Guide [Ank 3] Dushman ke Base pe Hamla

[Quincie 531]

 

Pichle Newspaper me  ne humko apne base ke defence ki jankari di thi, Aj hum kaise dushman pe hamla kiya jaye, yeh sikhenge! Usi ke saath, hum Noise map mein akraman ke tareekon ko bhi dekhenge.

 

Hamla karne se pehle anpe map jo samajh na bahot jaroori hain, isliye hamlavar khelne se pehle apne map ko samajhna jaroori hain. Map ko dekhte samay in baato ka dhyan rakhiye :-

 

• Map me sahi turret/hull ka upyog
• Aasman se girne wale supplies ki jagahe
• Dushmano ka mahatvapoorna sthan
• Map me aapke chune gaye turret/hull ka sahi jagah aur tareeke se istemal

Map me sahi turret/hull ka upyog

 

Khelte samay sahi Turret/Hull ka upyog jaroori hain, sahi turret/hull ke bina khelna pratikool paya jata hain. Turret/hull ko chunte samay dhyan rakhe ki apka turret/hull us map par lagu hota hain ya nahi. Jaise lambe maps ke liye Vulcan/Shaft/Thunder/Railgun adi ka istemal karein, Aur chhotey maps mein jyada tar Firebird/Freeze/Isida/Hammer jaise turrets ka istemal karein. Madhyam aakar ke maps ke liye Smoky/Twins/Ricochet ka istamal upyogi hain. Aap hamla karte hue kis tarah maarg chunte hain iss par bhi turret ka chunav nirbhar hota hain. 

 

Hulls ko chunte samay dhyan rakhe ki apke turrets ke vajah se apka hull asthir na ho. Kuch turrets ke saath vishisht hulls ke saath hi khela jaata hain, jaise ki Thunder ya Hammer, jinke self-damage aur recoil ki vajah se light hulls inn ke saath shobha nahi dete. Hulls aapke khelne ke andaz pe bhi nirbhar karte hain. Lambe maps me hamlavar ko kuch tez hull ka upyog karna chahiye. Lambe maps me apka lakshya samney wali team ka flag leke wapis ana hota hain, iss vajah se aap ke liye Wasp/Hornet/Hunter Hulls upyogi hain. Lekin yaad rakhey ye hulls aapke map pe lagu hon. Chhotey maps, jaise Island/Arena mein khelte samay Mammoth/Titan ka upyog sahi rehta hain.

 

Asman se girne wale Supplies ki jagahe

 

Yeh sabse zyada mayne rakhta hain ki aap apne khele gaye map ke sare "drop zones" yaad rakhein. Inse aapke attack mein madad milti hain. Aur yeh apke hamle ko asan bana sakti hain. Yeh bhi dhyan rakhey ki drops har 1:45-2:15 (repair kit) aur 2:00-2:30 (baaki supplies) minutes ke samay me wapis girte hain. Toh wapis atey samay yaad rakhey ki kab konsa drop kidhar gira hoga.

 

Iss prakar aap supplies girne waali jagahon se nirbhar ek hamle ka maarg chun sakte hain aur map ke drop zones par niyantran rakh sakte hain.

 

Dushmano ke mahatvapoorna sthan

 

Attack plan karne se pehle dushmano ke upyogi sthano ko yaad rakhein. Ye wo sthan hote hain jaha dushman jyada tar paye jate hain, ya phir 'spawn' hote hain. Attack karte samay aap in sthano se bachne ke upay dhoondhiye. Saamanya roop se, hamla usi taraf se kiya jata hain, jis taraf sabse kam "spawn zones" ho, ya phir jist taraf dushmani rakshakon ka lakshya ho.

 

"Camping spot" jahan pe dushmani Railgun/Vulcan/Shafts paye jate hain, in sthano se dushman aapko apke pass aye bina mar gira sakte hain, isiliye inn 'spots' se door ya phir chhipe rahna jaroori hain. Campers se bachne ke liye aap deewaron ka cover lein.

 

Map me apke chune gaye turret/hull ka sahi jagah aur tareeke se upyog

 

Thik he, upyogi Turret/Hull chun-ne ke bad unhe kidhar aur kin sahi tareeko se istemal kiya jaye? Yeh mahatvapoorna hain ki aap apne turret ka aise upyog karein ki dushmano ke base pahunchne ke baad aap ke paas jyada se jyada shots aur health bacha ho. Hammer ke teen shot aur Smoky ka critical hit kai baar aap ko marne se bacha sakta hain. Usi tarah, Firebird ka chhip kar war karne ka tareeko apnane se bada labh hota hain. Dushmano ko chaukane ka hamlavar ka tareeka bhi Ricochet ya phir Hammer acchi tarah se nibhate hain. 

 

Dushmano ke ilaake mein aane ke baad, jald se jald flag lekar cover dhoondh kar wapis aana jaroori hain. Iss mein phir drop zones badi acchi seva karte hain. Rakshakon ke "range" se bahar, health bachakar jaana sabse mahatvapoorna hota hain.

 

Chalo ham iss baar Noise map ko dekh kar, hamle ke tareeke dekhte hain.

 

Noise - Red Team

 

Iss map mein blue team ka flag lena mushkil ho sakta hain, isliye hamla karne se pehle aapne apni yuddhneeti karke rakhein! Blue team par hamla karte samay apne dushmano ke dwara istamal kiye gaye turrets dekhein. Adhik tar blue team apne base ki raksha ke liye Twins/Hammer/Freeze jaise turrets ka istamal karti hain. Isi ke saath, ek Thunder ya Vulcan bhi upar ki taraf war karta hota hain. Inn sab par dhyan dete aap apne liye protection module chuney. 

 

Flag lekar wapis ane ke 3 tareeke hain.

 

Pehla:

 

Flag lene ke baad ye sab se uchit aur kamyabi tarika mana jata hain, Flag lene ke baad sidha tunnel ki taraf jaiye aur upar pahunchte hi, apne base ki taraf jaane waale tunnel/ramps ki taraf se jaiye.

 

 

Upyogi Turret/Hulls

 

 

Doosra:

 

Iss tareeke ko istemal kartey sawdhani rakhni jaroori hain. Upar jatey samay in ramps pe phisalna assan hain. Upar pahunchte hi aapke paas base pe lautne ke 3 tarike hain. 

 

1. Ramps ke nichey se tunnel ke taraf,

2. Ramps ke upar se,

3. Side wale ramps se.

 

 

Upyogi Turret/Hulls

 

 

Teesra:

 

Ye tareeka tab upyogi hain jab samne wali team ke defenders ramp ke nichey chipey na ho. Flag lekar ulta mud kar in ramps pe jaye aur middle platform pe pahunch kar vahan se pichey mudey ya ramps ke nichey se tunnel tak pahunchey.

 

 

Upyogi Turret/Hulls

 

 

Noise - Blue Team

 

Blue team ke liye bhi ham 3 tareeke batayenge.

 

Pehla:

 

Ramps/tunnel se red team ka flag le, aur wapis atey samay side ramps se agey ja kar niche kudey, nichey kudne ke baad ap sidha apne base ke flag pe pahunchenge aur flag ko capture kar lenge. DHYAAN RAKHEY! Niche kudte samay kisi Railgun/Hammer ne apko shoot kiya to aap ke map se bahar girne ki sambhavna hoti hain. Isliye dekhte hain agli trick.

 

 

Upyogi Turret/Hulls

 

 

Doosra:

 

Flag wo same trick se lein, aur wapis lautte samay middle ramp pe jaye, udhar se nichey wale ramps pe kudey aur aap apne base me sahi salamat wapis!

 

 

Upyogi Turret/Hulls

 

 

Teesra:

 

Tunnel/ramps se flag lekar tunnel ke pichey chale jaye aur udhar se niche, middle Platform pe kudey, aur phir vahan se apne base ke tunnel me jakar aap apne base me sahi salamat! Iss tareeke se tunnel ki pichey se aur tunnel ke andar se bhi ja sakte hain. Tunnel ke andar se jakar ramps se cover lete apne base ke ramps par kudiye.

 

 

Upyogi Turret/Hulls

 

 

 

Yaad rakhey ye hamare kuch istemal kiye gaye tarikey hain aur aap inhe jaise chahe vaise badal saktey hain. Hum lautenge, shayad doosre koi map ke saath! Aapke keemti samay ke liye shukriya. Aasha hain ki inse apko attacking ke barey me jankari mili!

 

 

Edited June 14, 2017 by Tofu

[beaku 2,656]

Bahut achhe... Noise mera manpasand map hai... :D

[Guest]

Bahut acchi tara se paish kiya gaya hai. Good luck in future aur yeh bahut hi kaam ki hai. :)

[ToHoYoNTaDa 1,147]

Bohat achay, Indians!

[T3est 17]

Bahut acchi tara say explain kia hai ........ well done ! ;)

[skills_from_Samuel 6]

ek no. :D

[I3.R.0 1,700]

Bahut badiya. Ummeeed hai aur bhi ache lekh aapki orr se dekhne milenge

[SUP3R_ST4R 1,206]

Can there be a tamil newspaper section?  :unsure:

[Zenyth 6,494]

Can there be a tamil newspaper section?  :unsure:

Hey there. I personally don't think that an additional project of a probable "Tamil newspaper" would be viable. In addition to that, there is a high possibility that more such demands for Indian regional language-based newspapers will pop up and it will naturally be very difficult for us to cater to all of them.

 

Also, please avoid going off-topic. Here is the topic for all such questions. Thanks!