla hain 'Light Hulls' jismein Hornet aur Wasp aate hain, in dono hulls ki baat karein to asal mein ye pehle se kaafi zyada badal gaye hain. Hornet ab pehle jaise drift kar to sakta hain, lekin kaafi kam, iski Health Power ko thoda ghata diya gaya hain, aur iski raftaar mein thoda chadaav hua hain. Doosri or Wasp ki raftaar ko pehle se kuch hadd tak ghata diya gaya hain, aur iski Health Power badh gayi hain. Ab dekhte hain Hulls ke doosre bhaag ki taraf, jo hain Medium Hulls. Iss jhund mein aate hain Viking, Hunter aur Dictator. In teeno hulls mein mein kaafi utaar chadav hua hain, Viking ki raftaar pehle se bahot alag hain, kabhi kabhi ye bhi Drift kar sakti hain. Hunter ab kaafi samaanya hain, iski raftaar mein pehle se kuch zyada badlaav nahi aaya hain, lekin ab ye pehle se kam Drift karti hain. Dictator, iss hull ki Health Power ko bahot bahot kam kar diya gaya hain, iske paas bhi Viking aur Hunter jitni hi taakat hain, ismein ab jo khaas reh gaya hain wo hain iski unchaayi, aur wajan, ab ye kaha jaa sakta hain ki iss hull ko kaafi kamzor kar diya gaya hain. Saare ke Saare hulls ke bhaagon mein (Light, Medium, Heavy) ye dekha gaya hain, ki ek jhund ke hulls ke paas bilkul ek jaisi Health Power hain, iska matlab ab in sab mein jo khaas reh gaya hain, wo hain unka aakaar, wajan aur dhakka dene ki taakat.

M0, M1, M2, M3 aur M3+ mein kaafi antar hua hain, maine abhi aap sabko M3 ke baare mein bataya tha. Baaki ke levels par bhi kuch aise hi antar huye hain, kuch khaas cheeze ye hain ki Hornet ab wasp se behtar sirf aur sirf M0 level par hi hain. M1 aur M2 levels par Titan ki taakat har maayno mein Mammoth se behtar hain, to aap ussey chunkar hamesha fayde mein rahenge. ;)

Raftaar ki or se dekha jaaye to Hunter aur Wasp dono ne hi apne pehle ki raftaar ko kho diya hain, ab wo kuch dheemi chaal se chalte hain. Hornet mein bhi kaafi badlaav huye hain, jiski wajah se ab ye pehle ke jaisa sabse adhik istemaal kiya gaya aur lokpriya nahi rahega, kyunki wasp ab har maayne mein usse behtar ban chuka hain, iska wazan, bhaar, taakat sab kuch..... Chaunkaane waali baat to ye hain ki M2 Hornet mein M2 wasp se kam Health aur raftaar hain.[/size]


Ab M3 Turrets aur Hulls dono mein huye badlaavon ko dekhte hain

Saarei M3 equipment ke unlock hone waale rank ko Marshal par unlock hote hain, aur M3 Kits Lieutenant General par unlock hote hain. Iss update ke baad se M2 aur M3 equipment ke beech kaafi bada sthaan ban gaya hain, jiska matlab hain ki ab khiladiyon ko M3 equipment khareedne ke liye kaafi samaye milega. Lekin saath hi saath wo players jinke paas pehle se hi M3 equipment hain aur wo Marshal rank ke nahi hain, unhe chinta ki koi zaroorat nahi hain kyunki unki cheezein unke garage mein hi rahengi.[/size]

Equipment, MU steps, aur Speed ups ke bhaav badal gaye hain[/size]

Vlog 108 mein hame ye dikhaya gaya tha:



Dekha jaaye to saare ke saare bhaav, equipment ke pehle ke unlock hone waale ranks se jude huye hain, yaani ki jo equipment Marshal ke baad unlock hota tha unke daam ghat gaye hain, aur Wo equipment ho Marshal ke pehle unlock hota tha unke daam badh gaye hain, uske saath hi saath keval daam nahi, lekin unki kshamataon mein bhi uske samaan antar hua hain. Update ke baad Hornet aur Mammoth sabse zyada keemat waale Hulls ban gaye hain

Aur ab saare ke saare Turrets ke M3+ waale level ki keemat ab 911,750 crystals Ho gaye hain (Jitna ki pehle smoky aur twins ke liye tha). Aur Hulls ke M3+ level ki keemat ab[/size]776,500 crystals ho gayi hain. Kehne ko ye hain ki ab saarei M3+ turrets ki keemat aur saarei M3+ Hulls ki keemat ek samaan ho gayi hain. Ab battles mein M3+ ki kshamata bahot alag hogi, aur meri salaah hain ki apne MU's ko equipment ki keemat ke hisaab se hi chuniye.  ;)[/size]

Mere khayaal se iss update ki sabse badi baat hain ki ab saare M3 equipment ko Marshal rank par choda jaayega, agar aapke man mein aur bhi koi cheeze hain to unhe neeche post kariye. :)[/size]

Inhi saari cheezon ke saath ek choti se cheez aur, jo hain ki Update ke baad se, saare hulls aur turrets ke Parameters ko 10 se multiply kar diya gaya hain, ye isiliye keeya gaya hain kyunki Global Update ke saath Damage counters ka bhi ek feature aaya hain, jisme ki aap dekh sakte hain ki aapne apne dushman ko kitni chot pahonchaayi hain. Iss feature ki koi buri ya achchi baat to nahi hain, kyunki aap isse settings se on/off kar sakte hain[/size]

Supplies mein huye badlaav

DA, DD aur SB ke parinaam ab 40 seconds tak asar karte hain aur speed boost, ab Tank ki raftaar ko 40% se badha deti hain. Issey 45 seconds se 40 seconds tak ghataane ka koi khaas kaaran to nahi hain, ye bas isiliye keeya gaya hain taaki cooldowns ke saath ye kuch mel khaa sakein. Iss update se speed boost ko sabse adhik faayda hoga kyunki iska prayog sabse zyada hone waala hain, aur iske istemaal se ab pehle se bhi kaafi zyada raftaar par pahoncha jaa sakta hain.  :D Ab saare supplies pehle se zyada jaldi cooldown ho jaate hain, 5 second jaldi. Lekin double damage aur double armor mein 10 seconds ka ghataav dekha gaya hain, iski wajah se ab supplies ke prayog mein bhi kaafi antar aaya hain. Lekin Mines ke cooldown ko 20 second ke badhakar 40 seconds kar diya gaya hain, jo ki ek buri baat hain, parantu isse ab khelne mein dimaag ka upyog zyada karna hoga.  :P Isi update ke saath, ab Mines aur Repair kits ek doosre ko nahi rokte. Mera matlab hain ki mines ka upyog karne se repair kits par koi cooldown nahi lagta hain aur repair kit ka prayog karne se mines par koi cooldown nahi lagta hain.

Sameeksha...

Mera maanna hain ki ye update utna bura nahi hain jitna zyada tar log sochte hain. Ye bas aapke dekhne ka nazariya hain. Iss update ke saath ab saare hulls aur turrets saamanya ho gaye hain, ab kuch aisa nahi raha ki 'ye turret doosro se zyada taakatwar hain' 'ye turret bakwas hain'... Iss roop se Isida hi ek aisa turret hain jo ab bilkul badal gaya hain, isme zameen aasmaan ka fark paida hua hain, iske peeche bhi kuch na kuch kaaran to hoga hi aur mere khayal se wo kaaran hain ki pehle jaise isida ab 50% self heal ki madad se baaki saare turrets se zyada shaktishaali tha, lekin baat ab bilkul badal gayi hain, aur ye bas ek sahara dene waala turret ban gaya hain...Iska namoona to aapko khel mein abhi tak mil bhi chuka hoga, aur aap ye mujhse behtar jaante honge ki kaunsa turret kis tareeke se badla hain..

---

Aasha hain ki aapki raay bhi mujhse mel khaati hogi, agar nahi bhi hain fir bhi koi dikkat nahi kyunki aap sabke apne alag alag vichaar hain. Humein ye jaan ne mein khushi hogi ki aap sab iss update ke baare mein kya sochte hain, bura ya bhala apne man ki baat neeche post karke humein bataiye.  :D Meri or se bas itna hi, aapse agli baar mulakaat hogi.  ;)

 

Edited June 14, 2017 by Tofu

[arnav0506 2,777]

Poor Phant gets 2 likes for such a cute article translated from English to Hindi for us ._. Shukriya Bhai!

Edited December 3, 2016 by arnav0506

[Cyborg 3,189]

Poor Phant gets 2 likes for such a cute article translated from English to Hindi for us ._. Shukriya Bhai!

Translate nahi kiya hai :/ thodi help lee thi pics ke liye. Edited December 4, 2016 by Cyborg

[shijo 417]

Bdiya he phantom :) congo :D :)

[ToHoYoNTaDa 1,147]

Gooood...

[MiZ0o0 1,863]

nice work phantom  ;) 
in my opinion the best thing about this update that wasp now gets destroyed after 2 shots and sometimes 3 
 

[Mr.Ace 1,116]

+1

[SW4GGER 838]

Aap accha kam kr rhay hain aisay he acha kam krtay rahiye ga :)

 

+1