2726

2735

2756

2765

2777

2786

2795

2807

Namaste Doston! Aaj main aapko iss lekh mein 'Battles_Mods' se sambandhit poori jaankaari dene waala hoon..Wo kaun hain? Wo kya karte hain? Aap unme se ek kaise ban sakte hain? Unki sahayata kaise lee jaa sakti hain? Agar aapke man mein ye saare prashn kabhi rahe ho ya fir abhi bhi hain, to aaj aapko unke baarei mein sab kuch pata chal jayega! To aakhir ye 'Battle_Mods' hain kaun? Battle mods khaas tareeke ke log hote hain jinhe khaas tareeke se kuch cheezein sikhayi jaati hain. Inhe aap kisi normal battle mein khelta hua, ya logo se baate karta hua nahi dekhenge. Ye sabki nazaro se chupe hote hain :ph34r: aur iss khel ke battles, par gaur se nazar rakkhein huye hote hain taaki woh, jo hamare anand aur utsah ko, jo hamara khel ke prati hota hain, usey khatam kar sakein apni neech harkaton se. Battle_Mods ka kaam hota hain inhi logo ki talaash karna aur unhe, unke layak saza dena. Aur yahi hain Tanki ki khaas 'Battle_Mod' team. Ye 'Battle_Mods' Khel va Forum mein kaam kaise karte hain? Battle mods ka din shuru hota hain, ek cup chaye aur game mein ghuste hi, battles list ke saamne. Battle list inhe waisi nahi dikhti, jaise hame dikhti hain. Inki list rang birangi hoti hain. Wo battles jinme ek hi IP address ke khel rahe 2 players hote hain, unhe ve laal rang mein dikhayi deti hain. Aur wo battles jinhe players ne '/vote Player_Nickname' command se highlight kiya ho, ve unhe peele rang mein dikhti hain. Kisi khiladi ko khel mein 'Vote' kaise karein? Ye voting, kisi sarkaar ke liye kari gayi elections nahi hain. Ye vote diya jaata hain un logon ko, jo ki aapke battle mein ghuskar baithe hain, aur aapke khel mein baadha prakat kar rahe hain, yaa fir khel hi nahi rahe aur pause karke baithe hain. Agar kabhi aapne aisa kuch dekha, to saath hi saath, 'Tab' dabakar, uss khiladi ke naam ko copy karein. Aur 'Enter' dabakar, chat khole, aur type kariye, ' /vote (Ab player ka naam) ' aur fir enter daba dijiye. Fir jaise hi aapke team se 25% logon ne bhi usi khiladi ko '/vote' command se vote de diya ho, tab kisi battle mod ko pata chal jayega ki aapke battle mein koi aisa hain jo dushkarm kar raha hain, aur wo aapke battle mein jald se jald ghuskar uss khiladi ko upyukt saza dega. Lekin yaad rakhne waali cheez ye hain, ki ye vote command bas, Khel ke niyamo ka apmaan karne waalon ke liye hota hain. Chat ke niyamo ke apman karne waalo ko saza dene ke liye uska ek Screenshot lekar use Chat Violations section mein post kariye. Kya aap bhi ek battle mod banna chahte hain? Ek battle mod banne ke liye aapko kaafi saari cheezon ka dhyaan rakhna hoga kyunki ye kaam karna asaan nahi hain. Iske liye aapko ek achche computer, internet aur 'Karma' ki zaroorat hain. Iske saath hi aapko '18' saal ki umar ka ya usse zyada ka hona hoga, aapka rank 'Brigadier' ya usse bada hona hoga, aur aapke paas kaafi dhainrya hona hoga. Iss sthaan ke liye chune jaana bilkul bhi asaan nahi hota kyunki ye kaam apne aap mein hi bahot mushkil hota hain. Agar aap sochte hain ki aap in sabhi kasautiyon par khade utar rahe hain, to kripaya karke iss form ko padh kar apply kariye! Aap Battle_Mods dwara keeye gaye kaamon ko gehrayi se dekh sakte hain, uske liye aapko 'Monthly Review of Battle Moderators Work' ke topic par dhyaan rakhna hoga. Chaliye itna to aapne jaan liya, ab baat karte hain ek anubhavi Battle_Mod @Mr_STIFFLER se. Namaste! Main chahunga ki aap apne baarei mein hamein thoda sa bataiye, taaki hamare utsuk padhne waalon ko aapke baarein mein kuch pata chale :) @Mr_STIFFLER: Mera naam Mr_STIFFLER hain, aur main ek 'Battle_Mod' ke taur par lagbhag 1 saal se kaam kar raha hoon. Mai Tanki Online 4 saalo se khel raha hoon, asal mein main iss khel se 1 saal ke liye door ho gaya tha kyunki mera kaam bahot zyada tha, lekin mai wapas aaya, Tanki Online, Battle Mods aur Players ki sahayata karne. Aap apne Tanki Online mein ek roz marga ke din ke baare mein, ek Battle Mod ke taur par bataiye @Mr_STIFFLER: Chaliye main apne kaam ke baare mein aap sabko samjhata hoon; Hum Tanki Online ke khaas sipaahi hain, aam logon ki aankhon se chupe huye, sabotage aur baaki violations ke khilaaf ladte huye jo hum sabke priya khel mein ho sakta hain. Hum unn khladiyon ko sabak sikhate hain jo ki achche aur bhale khiladiyon ka aanand kirkira karte huye apni hadd paar kar chuke hain apni buri harkaton se, yaa fir bina hal chal ke. To hamara roz ka kaam, asal mein hain, khiladiyon ko khelo mein aanand labh karne se rokne waale logon se bachana. Aap aam taur par ek hafte mein kitne ghante kaam karte hain? @Mr_STIFFLER: Ye, kaam ke bojh ke upar nirbhar hain, aam taur par 50 se 60 ghante har hafte, lekin kabhi kabhi aur bhi zyada. Ye poori tarah se ispar nirbhar hain ki khiladi kitne votes daalte hain. Aapko apne kaam mein sabse zyada majedaar kya lagta hain? @Mr_STIFFLER: Logon ki madad karna. Chahe wo kisi 'Mult' ko kisi battle se nikal fenkna ho, yaa fir uss kamzor khiladi ki sahayata karna jise baaki damdaar khiladiyon ne mult bula bula kar pareshaan kar diya ho. Maine pehle suna tha, ki saare battle mods sirf Russian hote the. Kya ye sach hain? @Mr_STIFFLER: Ye sach hain, pehle humein kaam ke samay calls par hona hota tha, taaki hum Tanki Online ke roz ki dikkaton ka parikshan kar sakein aur uske baarei mein baat cheet kar sakein aur sab kuch jald se jald theek kar sakein. To English helpers ko hamari team mein laane mein kaafi dikkatein aa rahi thi, unko calls mein translate karna, saarei sandesh aur anya cheezon ko bhi translate karna. Humari admin @Yele, har din kaafi mehnat se kaam karti hain saarei khiladion ki takleefon ko suljhane mein, lekin aakhir kaar unhone English Helpers ko bhi hamari team mein laane ka faisla kar hi liya. Kya koi, jo Russian bol nahi sakta, Battle Moderator ban sakta hain? @Mr_STIFFLER: Jee hain, jaise maine abhi kaha. Humari admin @Yele hi iska nishchay leti hain, ki kab hame aur bhi helpers k zaroorat hain ya nahi. To agar aap ek Battle_Mod banna chahte hain, to fir forum mein aapko uske liye application mil jayega, aur saath hi saath application ko samajhne mein aapki sahayata karne ke liye ek Video bhi diya gaya hain. Aap baaki Battle_Mods ke sath apne kaam ke ehsaas ko kaisa batan chahenge? @Mr_STIFFLER: Humari admin @Yele hamesha kehti hain "Saath milkar hum Tanki Online ko achcha, aur behtar bana sakte hain", to hum sab ek parivaar ke jaise hain. Hum har hafte calls par hote hain, humari admin hafte ke saare cases ke baare mein humse baat karti hain. aur kisi bhi naye niyam ke baare mein hume batati hain. Aur jaise ki main, Russian aur English dono bol sakta hoon, mai hi saare English battle mods ko saari cheezein unki bhaansha mein translate karke samjhata hoon. Yahan jo battle mod banne ke liye ichchuk hain, aap unke liye kya kehna chahenge? @Mr_STIFFLER: Sabse pehle to ye yaad rakkhein ki Battle_Mod ke liye apply karne ke pehle ye yaad rakkhein ki aapko 18 saal ki umra se adhik ka hona hoga, aur 'Brigadier' rank se neeche ka rank nahi hona chahiye. Kam se kam 1 saal ka anubhav iss khel mein hona chahiye. Jab aap apna application likh kar, post kar denge to humari admin @Yele usse padhkar aapko Forum PM dwara aapse sampark karengi. Agar aap chune jaate hain, to humari admin aapa interview lengi, ek Webcam aur Voice chat ki sahayata se. To agar aap apni umra se zyada bade banne ki koshish karte hain, to uski koi gunjaish nahi rahegi. Kripaya apni umra ke baarei mein jhooth na bole, usse aap moderator to nahi ban payenge lekin aapke baare mein humari sochne ki dhaarana bahot badal jayegi. Aur agar aap iss kaam ke liye chune jaate hain, to hum zaroor dhyaan mein rakkhenge ki aapka achche se swagat keeya jaye! Humare padhne waalon ke liye koi akhiri shabd? @Mr_STIFFLER: Mai khiladiyon ko ye batan chahunga ki, humara khel duniya bhar se bahot log khelte hain, kuch kamzor hote hain, kuch dumdaar hote hain. Inme se adhik roop se bachche hote hain jo ki bas maze ke liye, aur samaye bitaane ke liye khelte hain. Humara kaam hain unhe saza dena jo ki, khiladiyon ka dhyaan khel mein nahi lagne dete aur unhe pareshaan karte hain. Wo jo poore khel ko apne kaayde se khelna chahte hain, bina kisi aur ki parvah kiye huye. Sabke paas itna paisa nahi hota ki wo sab kuch khareed sakein, isiliye, unki be-izzati karne ki bajaye, unhe samjhayen aur unse prem poorvak baat kijiye jaise ki aap sadhaaran roop se kisi aur se baat karenge. Saath hi saath, kuch log aise bhi hain, jo ki sharirik roop se svast nahi hain, jo ki mouse ka upyog nahi kar sakte isiliye ye khel khelte hain. To aisi hi kuch cheezon ko dimaag mein rakhte huye mai aap sab se itna kehna chahunga ki, kripaya aap iss khel ko khele, aur doosro ko bhi iska aanand uthane mein sahayate karein ;) Mai, aur humari poori Battle_Mods ki team, aasha karti hain ki sabhi humare dwara deeye gaye sandesh ko samjhenge aur issk khel ko din-ba-din behtar banate jayenge! ~Interview taken in English. Asha hain ki aapko ye padhne ke baad kuch cheezon ka gyaan hua hoga, unke kaam ka bojh, aur tareeka samjhna bahot mushkil hain lekin itna zaroor jaan lijiye, ki agar aaj ye nahi hote. To iss khel ke aadhe se zyada Battles, asantulit aur thagon se bharpoor hote. Aapse khel mein mulakat hogi, tab tak ke liye alvida!

2893

Legend is the final rank as of now. Legend 1, 2, 3 etc. they are just higher achievements for players and do not interfere with anything. They are simply personal benefits.

Shukriya :blush:

yes ?

Non of the Legends have got it yet. Please be patient.

Legend 5 <3

Everybody is free to participate as long as they follow the rules.

2918

Nothing like that mate.

'And nowhere else'

O..

2927

2929

I am King <3

Test Server is usually flooded when its open for mass test. Probably your garage etc didn't load because of too many players trying to do it thus resulting in an overflow.