Guide [Ank 9] Magnum ka Sahi Upyog

[Quincie 531]

 

Maaf kijeyega ki hum pichli baar aapko kisi turret ka sahi upyog nahi bata paye. Lekin iss baar humne lagbhag naye turret Magnum ke sahi upyog ke bare mein lekh likha hain. Padhiye aur Magnum ke saath apne aap maahir ho jayiye.

 

 

Magnum mein 100% tak ki power aur 90 degree tak ke angles hain. Kul mila ke 9000 combinations. Lekin in sab mein se ham kaise wo combination dekhe jo hamare target ko hit karein. Aise hi bhagya par bharosa rakhne ke bajey, hum apne aap practice karke jante hain ki kab kitni power lagai jaye. 

 

Practice ka Mahatva

 

Shuruat ke liye aap kisi bade map mein jaha pe seedhi, badi jameen ho, aisa map banay aur private rakhein. Ab ap thodi-thodi doori par mines rakhein taaki aap in mines ko apne dushmano ke kalpanik tanks bana sake. Mines rakhne ke baad ap apne aap ko in saari mines ke door ek jagah par khada kar lijye. Ab Magnum se in saare mines ko hit karne ki practice kijiye. 

 

 

Lekin har baar to aapke dushman straight sight mien nahi honge. Kabhi to wo kisi building ke pichey chhupey honge. To aise sthitiyon ke liye aap in saari mines ko alag-alag angles aur alag-alag power % se hit karne ka prayas karein. Mera sujhaav hai ki aap sabhi mines ko 45% ke angle aur alag-alag power ke saath bhi maarne ki practice kijiye. 45% angle khaas hai kyonki isse aapko ek sthapit power ke saath sabhi angles mein se sabse jyada lambayi waala shot hone ki kshamata hai.

 

Jab aap aise samajhne lage ki aap mines ko aasani se shoot kar pa rahe hain to ab agle star pe jaye. Dusseldorf map mein jaye aur waha pe mines rakhein. Iss map mein aapko mines nahi dikhengi. Lekin aapko issey pata chalega ki samney buildings ho to bhi aap apne enemies ko kaise shoot karein. Dusseldorf mein hi aapki kathin pariksha hogi. Yahan aapne ne safalta paa li to aapne Magnum ko kai had tak master kar liya hain.

 

 

Battles mein Bhoomika

 

Ab aati hai baat asli battle ki. Magnum ki asli battles mein kaisi bhoomika honi chahiye? Ya to apne base ki raksha mein sahayyak ki, ya phir camper/midfielder ki. Magnum hamlavar ki bhoomika bilkul nahi nibha sakta, aur ek had tak mukhya rakshak ki bhi nahi, iske self-damage ki vajah se. Isliye, ye baaki ke midfielder ke kaam aur flag ya point ki raksha ke kaam safai se kar leta hai.

 

Midfielder ki bhoomika mein ye maps ke bajuon se halla macha sakta hai iske ati uttam range aur damage ke kaaran. Midfielder hote hue bhi isse suraksheet jagahon ki bahot badi avashyakta hai kyonki isse apne shots lagane mein deri hoti hai aur dushman ke war par lagatar pratiuttar dena iske kaafi bade reload ke samay se asambhav ho jaata hai. Doosri taraf, raksha mein sahayta karne waali bhoomika isse thodi aasaan saabit hoti hai. Ye apne base ke peeche kisi imaarat ke peeche baith kar apne base hi nahi balki dushmano ke ilaakon tak shots pheink sakta hai aur isiliye raksha mein sahayta karte karte beech mein se hamle mein bhi door se sahayta kar leta hai. Jis map mein khel rahe ho, uske anusar apni jagah banake door se, suraksheet reh kar tabahi machana Magnum ka asli roop mein upyog hai. Uske upar agar aap bina mode ka spectator yaani "Camera Controls" ka upyog karo to aur bhi acche.

 

Asli battles mein kabhi aisa hota hain ki aap apne dushman ko shoot karne ke liye taiyaar hain aur phir wo aapke nazdik aa jata hain. Magnum ka power to badhte hi rehta to agar dushman pass a jaye to kya karein. Agar aapka enemy aapke pass ajaye to aap anpe power ko 100% karde. Phir aapka magnum ab seedhe saadhe turret jaisa ban jayega, bas difference hain ki is smoky ka shoot zameen se attract hota hain. To aapko apne angle ko thoda upar karna hoga. 'Thoda' yani kitna ? Ab mein to aapko bata nahi sakta ki aisi stithi mein kitna Angle liya jaye? Ab iske liye aapko phir se stadium wali trick pe jana hoga. Is baar mines ko hit karte samey aap apne power ko 100% rakhein aur angles se shoot karein.

 

Chaliye ab Magnum ko har ek hull ke saath jod ke inn sabki khasiyat dekhte hain.

 

Wasp

 

Wasp ke saath Magnum ko istemaal karne mein maza bhi aayega aur aasaan bhi rahega. Wasp ki turning ki raftaar ke karan aap aasaani se apne dushman ki taraf apni tank ko mod payenge. Wasp ki gati se aap unse door reh sakte hain jo jante hain ki Magnum ke damage se aap bhi damage lete hain to Wasp leke aap un sabse door bhag sakte hain. Wasp ki health kaafi kam hai, parantu.

 

Hornet

 

Hornet thoda sa Wasp jaisa hi kaam karega lekin fayda ye hain ki aapko shot lagne par aapke Magnum ke shot bigadne ki sambhavna kam hain. Hornet ke vazan ko shukriya. Hornet gati aur furti mein Wasp se maar kha jata hain!

 

Hunter

 

Hunter Magnum ke istemaal ke liye kaafi accha hain. Acchi baat ye hi hain ki aap har tarah ki bhoomika nibhayenge aur har tarah ke shots laga payenge. Buri baat to asal mein kuch nahi hai par shayad ye Magnum ke liye niche ke do hulls se accha nahi hai.

 

Viking

 

Sabse sthir hull Magnum ke saath bahot upyogi hai aur prasiddh bhi hai. Viking (aur M3 pe, Dictator aur Hunter ki bhi) ki acchi health se agar koi aapke paas bhi aa jaye to aap bachne ki apeksha rakh sakte hain. Lekin Viking mudne mein sabse accha nahi saabit hota. Acchi baat ye hai ki Viking height mein chota hain to aapke barrel ke dikhne ki sambhavnayein kam hain aur Shaft ke haathon marne ki bhi.

 

Dictator

Pichla hull height se chota tha ab dictator, sabse vishaal!, Isi karan shaft aapko aasani se maar sakte hain. Aur dictator ke sirf ke hi faida hain. Aap 0 degree angles shot zyada shanti se maar sakte hain. Kyuki height ke wagah se wo pehle hi upar hoga to aapse dur jake girega aur aap self damage nahi lenge. Lakin iske sivay aapko iske height ka aur koi advantage nahi hain. Kyuki magnum ko aap apne hisab se hi upar/nichey control kar sakte hain.

 

Titan

 

Titan bhi Magnum ke saath ek santulit combination banata hain. Turret ke madhya mein hone ke karan aapko shayad khelne mein thodi takleef ho kyunki dekha jaye toh Magnum jaisa turret asal mein tank ke pichey ke hissey mein rakha houa hona chahiye (taaki walls ke peeche bhi barrel kam dikhe). Waise aap camp karte samey koi dikkat nahi payenge lekin nazdiki maamlo mein mushkil hogi.

 

Mammoth

 

Mammoth ka turret hull ke agey ke hissey mein hain to isko istmaal karte aur bhi mushkili (aur aap ulta hull leke bhi ghoom nahi sakte kyonki Magnum ghoom nahi sakta). Jaise Titan tha waise hi Mammoth bhi rakshak sniper ke liye sahi chunav hain par shayad aap turning karte samay nazdiki maamlo mein jyada accha na kar paye. Heavy hulls ke saath pratiuttar dene mein jyada samay lagta hai, dheemi turning ki vajah se. Lekin close range mein self damage lene se koi problem nahi. Shukriya Mammoth ki mammoth jaisi health ko.

 

Aur kai tricks jinka fayda aap utha sakte hain. 

 

Suicide Hamla

 

Turret ko 0 degree pe leke 100% power se dushman ke paas jake shoot karein. Aur apne aapko dushman ke saath marde! Ati upyogi gold box lete samay.

 

Mine jaisa Magnum

 

Agar aap kisi terha se magnum ke upyog karte samey flag le lete hain aur aapko aapke pichey aatey dushman ko maarna hain to aap apne turret ko 90 degree kariye aur phir aapke aur dushman ke distance ko dekhe power laga ki shoot kijeye. Shoot karne ke baad age badthe rahiye. Projectile nichey aake aapke pichey ate dushman ko mar degi. Ek tarah se mine ka kaam karegi!

 

 

Badhayi ho, ab aap Tanki ke ek aur khilone se khelna sikh chukey hain. Ab jaiye aur apne dushmano ke upar shots pheinkiye! Hume jaroor batana ki agle Ank mein hum kaunse turret ka inn lekon mein samavesh karein.

 

Edited June 15, 2017 by Zenyth

[MJROCKS05 428]

Correction: Magnum mein 100% tak ki power aur 90 degree tak ke angles hain. Kul mila ke 9000 combinations.

It is not 9000 combos, it is actually 4,54,500 combos. Har degree par humare paas 100 options of power hote hain, aus aise 90 degree hai, toh total no.of options = 5050*90. Yeh mujhe kaise mila use samjhana bada ho jayega. khud karke dekhiye.

 

Also, Magnum tanki mein sabse zyaada noob turret hai. Yeh turret sirf drugging buyers ke liye hai jo apni turret to ghumana jante hi nahi. Is turret ka game mein abuse bahut prachlit hai. Is turret to mein aaj kal har game mein dekhta hun. Short maps mein magnum users magnum ko 0 degrees pe rakh dete hain aur bas spacebar dabakar rakhte hain, mid maps mein yahi 45 degrees par ho jata hai to large maps mein 60 degrees tak. Isme itni hi skill lagti hai, yeh kaam aap 10 ghante in-game mein asani se seekh sakte hain, phir yeh turret puri tarah skill-less ho jata hai. Baki saare turrets ko stithi ke anusaar alag alag tarah se upyog karna hota hai parantu magnum mein toh aap ek dewaar ke peeche chup jao aur bas enemy base par pagalon jaise shoot karte raho. Jo meri baat se sahmat nahi hai woh khud he vichaar kare- " Kya apne kabhi bhi kisi magnum to drugs ke bina dekha hai?" Javaab 100% nahi hi hoga, kyunki magnum itna bekar turret hai ki use drugs ke bina use hi nhi kar sakte. Jine angle set karna bhi nhi aata woh log apni turret ekdum seedhi(0 degrees) par rakhke aur Double damage lekar ghumte rahte hai. Most ****tiest and noobest turret in the same. SMH  <_<  -_-

 

Anyway, Nice article as always Gustin, next time please ricochet pe article banana. I love your guides :D

Edited June 9, 2017 by MJROCKS05

[tankerkuldeep 739]

Correction: Magnum mein 100% tak ki power aur 90 degree tak ke angles hain. Kul mila ke 9000 combinations.

It is not 9000 combos, it is actually 4,54,500 combos. Har degree par humare paas 100 options of power hote hain, aus aise 90 degree hai, toh total no.of options = 5050*90. Yeh mujhe kaise mila use samjhana bada ho jayega. khud karke dekhiye.

 

Also, Magnum tanki mein sabse zyaada noob turret hai. Yeh turret sirf drugging buyers ke liye hai jo apni turret to ghumana jante hi nahi. Is turret ka game mein abuse bahut prachlit hai. Is turret to mein aaj kal har game mein dekhta hun. Short maps mein magnum users magnum ko 0 degrees pe rakh dete hain aur bas spacebar dabakar rakhte hain, mid maps mein yahi 45 degrees par ho jata hai to large maps mein 60 degrees tak. Isme itni hi skill lagti hai, yeh kaam aap 10 ghante in-game mein asani se seekh sakte hain, phir yeh turret puri tarah skill-less ho jata hai. Baki saare turrets ko stithi ke anusaar alag alag tarah se upyog karna hota hai parantu magnum mein toh aap ek dewaar ke peeche chup jao aur bas enemy base par pagalon jaise shoot karte raho. Jo meri baat se sahmat nahi hai woh khud he vichaar kare- " Kya apne kabhi bhi kisi magnum to drugs ke bina dekha hai?" Javaab 100% nahi hi hoga, kyunki magnum itna bekar turret hai ki use drugs ke bina use hi nhi kar sakte. Jine angle set karna bhi nhi aata woh log apni turret ekdum seedhi(0 degrees) par rakhke aur Double damage lekar ghumte rahte hai. Most ****tiest and noobest turret in the same. SMH  <_<  -_-

 

Anyway, Nice article as always Gustin, next time please ricochet pe article banana. I love your guides :D

 

Samaj nahi aya.

 

0-90 mtlb total 91 degrees ho gayi.

 

To phir 91*100=9100 combinations banenge.

[Whale 7]

Hindi Samachar Patra

ye India aur pakistan walo ke liye achi baat he

jinko english nhe aati usko ye bahot kaam aayega

Nice tanki :) 

 

This article is helpful for magnum users.

[Whale 7]

Samaj nahi aya.

 

0-90 mtlb total 91 degrees ho gayi.

 

To phir 91*100=9100 combinations banenge.

Edited June 10, 2017 by Whale