Review [Parkour] Magnum Ke Saath Parkour - ft. TFP aur F&F

[Tofu 6,773]

     

---

 

Magnum ko aaye jyada din nahi hue hai, par uske saath manoranjan karne ke kayi upaay dhoondhe jaa chuke hai. 23rd March ko aaya hue ye turret mein Mini-Games ka hissa banne ki atyant kshamta hai. Isliye hamare manpasand aur mashhoor The Flying Parkourists aur Flight & Flight ne hamare liye Magnum sahit parkour ki ek video prastut ki hai. Unhone ne keval 5-6 dinon mein ek aisi guide banayi hai, jisko aam logon ko banane ko maheenein lag jaate. Ye baat TFP aur F&F ke liye hi nahi, apitu poore EN Community ke liye garv ki baat hai.

Iss article ke dwaara mein aapke samaksh iss video ke har ansh ko jaanchungaa aur har trick ki vyakhyaa bhi karunga. Padhte rahiye...

Magnum ka samaanya nireekshan

Magnum ka har ansh uske asli bhai, Artillery, se milta hai. Uske explosion se lekar uske barrel tak sab kuch Artillery ya 'Howitzer Cannon' se milta julta hai. Magnum kuch iss prakar dikhta hai-

 

 

Aap sab ab tak iss turret se waqif zaroor honge, jaise ki iski Vertical Aiming aur koi Horizontal Aiming naa hona. Iske kuch vishestayein niche dee gayi hain-

• Magnum keval Vertical Aiming kar sakta hai, Horizontal Aiming iske saath sambhav nahi hai.
• Iska nishaana Angle aur Power se niyantrit kiya jaa sakta hai.
• Iska shot ek uncha rasta, ek seedha rasta aur ek parabolic rasta apna sakta hai.
• Magnum ke saath sabse jyada range ek 45 degree shot ke saath 100% power se paaya jaa sakta hai, jisko yahan darshaya gaya hai
• Iska damage bahut zyaada hai, par slow reload aur horizontal aiming ki khaami isko kaabu mein rakhti hai.
• Abhi tak sirf magnum hi ekmaatra esa turret hai jo puri tareh se cover mein rehker logon ko maut ke ghat utar sakta hai.
• Shaft Magnum ke barrel ko maar sakta hai.
• Sahi upyog ke liye zabardast aiming aur theek samay chunna avashyak hai. Aas-paas ke ho rahe cheezon ka gyat hona bhi jaroori hai.
• Sabse unchaa shot (ek 90 degree shot aur 100% power wala shot) sky kill-zone se bahar jaata hai, aur sadharan tank view se usse dekhna asambhav hai. Spectator ke upyog se vo kuch aisa dikhta hai. Sabse chota shot(ek 0 degree aur bahut kam power wala shot) ka koi upyog nahi hai, kyunnki vo kisi ko hani pahunchaane ke liye itna upar nahi jaa pata.
• Magnum Tanki ka doosra aisa turret hai jo animation ke saath aata hai. Yeh hai uska retracting hydraulic barrel. Isse pehle Vulcan ka ghumta hua barrel game mein gaya tha.

Ab Magnum ke baare mein kuch baatein jaanne ne ke baad uske saath parkour ke baare mein jaante hain.



Magnum Ke Saath Parkour

Aap keval Magnum ko khareed kar parkour karna nahi shuru kar sakte. Iss turret se samanya khel khelne mein hi kai dikkataein aati hai, to phir Parkour to bahut door ki baat hai. Iske sahi upyog ke liye aapko iske kayi cheezon ko samajhna hoga aur unpar maahir hona hoga.



Par TFP aur F&F ne ye kathin kaam ek saptah ke andar kaise kar diya?

TFP aur F&F kayi saalon se parkour karte aa rahe hain, aur uske badshah bhi ban chuke hai. Mein to itna bhi keh dunga ke ye log aankhein band karke bhi parkour kar sakte hai, inme itna jyada hunar hai.



Niche meine Magnum sahit Pakour ke kuch anshon ke baare mein likha hai-

Angles-

Angle par niyantran avashyak hai. Par shot ke raaste ke baare mein gyaat hone bhi avashyak hai, aur yeh karya jyada mushkil nahi hai. Aap apne turret ko ek angle par set kar sakte hain, par yehi cheez aap power ke saath nahi kar sakte hai. Isliye sahi angle ke dhundhne ke baad sirf power ki bat bachti hai

Aur jaankari ke liye yahan click karein.

Trajectory-

Trajectory dono angle aur power se prabhavit hoti hai. Iske sahi dhang se jaane ke sirf ek hi upaay hai- Abhyaas. Aap kisi private match mein iske saath kisi door khadi cheez ko marne ka abhyaas kar sakte hain, isse aapko angle aur power ke sahi mel ke baare mein jaankari milegi.

Aur jaankari ke liye yahan click karein.

Power aur Explosion-

Magnum ke paas abhi tak sabse jyada impact force aur sabse jyada explosion hai. Magnum ek Dictator ko flip kar sakta hai, agar vo Dictator uske barrel par khada ho to. Isski impact force parkour ke liye atyant upyogi hai.

Aur jaankari ke liye aage padhte rahiye.

Jagah-

Magnum ke saath pakour karte hue aapko map ke kone-kone se waqif rehna chahiye. Magnum Hammer aur Railgun ki tarah nahi hai, jo unchi jaagaein pahunchnein ke liye upyogi hai. Par iska matlab yeh nahi hai ki Magnum se parkour nahi kiya jaa sakta. Aapko Magnum ke saat parkour seekhne ke liye ek uchit building ke aaspaas flat zameen dhundhni hogi. Jitna aap abhyaas karengein, utni hi jyada unchayion tak pahunch payeinge.

Vyavastha-

Hammer Railgun aadi turrets ke saath kayi tareekon se parkour kiya jaa sakta hai. Parantu Magnum ke saath bahut kam tareekon se parkour kiya jaa sakta hai. Inko seekhna avashyak hai, kyunki puraane setups jaise ki 'Sandwich' setup, 'Mine-Hammer' setup) kaam nahi karte.

Timing-

Magnum ki tricks ke liye sahi timing hona atyant avashyak hai. Pehle aapko apne trick ke liye sahi angle aur power dhundhna hai, aur phir trick karne ke liye baaki sab ke saath uchit timing par shot maarna hai. Magnum ke tricks keval 0.5s-1s ki timing ke galti ki anumati deta hai. Isliye, uchit timing hona anivaarya hai.

Communication (Susampark)-

Sahi timing ko sunishchit karne ke liye acha sampark avyashak hai, kyunki voice call keval typing se kaafi behetar hai. Voice Call ke saath Magnum ka ek bada samooh bhi ek second ke andar shot le lega.

Upkaran-

Magnum ke zyaadatar tricks mein bahut jyada impact force ki avashyata hoti hai. M0 aur M1 Magnum mein bhi bahut jyada impact force, par ve usse behetar modication waale Wasp aur Hornet ko udaane ke liye avashyak nahi hai. Isliye trick ki safalta ke liye M3/M2 Magnum hona avashyak hai.

Anubhav-

Jaise ki pehle bhi kaha gaya hai, aap Magnum lekar seedhe tricks nahi karna shuru ho jayenge, iske turret ke saath abhyaas anivarya hai. Iske upyog ka abhyaas atyant jaroori hai.

Niyantran-

Akhri baat: Niyantran. Magnum par niyantran tanki mein sabse kathin hai, par agar aap Magnum ke upyog mein yogyata prapt kar dete hain, to phir kisi bhi cheez ko kisi bhi samay maar sakte hain. Parkour ke liye niyantran bhi anivaarya hai...



Tricks


➣ 0:20-0:26 -- A Salvo Of Chocolate

Trick ka Prakaar- Ek jumpar aur kayi sahayak.
Varnan-

Jagah- Berlin
Jumpar- Wasp-Magnum
Sahayak- Wasp-Magnum
Kathinta- Madhyam

Trick ki shuru jumpar, jo sahayak ki oar dekh raha hai, ramp par chadte hue aage ke bal jhukta hai.

Is pal, isko ulte khade usse ek saath maarte hai. Unke saare shot Jumpar ke tank ke beech lagne chahiye, taki jumpar udaan seehdi ho.

 

 

Jab sahayakon ne apne shot maar diye hai, jyada impact force ke liye jumpar ko bhi sahayak ki oar shot maarna hai.

 

 

Isko sahi dhange se karein aur aap emaarat ke upar pahunch jaayeinge.

➣ 0:27-0:32 -- The Quintiple Barrels

Trick ka prakaar- Ek jumpar, kayi sahayak.
Varnan-

 

Jagah- Berlin
Jumpar- Wasp-Magnum
Sahayak- Wasp-Magnum
Difficulty- Atyant Kathin

Is trick ka setup kafi ajeeb hai. Ismein paanch Wasp-Magnum ek ke upar ek chahiye, jyada aur kam emaarat ke unchayi ke anusar. Neeche ki char Magnum ko upar ki aur nishaana karna hai aur sabse upar wali Magnum ko Emarat ke ulte jameen se parallel nishaane karna hai.

 

Fir, baari baari niche se shuru hote hue har Magnum shot lega jisse se bahut saari impact force ban jayegi. Iske dauraan dhanche halka sa hil bhi jayega, isliye aapko santulit rehne ke liye idhar-udhar hilna padega.

 

Jaise ki upar se dusra Magnum sabse upar waale ko maarega, sabse upar waale bhi shot le taaki use uske ulte disha mein mein impact force mile.

 

Ye sab Impact Forces se Sabse upar waale Magnum ko unchaayi tatha emaarat ki disha mein dhakke mile gaa.

 

Aakhir mein jumpar emaarat ki chhat par pahunch jaayega.

➣ 0:33-0:39 -- Flips for Phoenixes

Trick ka prakaar- Trio, ek jumpar aur do sahayak.
Varnan-

Jagah- Osa
Jumpar- Wasp-Magnum
Sahayak- Wasp-Magnum | Mammoth-Hammer
Difficulty- Madhyam

Osa ke nakshe mein, is trick meie ek flipped tank ko ek ramp ke taur par istamaal kiya gaya hai jo jumpar ko itna utha dega ki vo udke building par pahunch jaaye. Ek Wasp daudte hue mines par chadta hai, jo ek flipped Mammoth-Hammer, jo podium ke bilkul kone par flipped hai, ke paas hai.

 

Fir sahayak Wasp-Magnum ko Mammoth ko maarna hai. Uski imapct force Mammoh ko thoda sa upar utha degi, par itna ek lambi jump ke liye kaafi hoga. Iske saath, Wasp-Magnum ko bhi building ke vipreet shoot karna hoga, taki impact force use building ke oar dhakele.

 

Isko sahi dhang se kare aur Jumpar building par pahunch jaayega.

➣ 0:40-0:47 -- Raining Lead ★

Trick ka prakaar- Group- Ek jumpar aur kayi sahayak
Varnan-

Jagah- Rio
Jumpar- Wasp-Hammer
Sahayak- Wasp-Magnum | Wasp-Smoky
Difficulty- Atyant Kathin

Iss Setup mein kuch Wasp-Magnum ek aadhe flipped Wasp-Hammer ke paas ek golakar bana ke khade hote hai. Yeh Jumpar building ke itne najdeek hona chahiye ki trick kaam kar jaaye.Saavdhaani ke liye Ek Smoky-Wasp bhi building ke vipreet khada karein. Iske kaam Jumpar ko maarna hoga gar vo building se thoda door reh gaya. Lal building ki baat ho rahi hai.

Trick ki shuruaat saare jumpar ke paas khade Magnum upar shot maare. Sabko shot ek saath maarna hoga taaki ek samanya impact force taiyaar ho.

 

Power par nirbhar, saare shot neeche aayeinge. Tab tak saare sahayak jumpar se door chale jayeinge, taaki udaan ke raaste mein koi naa aaye.

 

 

Jab saare shot jameen par lagenge, tab impact force se jumpar ko upar bheja jaayega. Iske saath jumpar ko building ke vipreet bhi shoot karna hai taaki veh aur upar aur building ki disha min udd paye.

 

 

Smoky ko jumpar ko maarne ke avashyakta ho aur nahi bhi ho sakti hai. Iss bari mein uski avashyakta thi, kyunki jumpar building se thoda door reh gaya thaa.

 

Antim mein jumpar building ke upar pahunch jaayega.

 

 

➣ 0:48-0:59 -- The Head-Triple Combo

Trick ka prakaar- Two-Man Parkour
Varnan-

Jagah- Osa
Jumpar- Wasp-Magnum
Sahayak- Viking-Magnum
Kathinta- Mushkil

Sabse pehle, ek Wasp-Magnum ek Viking Mangum ke upar chadhegaa. Yeh setup wahan hona chahiye jahan ek ramp aur uske saamne ek building ho. Osa iske liye uchit hai. Trick shuru karne ke liye Wasp-Magnum 90 degrees ke angle par upar shoot karta hai.

 

 

Phir Viking ko Wasp ko ek handstand mein laana hai. Yeh ramp par upan niche jaakar kiya jaa sakta hai.

 

Iss samay Wasp ke maara hua shot niche aakr un dono ka maarega. Ise Wasp halka sa uth jaayega.

 

Jaise ki voh shot Wasp par lagega, Wasp aur Viking ek dusre ki taraf mareinge taaki jumpar building ki taraf chale jaaye.

 

 

Wasp udke building ke upar pahunch jaayega.

➣ 1:00-1:06 -- The Trio-Viking

Trick ka prakaar- Group - Ek jumpar, kayi sahayak.
Varnan-

Jagah- Deathtrack
Jumpar- Viking-Magnum
Sahayak- Wasp-Magnum
Kathinta- Mushkil

Iss trick mein e k Viking-Hammer jumpar ke taur par istamaal kiya jaata hai.

Teen Magnum-Wasp ramp ke upar building ke aage ek seedhi line mein rakhe jaate hain. Viking iss line ke oar puri raftaar par reverse karta hai.

 

Jab Viking Wasp ke upar pahunch jaata hai....

 

 

Ek ek baar har wasp Viking ko upar ko shoot karega. Isse uski unchaiye badh jaayegi. Viking magnum bhi building ke vipreet disha mein shoot karega taaki uska recoil Viking ko buildong ke aur dhakka mare.

 

 

Viking building ke upar pahunch jaata hai.

➣ 1:07-1:15 -- Lead 'n Hammers

Trick ka prakaar- Group- Ek jumpar or kayi sahayak
Varnan-

Jagah- Osa
Jumpar- Wasp-Hammer
Helpars- Wasp-Magnum
Kathinta- Mushkil

Chaar Wasp-Magnum ek aadhe flipped Wasp-Hammer ke ek oar khade hote hain. Vo sab ek saath 90 degree ke angle par shoot karte hain.

 

Ab vo uss sthaan se hat jaa te hain. Vo shots niche aakar Wasp-Hammer ko upar dhakelte hain. Jumpar bhi shoot karte hai taaki vo building ki taraf jaaye.

 

Vo udte hue building ke upar pahunch jaayega.

 

 

➣ 1:16-1:23 -- 1, 2, 3, 4! ★


Trick ka prakaar- Group - Ek jumpar, kayi sahayak
Varnan-

Jagah- Silence
Jumpar- Wasp-Magnum
Sahayak- Wasp-Magnum
Kathinta- Mushkil

Chaar Wasp-Magnums ko ek line mein building ki disha mein rakhein. Unke aage ek Wasp-Hammer rakhein. Yaad rakhein ki Wasp-Magnum Hammer ke niche honge.

 

Ye Magnum phir Hammer ke oar chalna shuru karenge, jo pehle Magnum ke upar kood jayega. Phir dusra Magnum shoot karega.

 

Aur phir teesre aur chauthe Magnum bhi Hammer ko shoot kar usse upar dhakelenge. Jab jumpar sabse jyada unchaiye par pahunch jayega, tab vo building se ulte disha mein shoot karega taaki recoil usse building ki oar bhej de.

 

Aur...

 

 

➣ 1:24-1:32 -- The Long-Range Parkour Strike

Trick ka prakaar- Group- Ek jumpar, kayi sahayak
Varnan-

Jagah- Chernobyl
Jumpar- Viking-Magnum
Helpar- Wasp-Magnum | Dictator-Magnum
Kathinta- Atyant Mushkil

Is trick mein, teen Wasp-Magnum aur ek Dictator-Magnum sahayak ke roop mein chahiye. Wasp Viking ko building ke aur dhakelenge aur Dictator usse unchaiye pradaan karega.

Teen Wasp-Magnum Chernobyl ke blue side par map ke dusre kone mein ek Dictator-Magnum par stith Viking Magnum par nishaana lagayenge. Vo teen ekathe shoot karte hain, Viking ke theek beech mein.

 

Shot Viking ke oar 14om/s ki raftaar se jayenge

 

Fir ye Viking for ek-ek karke maarenge. isse itne IMpact force taiyaar ho jayegi ki Viking Dictator ke upar udte hue jaayega. Is samay Viking bhi shoot karega.

 

Dictator ke upar Viking ek second ke liye aayga. Is samay Dictator ko Viking ko upar maarna hai taaki use unchaiye mile

 

Dictator viking ko maarega...

 

Aur Viking building ke upar pahunch jaayega.

➣ 1:34-1:43 -- A Little, Explosive Help

Trick ka prakaar- One Man Parkour
Varnan-

Jagah- Novel
Jumpar- Wasp-Magnum
Sahayak- NA
Kathinta- Madhyam

Ye trick kahi bhi ki jaa sakti hai, agar ek 'ramp-like' wall ho. Wasp-Magnum ke saath upar ke aur ek shot maarein.

 

Phir aagein aaye aur apna turret niche kar dein

 

Phir piche hote hue Wall par chad jayien. Ab tak projectile land ho jayegaa aur Wasp ko building ke taraf dhakel dega. Jab aap Wall tak pahunch jaayeinge....

 

...tab shoot karein aur impact force generate karein. Iss Wasp ko aur bhi dhakka milega.

 

Phir ye building par land ho jayega.

 

➣ 1:44-2:02 -- The Dicship Waspalon ★
Trick ka prakaar- Trio- Ek jumpar, do sahayak
Varnan-

Jagah- Skylark
Jumpar- Wasp-Magnum
Sahayak- Dictator-Magnum
Kathinta- Atyant Mushkil

Ye kaafi mushkil trick hai, aur halki si bhi galti puri trick ko bigaad deti hai. Dictator ki back side wall ke taraf hai. Yeh wala dictator trick ke shuruaat mein upur aim karta hai.Dusra Dictator is Dictator ki oar aim karta hai. In dono ke upar ek Wasp-Magnum rakha gaya hai. Donon Dictator ki front side ek dusre ke taraf honi chahiye.

Trick ko shuru karne ke liye dono Wall-Dictator aur Wasp-Magnum upar ki oar nishaana maarte hain, aur ye itni shakti se hone chahiye ki trick ke agle ansh ko karne ke liye samay ho.

 

Jab shot aasmaan mein he, tab jumpar dusre Dictator ke upar jaata hai. Iss ansh mein sabke Turret niche hone chahiye

 

Phir 'Wall Dictator' wall ke upar chad jaata hai aur doosra Dictator Wasp ke saath uski oar jaata hai.

 

Ab tak vo shot is setup par gir kar impact force pradaan karta hai. Iske saath, donon Dictator ek saath shot lete hain, jisse aur impact force peda hota hai.

 

Phir Magnum-Wasp shoot kar apne aap ko building ki taraf dhakel taa he.

 

Agar sab kuch dhang se hue, to jumpar building par land kar jaayega.

 

 

Ant men mein bas yeh kehena chahunga ki TFP aur F&F ne iss video ke liye bahut jyada mehenat kari aur iss baat ke liye taaliyan kam pad jaayengi. Har saal ve naye ajoobe taiyaar karte he aur hamara manoranjan karte hai.

Is cheez ko dekhte hue Cedric ne livestream mein yeh goshet kiya ki F&F ko bhi Phoenix paint praddan hoga, jo pehle sirf TFP ke paas tha. Is baat ke liye F&F ko dher saari badhiyan.

Yeh video EN community ke liye garv ki baat hai aur is ko ham hamesha yaad rakheinge. To phir kisi aur din milenge, Alvidaa!

Edited June 13, 2017 by Tofu

[Zenyth 6,494]

Magnum ke saath parkour sikhna chahte hain? Hume lagta hai ki iss lekh se aapki jaroor madad hogi!

[gabriele02 3,813]

Ok daddy ^_^

[AshsPikachuDwij 1,035]

Hamesha ki tarah accha.