Review [Vishesh Ank] Update #469

[Quincie 531]

Badi khabarein aa gayi, aur saath hi aapke sabhi savalo ke javab ka article bhi aa gaya. Update #469 mein aye updates ki jankari.

 

 

Naya Feature "Overdrive" game mein aa gaya hain

 

Sabse pehle iska testing tanker's day pe hua tha. Logo ko ye mechanism bohot accha laga aur ye phirse recently April fool's ke din pe vapis aaya tha. Is baar bhi sabhi ke acchey response ko dekhte houe tanki ne faisla kiya ki ye mechanism ko permanently game mein bharti kar diya jay. Aur ab ye mechanism tanki mein permanently lagu kar diya gaya hain. Ab kehlte dohran , Kills, Flag returning, flag capturing, healing karne se aapka overdrive meter badhega. Ek baar 100% pe pohochne pe aap left shift ke upiyog se is mechanism ko activate kar payenge. Activate karne pe aapko aur aapke aspan wale "team" members ko sabhi 5 supplies milenge - Repair kit, Double armor, Double Damage, Nitro, Ek mine drop karenge.

 

Overdrive ke sath khush nahi? Pro battles banate samey aap is feature ko off kar sakte hain. By default pro battle banate samey overdrive ka option off hi rahega sirf parkour mein on hoga. Lakin ousey change karna aapki marzi hain.

 

Repair kit ke mechanism mein badlav

 

Low health pe repair kit ka upyog karte hi, 1000 Health badh jayegi aur saathi koi bhi burning/freeze effect ko hata degi phir ye 3 seconds ka overtime healing karegi. Is 3 seconds mein aapko 3000 health restore hogi. Baat ye hai ki is 3 seconds ke dohran agar aapki tank ne damage liya to ye healing process ruk jayegi. Ab repair kit se pura faida lena bohot mushkil ho gaya hain. 

 

Supplies ke activation aur cooldown mein badlav

 

Repair kit aap jaisa jante hain, 3 seconds tak active hogi aur adhik jankari to aapne pehle hi janli. Double Armor, Double Damage, Speed Boost - Duration ko 45 seconds se 30 seconds kar diya gaya hain. Smart cooldown ka duration 50% tak ghata diya gaya hain. Matlab aap 3 supplies ka ek samey pe asani se istemal kar sakenge, lekin ye bohot jaldi deactivate bhi ho jayeenge. Deactivate hone ke baad jo cooldown hota hain, wo bhi ab lamba ho gaya hain. Mines ka damage waisa hi hain, lekin cooldown mein badlav aya hain. Ab cool down dusre supplies jaisa 30 seconds bad hoga. 

 

Mari hui tank ka disappearing time 3.5 seconds se 1.5 seconds kar diya gaya hain. Zyada nahi pata aisa kyu lakin lagta keh sakte hain ki ab ye aapko zyada disturb nahi karenge. Pehle kai baar apki tank dead tanks pe lag hone ke karan flip ho sakti thi. Aur ab aap ke system pe kam load padega aur shayad ye critical errors ko reduce karne mein bhi madad karta ho.

 

Agar aapne is update mein khela hoga to aap jante honge ki marne ke baad apka camera jab aapke respawn position pe jata hain tab pehle se adhik time lagta hain. Ye bhi ek change hain, ab ye movement speed mein badlav kar diya gaya hain. Jaise hi aapki dead tank disappear hoti hain (jo ab 2 seconds jaldi hota hain). Aapka tank camera move hona shuru kar dega aur jaise hi aapke spawn position pe pohochte hain aapko bohot slight wait mein aapke tank mein vapis control mil jata hain. 

 

Supplies cool down hone ke baad aapko choti se awaz ayegi jo aapko batayigi ki aapki supply phirse activate hone ke liye ready hain. Aur iske saath hi aapko choti si animation bhi hogi. Ab dushmano ko deal kiya damage hi nahi balki apni tank ko heal hote houe bhi aap jan payenge. 

 

Batlte ke dohran agar aapki tanki zinda hain aur aap paint change karte hain to 5 seconds ka self-destruct time nahi hoga. Paint change karna zyada zaroori nahi hain. Paint change karne se aapko zyada faida nahi hota, sirf aapke tank ko alag roop deta hain. Isiliye sirf paint change karne ke baad jab agli baar aap respawn karenge tab hi aapko aapka badla hua paint milega.

 

Battle mein jaldi equipment change karna hain? ab jaldi se garage ko access karne ke liye naya key bind upalabdh hain. Ab by default 'G' key ka upiyog karne se aap sidhey garage mein phoch jayenge. Agar aap 'G' key se santusht nahi hain to aap settings mein jake key binds change kar sakte hain. Aap overdrive ke liye bhi key binds change kar sakte hain. 

 

XP/BP battle formats mein badlav

 

XP/BP kehlte samey kai baar hame kisi dushman tank ko marne ke liye 3 shots karne padte hain aur lucky ho to hum bhi 2 shots survive kar lete hain. Isiliye m2 equipments ke default protection mein badlac laya gaya hain. Ab m2 hornets mein 24% protection se 16% protection hogi. M2 wasps mein 12% se 8% protection hogi. Aur akhir mein DR mein bhi m2 dictators ko 21% se 15% ki protection milegi.

 

 

To iss patch update me bas itna hi, agli baar fir milenge ek aur naye aur taaza patch update ke saath. Tab tak ke liye, alvida!

Edited August 13, 2017 by Vikingsrallentando

[Cyborg 3,189]

Patch update #469 me huye kuch badlavon ke upar ek lekh, umeed hai ki aapko ye achcha laga ho!

[KILL_BILL_CHAUHAN 2,505]

overdrive ka radius kitna hai ? matbal kitne radius k andar abne team mate k sath overdrive share kar sakte hai ?

[Fresh 2,390]

Say it in english.

[Cyborg 3,189]

overdrive ka radius kitna hai ? matbal kitne radius k andar abne team mate k sath overdrive share kar sakte hai ?

Overdrive ka radius 10 meter tak hai. Matlab, kareeb kareeb utna hi, jitne area me wo neele rang ka ghera banta hai Overdrive activate karne par.

 

Say it in english.

Its a Hindi article, no problem if he asks in Hindi :) 

[Hex 11,520]

overdrive ka radius kitna hai ? matbal kitne radius k andar abne team mate k sath overdrive share kar sakte hai ?

A radius of two Vikings standing in front of each on all sides of the tank is the approximate radius of the Overdrive.

[KILL_BILL_CHAUHAN 2,505]

Overdrive ka radius 10 meter tak hai. Matlab, kareeb kareeb utna hi, jitne area me wo neele rang ka ghera banta hai Overdrive activate karne par.

 

A radius of two Vikings standing in front of each on all sides of the tank is the approximate radius of the Overdrive.

 

Thnx guys :)

[satyamthesupercool 0]

 

New Repair Kit :(

Edited September 6, 2017 by Tofu
Please don't quote the full article