Results [Ank 6] Naye Saal ki Aatishbaaziyan

[Zenyth 6,494]

 

Aapke rangeen aatishbaazi ko humne dekha, aur ab lagbhag do mahino ko baad samay aa gaya hai ki hum sabse acchi aatishbaazi dikhane waalon ko puraskaar jaahir kar dein. Dekhte hain kiski team ne Tanki Online ke turrets ki madad se sabse anokhi aatishbaaziyon ka pradarshan kiya!

 

 

Lekin... puraskaaron ki taraf badhne se pehle, iss pratiyogita par kuch vichar. Aap ki aatishbaaziyan acchi jaroor thi, par diye gaye samay ke hisaab se hamare apeksha aur jyada thi. Acchi tarah se camera controls ka upyog kar ke, ek map mein sundar si rachana kar ke vividh prakar ki turrets ka istemaal karna kathin jaroor tha, lekin samay ke tulna mein mujhe lagta hai ki aap aur acchi aatishbaaziyan kar sakte the; aap ki rachanatmakta thodi kam pad gayi aisa mujhe lagta hai. 

 

Phir bhi, main aap ko accha prayas karne ke liye dhanyavad kehna chahta hoon, aur isi ke saath aage badhenge puraskaaron ki or. Humne puraskaar thode kam kar diye hain, hume mile aatishbaaziyon ki sundarta ke anusar.

 

Pehle sthaan mein aayi hai @shurlygoel, @Snootera aur @nanu425 ki team, aur iss team ko milte hain 35,000 crystals! Ramp aur mines ke mel se nachti hui aatishbaazi hume bahot pasand aayi.

 

Doosre sthaan mein aayi hai @asifmak, @I3eg-For-Mercy, @Spit_Fyre aur @saurabhmann ki team, jinki team ko milte hain 25,000 crystals! Camera ka sahi upyog, aur kai rachanaon mein aatishbaazi dikhane se ye iss puraskaar ke layak bane.

 

Teesre aur aakhri sthaan mein aayi hai @tankerkuldeep, @sabbysingh, @kumar_aadarsh, @KILL_BILL_CHAUHAN aur @INDIAN_INDIAN ki team, aur inke team ko milte hain 15,000 crystals! Camera ka upyog nahi hai lekin rangeen Twins ki krida se inhe teesra puraskaar milta hai.

 

Isi ke saath, hum , , @Hate, aur ki team ko bhi 5,000 crystals dena chahenge, inn ke laser aur aag ke pradarshan ka vichar hume accha laga.

 

 

Toh phir, puraskaar to jaahir ho gaye. Ab kya? Hamare naye ank ki pratiyogitaon mein bhi bhaag lena, aur lekhon ko bhi padh lena. Ummeed hai ki aap ko iss pratiyogita mein bhaag lekar anand mila ho. Phir milte hain!

 

Edited June 13, 2017 by Tofu

[KILL_BILL_CHAUHAN 2,505]

shukriya :D

[saurabhmann 509]

Bhai prize per player hain ya team?

[tankerkuldeep 739]

Thanks... :unsure:

[Tofu 6,773]

Bhai prize per player hain ya team?

Team

[tankerkuldeep 739]

Bhai prize per player hain ya team?

2 mahine ho gaye tu wahi ki wahi hai.

Team k hai.

[Zenyth 6,494]

Bhai prize per player hain ya team?

Team ke liye jaise Neutrino ne bola, aur prize equally batega kyonki hume kisine kisi prakar se batne ko nahi bola hai.  :excl: Agar teams chahe ki crystals unke beech mein alag prakar se bate to hume Sunday se pehle bol dijiye, mujhe forum par PM kar ke.  :excl:

[KILL_BILL_CHAUHAN 2,505]

humari entry mey sab ko equal dena plz

[asifmak 467]

mere team mate zaroor mujhe galiyan de rahe honge

ek mahine se parshan kiya unhe maine jeb mai aye sirf 6k :D

[shurlygoel 27]

yay!!!!!

[Zenyth 6,494]

Okay @Chauhan 

[asifmak 467]

ham log ek kafi epic trick use karne ka soch rahe the lekin wo itni kathin thi aur samay bohot lagne ke karan hamare kafi sathi peeche hat gaye.

akhri mai hamne socha jo bhi hai kuch saral aur achcha dikhne yogya vid banate hain

aur ye thi hamari entry.

han ye bat to sahi hai ki 2 mahine ka time kafi tha lekin kya karen koshish badi ki lekin wo trick ho nahi payi