Aap Sabhi ko Dr.Tina ki taraf se namaskar. Main aaj aap ke liye prasiddh Indian YouTuber aur EN community ke Spectator, TS7StudioHD "" ka interview leke aa rahi hun! To ab, aage badhein? Tanki Nickname: TS7StudioHD Asli Naam: Tajender Singh Visheshta: YouTuber,Spectator And Creative League Member Dr.Tina: Namaste TS7, kripiya hamare readers ko apne barein mai batayein! TS7StudioHD: Aap sabhi ko namaskar, mera asli naam Tajender Singh hai aur main Tanki mein TS7StudioHD ke naam se jaana jaata hu. Main 21 saal ka Indian hoon & West Bengal state se belong karta hoon. Dr.Tina: Aapne Tanki ke bare main kab jana our kab khelna shuru kiya? TS7StudioHD: Maine Tanki ke baare mein apne sabse ache dost Sonu se jaana joh mera padosi (neighbour) bhi hai. Uska game nickname S-A-R-K hai. Yeh baat takriban 2015 Jan-Feb ki hogi and mujhe ache se yaad hai maine fir yeh game July 2015 se khelni start kar di thi. Dr.Tina: YouTube main aap ki dilchaspi kaise bhadi? TS7StudioHD: YouTube mujhe shuru se hi pasand tha par jab main Tanki mein kisi bade Youtuber ko chat karte dekhta tha ya uske fans ko uske liye khush hote dekhta tha toh mujhe bahut khushi milti, aur sochta tha kaash mere bhi din aayenge. Ek tarah se keh lo, itne struggle ke baad aaj jab mai koi bhi battle join karta hu aur jab koi kehta hai “OMG TS7” tab dil ko sach mein sukoon milta hai aur ek alag si hi feeling aati hai fans se mil kar aur unse baat kar ke. Mere liye sab kuch wahi hai, unki wajha se hi Tanki mein itna name & fame mila hai. (They boost my morale.) Dr.Tina: Jaise ki hame pata hai ki aapke paas abhi kuch hi din pehle se Spectator hai. Aapko kaisa laga jab aapko Spectator diya gaya? TS7StudioHD: Pehli baat toh, bahut bahut shukriya Cedric & spectators admins ka jinki wajah se yeh mila mujhe kyunki kal Cedric ne ghoshna ki hai ki sirf main hi akela player tha jise nishchit kiya gaya tha aur isi ke saath saath mai pehla Indian Spectator ban gaya hu. Dr.Tina: Aap kis prakar Spectator se apne viewers ka manoranjan karenge? TS7StudioHD: Main ab se Spectator Rank-ups, XP/BP gameplay ya phir koi Gold ya Mine event ko apne viewers tak sahi tareeke se pahucha paunga jo main pehle nahi kar paata tha. Iske alawa main kuch innovative ideas ko videos dwaara prastut karne ki koshish karunga jisse EN Community ko lage ki Spectator ki command ab sahi haatho mein hain. Dr.Tina: Aapke aage ke plans? TS7StudioHD: Spectator milne ke baad ab aisa lag raha hai ki bahut kuch hai ab karne ko kyunki videos banaane mein pehle jo takleef hoti thi wo ab nahi rahi. Aage ke plans bahut hai par academics bhi jaroori hai so Tanki ke saath saath padahi-likhayi bhi karni hogi. But ha main kuch hatke plans kar raha hu jo aapko mere YouTube channel pe dikh jaayega December mein. Iske alaawa mujhe mere artwork ke jareeye Creative league mein bhi chance mila hai. Abhi fil-haal main candidate hu. Aasha karta hu ki member bhi ban paau. Dr.Tina: Kya apne eSports mein jane ke baare mai socha hai? Agar haan toh kyu? Agar nahi too kyu nahi? TS7StudioHD: Nahi nahi kabhi nahi. Mujhe clans vagera mein shuru se hi interest nahi tha. Jo interest tha bas video editing jo main Tanki ki videos banake khush hu. Aur mera maan-na aisa hai jis cheez mein interest na ho usmein jaana hi nahi chahiye. Dr.Tina: Kya aap koi video editing groups kholne ki soch rahe hain? TS7StudioHD: Yes, plan toh hai but kuch admins se baat karni hogi aur yeh utna bhi asaan nahi rahega. But mera aisa maan-na hai ki agar Tanki mein koi aisa group ho Forum per jaha har week ya month mein best video editors ko prize diya jaaye aur unki videos forum mein hi promote ki jaaye toh issey Tanki plus khelne waale, dono per kaafi accha asar hoga. Dr.Tina: Tanki Online mein aapka favorite map aur battle mode konsa hai aur kyun? TS7StudioHD: Mujhe sabse jaada pasand hai Sandbox XP (without drugs) kyunki ismein sab samaan hote hai. 2 shots mein marna nischit hai but abhi new game changes ki wajha se thoda imbalance hai par waise yeh sabse acha mode hai. Dr.Tina: Apki Dil-chaspi Creative League ki liye kaise hui and kyu ? TS7StudioHD: Mujhe kahi na kahi Tanki mein kuch kerna tha. Kuch aisa jo thora hatke ke ho. Maine bahut se logo ke artwork dekhe aur unse prerna mili ki mai bhi kuch aisa karu jo doosro ke liye prerna ka kaaran bane. Mai ghatne bhar ghante PC ke samne baith ker photos edit kerta rehta tha. Bahut mushkil samay tha yeh mere liye par meri kuch photos maine admins etc ko dikhaayi and phir kuch samay baad unhoone mujhe pehle Candidate banaaya aur phir Full League Member Dr.Tina: Aap naye Tanki players ko kya salah dena chahenge jo YouTubers banna chahte hai? TS7StudioHD: Unke liye bas yahi raaye hai ki pehle apni soch ko thoda innovative kare kyunki wo bhi agar gameplays ya gold rain jaise videos YouTube pe daalenge toh chance bahut kam hain ki log unhein dekhna pasand karnege kyunki yeh videos pehle se YouTube pe bahut YouTubers upload kar rahe hai. Toh kuch naya kerne ki soche success piche piche chal ke aapke kadam choomegi :). Aise mere saath ho chuka hai kyunki last year jab mere sirf 500 subs the and maine Tanki videos banaana start hi kiye the, tab meri innovative videos & ideas ke kaaran mere paas prasiddh spectators aur players - MADGENiUS, Mohammed95s, Oufa, GoldMans and aur bhi bahut players aaye jinhe bilkul aisi video chahiye thi jo maine banaayi thi. ​Hamse baat karne ke liye dhanyavad TS7! Ham sab aapke kaam se bahut khush hain aur chahenge ki aap isi tareeke se naye videos laayein aur India ka naam roshan kar sakein. Dhanyawad Doston mere sang judne ke liye! Agli baar phir mulaakat hogi. :D

Dhanyawad

Thanks Spy :)

Thanks royal :)

:O

Namaste paathakon! Aaj mein aap saamne pesh karti hoon - Fantastic, ek jaana-maana YouTuber, jo jyada tar apne XP ke gameplay videos ke liye prakhyat hain. To chaliye, interview ki taraf badhte hain! Dr.Tina: Namaste Fantastic, kripiya aap hamare readers ko apna parichay dijiye. Fantastic: Hello everyone, I'm Marcell, well-known as Fantastic, I'm from Hungary and I'm 16.. I like to play football, and of course, to play Tanki. xD Fantastic: Aap sabhi ko namaskar, main Marcell, iss khel main Fantastic ke naam se jana jata hoon, main 16 saal ka Hungary main rehne wala ladka hoon. Mujhe football, aur haan, Tanki mein bhi khelne mai kaafi dilchaspi hain. xD Dr.Tina: Toh fantastic, Aap kitne dino se iss game mein khel rahe hain? Fantastic: I've been playing since 2012, we can say that I'm an old player.. my first nickname was marci134. Fantastic: Main iss game ko 2012 se khel raha hoon, aap sab mujhe kaafi puraana player keh sakte hain.. mera pehla nickname marci134 tha. Dr.Tina: Main bhi iss game ko tabhi se khel rahi hoon. Halaaki mujhe pehle se hi pata hain, kya aap hamare paathakon ko batana chahenge ki aapka iss game ka sabse manpasand combo kya hain? Fantastic: Hornet & Railgun, I've started playing with this combo in 2014, the time when I first played XP, I do not know why, but I think that this combo is different than others, and I just love it. Fantastic: Hornet aur Railgun, maine iss combo ke saath 2014 se khelna shuru kiya tha, pata nhi kyu, lekin mujhe yeh combo kaafi romanchak laga aur mujhe isse lagaav ho gaya. Dr.Tina: Jaise ki main bhi XP player hoon, mujhe kaafi andruni baatein pata rahti hain hamare English community ke XP culture ke baare mein. Iss culture mein hamare kaafi dost, dushman aur aanjan log milte hain jo apne aap ko “best” maante hain. Kya aap bhi aapne aap ko best maante hain. Agar haan toh kyon? Aur agar nahi toh kyon nahi? Fantastic: I have not considered myself the best, but I considered my tandem team which is called "Impossible" Fantastic & Mr.Specialist, we have played a lot of games since 2015, (the time we met) and we rarely lost any. Fantastic: Nahi, maine kabhi bhi aapne aap ko best nahi maana, lekin main aisa jaroor maanta hun ki meri tandem team jo ki “Impossible”, Fantastic aur Mr.Specialist, ke naam se jaani jaati hai voh jaroor best teams mein se ek hain. Hum sath mai 2015 se khel rahe hain (yeh voh time hai jab hum pehli baar mile) aur tabh se abhi tak humne bahot, bahot kam game haare hain. Dr.Tina: Accha hai ki aapne ek dost ka naam liya iss interview mein kyunki mera agla prashn usse kaphi sambhandit tha! Ek time pe kaafi gussa aur chinta ka vishey bana tha jab aapne yeh news di thi ki aap Tanki chhod rahe hain.. Kya aapka nirnay apne dosto ki ladai par nirdharit tha? Ya koi aur in-game kaaran tha? Uss time par kya hua tha hamare paathkon ko jaanna hain. Fantastic: Well last time when I wanted to quit this game, I made that decision because I was worried about school, I thought it will be hard, and I'll have to study a lot, but actually it's quite easy, and I even have time to play. :D So I think that I'll be able to upload more videos and have fun there. ;) Fantastic: Pichhlibaar jab maine Tanki chhodne ki baat ki thi tab uska mukhya karan padhai aur school tha. Mujhe laga tha ki school kaafi mushkil ho jayega aur mere pass Tanki ko khelne ka time nahi milega. Lekin school aur padhai aasan hain aur mujhe Tanki ko khelne ka time mil jata hai. Mujhe vishwas hai ki apne channel pe main kaafii videos upload kar paunga aur aap sab ka manoranjan kar sakunga. Dr.Tina: Accha, ab ham apne topic ki disha ko thoda badalte hain! Aap ki kaafi videos Gladiator aur Veteran paint ke khiladi ke khilaaf ya sang hote hain. Kya aapne kabhi koi eSports tournament mein bhaag lene ka socha hain? Fantastic: I've thought about it before, yeah. Well, now my clan "Guardian Angels" is in Blitz, and if we play well we have the chance for Gladiator, but we need to train hard. Fantastic: Haan maine iss baare mai kaafi baar socha hain! Magar, ab mera clan “Guardian Angels” Blitz tournament main kaafi upar pahunch gaya hain. Aur agar hum aacha khele toh mujhe poora vishwas hai ki hamare paas Gladiator aane ke puri sambhaawna hain, lekin uske liye hame sang rahke bahot train karna hain. Dr.Tina: Badhaai aapko, hamari patrakaar team se! Kripiya aap hame apne pichhle clan ke baare mein aur abhi ke “Guardian Angels” aur uske players ke baare mein bataiye. Fantastic: My previous clan was "TOP", the leader was "Oufa" the famous YouTuber, it was going to be an awesome clan, training everyday, but sadly Oufa left this game… So the clan got closed… And now in my current clan there are a lot of awesome, famous players, like l.z.l, i.z.i, PoBHu_LLIyTep, DonT, Latvian_Sniper and much more. "izi"s also have a YouTube channel, and they are well-known in EN community. BTW, we have like 5-6 training sessions a week! Fantastic: Mera pichhla clan “TOP” tha, aur uska leader “Oufa” (kaafi prasidh) YouTuber tha, aur mujhe voh clan bahot aacha lagta tha, ham har din train kiya karte the, lekin dukh se kehna pad raha hain ki Oufa ne ye game chhod diya... usi karan se voh clan band ho gaya… Aur ab main apne naye clan ke saath hoon. Issme kaafi mazedaar aur prasiddh players hain, jaise ki l.z.l, i.z.i, PoBHu_LLIyTep, DonT, Latvian_Sniper aur bhi kai. "izi"s ka bhi apna YouTube channel hain aur EN community mein kaafi prasiddh hain. Hum ek week mai kamse kam 5-6 baar training kar lete hain! Dr.Tina: Kaphi dilchasp cheezain jaane ko mili J Aapke Fans ke do paramukh questions hain 1) aap sabse aachi kya tip dena chate hain jo best XP player bane ki chah rakhta hai? 2) Aap kabh aapne fans ko apna chahera dikhaenge? Fantastic: 1) Hard question, I think the most important thing is to like XP, and enjoy playing with it, and if you have these things, nothing can stop you lol, just try to focus on your Railgun and use your brain, train a lot in different maps. 2) Yes I'm planning it, but I do not know the exact time yet.. maybe soon. :D Fantastic: 1) Mushkil sawaal hain, mujhe lagta hain ki sabse jyada jaroori hota hai ki aapko XP pasand aaye, aur uske baad aap maze leke khelein, aur agar aapke paas yeh dono cheese hain toh sayad hi koi aap ko rok sakta. Ek cheez ka hamesha khayaal rakhiye, ki saara dhayan aapko aapki Railgun par rakhna hain and haan apne dimaag ka hamesha se accha upyog karna. Accha hoga ki aap kaphi alag alag maps mein train karein. 2) Haan maine iss baare mein socha toh hain lekin mujhe pata nahi ki main abhi uske liye ready hoon kin hi… shayad jaldi hi karunga. :D Dr.Tina: Main aapka dhanyawad karna chahti hoon ki aapne yeh interview kiya aur hamare paathakon ko aapne apne aur apne vicharon se avagat karvaya. Good luck aap ko, Blitz ke liye! Paathakon! Aaj ke liye bas itna hi, ummeed hain ki aap ko Fantastic ke baare mein kuch baatein jaan kar accha laga ho. Dhanyawad!

Original EN article: The Gold Box Supply by @Flexoo. This article is a translation of the EN article. Tanki online mein kuch din purv V-Log mein test boxes ke baare mein sanket diya gaya tha. Ek do maheene baad, ‘Gold Box’ ko developers chhoti si supplies ke pariwar mein jagha dene mein safal ho sake. Iss jaankaari ke saath hum aapko iss supply ki saari visheshtayen prastut karte hain. Mool Baatein Gold box supply garage ka ek naya ghatak hain jo aap apne garage ke supplies vibhaag mein praapt kar sakte hain. Jab aap gold box ko khareedne jayenge tab aapko crystals khareedne ka pehla sthan dikhega. Jaise ki hamne aapko V-Log mein bataya tha ki yeh gold box supply aap crystals se nahi khareed sakte hain. Issi karan se iss supply ko pana mushkil hain. Hum sabse pehle aapko iska moolya batana chahte hain. Yeh gold box bhi 1000 crystals ka moolya rakhenge. Iska matlab ki inn gold box ka mool 1000 crystals se nhi badhega balki kuch aane wale events mein in-game gold box ka moolya badhne ki puri sambhavana hain. Yeh ek aur vajah hain jisse hum adhik gold rain ke battles ko beech mein rok sakte hain. Iss supply ki ek visheshta yeh hain ki jis tanker ne yeh gold box drop kari hain voh uska naam sabko dikhaega. Jab bhi ek tanker apni gold box supply use karta hain toh usko aur baaki saare tankers ko battle mein yeh notification milegi -"Aap_Ka_Naam has dropped the gold box". Agar aap iss notification suvidha ko band karte hain toh saadhaaran notification milegi jo hain - "Gold box will be dropped soon". Yeh suvidha aapko isliye dee gayi hain taaki koi aapko baar-baar gold box girane ki maang kar ke pareshan nahi kare. Gold Box ko praapt kaise karein? Abhi ke liye, aap gold box ko bas 2 tareeko se paa sakte hain, asli paison se khareed kar, aur daily missions se. Asli paison ke saath khareedna Gold box supply aap 'Shop' se khareed sakte hain. Jab aap 'Shop' par click karenge toh aapko vahi crystals aur premium ke package dikhenge. Iske neeche hi aapko gold box supplies mil jayegi. Iss samay aap ek ya 5 se 10 gold box supply kuch chhoot se khareed sakte hain. 1 gold box supply ki keemat 1 Euro/Dollar hain. Agar hum keematon ki tulna karein toh crystals aur premium ko khareedna behtar hain. 1 Dollar/Euro se aapko 2000 crystals ya 1 din ka premium milta hain. Sahaj roop se, iss supply ko prastut karne ka matlab crystals ki aamdani badhana nahi hain, balki khel ko mazedaar aur romanch se bharpoor banana hain. Jaise aap sab ko pata hain ki gold box suvidha vishesh hain ussi vajah se uski keemat bhi uchi hain. Daily Missions ke dvaara Aap ko gold box supply kabhi na kabhi daily mission dwara prapt ho sakti hain. Ye mission Warrant Officer 1 par unlock hota hain aur isse pana kaphi mushkil hain. Kabhi kabhi aap ko 1,3 ya 5 gold box supply ka mission mil sakta hain aur voh inaam mission ke kathinayi par nirbhar hota hain. Iske atirikt, developers ne ise super mission ka inaam bhi rakha hain. 99 999 exp mission poora karne par aap ko 67 gold box supplies ka inaam milega aur usse bhi mushkil aur lambe, 9 999 kills ke super mission se aap ko 83 gold box ka inaam milega. Dono mission sirf Generalissimo rank ke liye hi hain. Kaaryakshamata Isse pehle ki hum aage badhein, hum ek gold box video par nazar dalte hain. Mujhe vishwas hain ki aapko iss video dwara iss supply ko jaanne mein kaphi madad mili hogi. Gold box supply '6' dabane se sakriya hoti hain. Iss supply ka prayog karne se cooldowns par koi prabhav nahi padhta hain. Iss supply ko phir se sakriye karna baaki supplies ke mukable kam samaye mein ho jata hain. Iss supply ka cooldown paanch seconds hain. Jab yeh supply sakriya hoti hain, tab vo gold box aam gold box se bilkul bhi alag nhi lagta hain. Iska bhi kaam 1000 crystals dena hain. Gold box 30 sec hone ke baad drop hota hain. Yeh box bhi aam gold box ke jaise girta hain aur gold box ke girne ki jagah bhi sone ke rang ki ho jati hain. Jab aapke paas ki saari supplies istemaal karne ke baad khatam ho jati hain, tab icon apni jagah shunya dikhata hain. Magar, jab aapke paas gold box supply hoti hi nahi tab apko iska icon nahi dikhain dega. Yuddh-neeti mein Upyog Gold box supply ka yuddh-kshetra mein bhi accha upyog ho sakta hain. Agar aap ki team CTF mode mein kuch flags se piche hain, aur aap ne '6' number dabaa kar gold box giraaya, toh aap ke team ke jeetne ki sambhaavna badhayi ja sakti hain. Iss supply ka upyog akraman ya phir base ki raksha mein bhi kiya ja sakta hain. Lekin, aap ko ye dhyaan mein rakhna chahiye ki aap ka munaafa hoga ya nahi. Agar battle fund kaafi kam hain, toh ye salah hogi ki aap iss yuddh-neeti ka prayog nahi karein. Iss ke alawa, aap ki team ek ya do flags se hi piche honi chahiye, varna iss yuddh-neeti ke prayog ka laabh nahi hoga. To phir, agar aap ko akraman kar ke ek-do flags jald se jald paane ho, to aap '6' number dabaa ke, gold box ke liye bekaraar logon ko vichlit kar sakte hain. Jab tak gold box girta hain, aap aasani se flags capture kar sakenge. Isi tarah, aap is vikarshan ko base ki raksha kar sakte hain. Lekin, agar gold box aap ke hi base mein girta hain, ya phir koi player gold box ko nazarandaaz karta hain, to aap ka gold box bekaar ja sakta hain. Isi vajah se ye yuddh-neeti aap ke bhaagya par bhi nirbhar hain! 'Save The Gold' ab aasan Ab iss update ki wajah se 'Save the Gold' (STG) mein bhaag lena kaafi aasan ho gaya hain aur players iss STG pratiyogita ka bharpoor fayda utha rahe hain. Gold box supply ki vajah se iss event ki lambayi kaafi kam ho gayi hain. Isse pehle, sabhi utsuk STG participants kadi mehnat kar, Firebird aur Wasp ke saath kabhi ek ya bahot baar anek ghanto ke liye khelte the, gold box ki iccha aur gold box sheeghra girne ki apeksha kar ke. Isi ke saath ab 'admin gold plz' ke messages kaafi kam ho rahe hain. Har roj ke battles mein aapne jaroor ye dekha hoga. Lekin ab, jo players crystals khareedte hain, vahi gold boxes bhi khareed rahe hain. Isliye, ab vaise hi messages inn players ko tang kar rahein hain. Kai players iss jhukaav ka upyog kar ke apne YouTube channels aur events ka prasaar kar rahe hain. Aur ek prakaar ke player ka bhi uday ho raha hain, jo khud ke ya phir doosron ne giraye hue gold box le kar apni gold box rating badha raha hain! Aaj ke liye bas itna hi. Gold box supply ne hamare beech ek nayi oorja paida kar di hain aur iss supply ke aane se game mein naye romanch ka bawandar sa aaya hain. Mein apne Hindi community ke vichar janne ke liye utsuk hoon. Kya yeh update aapko pasand hain? Agar nhi, to iss update mein aisa kya hain jo aapko pasand nhi aaya? Mujhe vishwas hain ki aapko yeh article padhne mein maza aaya hoga. Apka din shubh ho, namaskaar.

Wow, Nice :D

This was very interesting and engaging :) You have wonderful writing skills!