Badi khabarein aa gayi, aur saath hi aapke sabhi savalo ke javab ka article bhi aa gaya. Update #469 mein aye updates ki jankari. Naya Feature "Overdrive" game mein aa gaya hain Sabse pehle iska testing tanker's day pe hua tha. Logo ko ye mechanism bohot accha laga aur ye phirse recently April fool's ke din pe vapis aaya tha. Is baar bhi sabhi ke acchey response ko dekhte houe tanki ne faisla kiya ki ye mechanism ko permanently game mein bharti kar diya jay. Aur ab ye mechanism tanki mein permanently lagu kar diya gaya hain. Ab kehlte dohran , Kills, Flag returning, flag capturing, healing karne se aapka overdrive meter badhega. Ek baar 100% pe pohochne pe aap left shift ke upiyog se is mechanism ko activate kar payenge. Activate karne pe aapko aur aapke aspan wale "team" members ko sabhi 5 supplies milenge - Repair kit, Double armor, Double Damage, Nitro, Ek mine drop karenge. Overdrive ke sath khush nahi? Pro battles banate samey aap is feature ko off kar sakte hain. By default pro battle banate samey overdrive ka option off hi rahega sirf parkour mein on hoga. Lakin ousey change karna aapki marzi hain. Repair kit ke mechanism mein badlav Low health pe repair kit ka upyog karte hi, 1000 Health badh jayegi aur saathi koi bhi burning/freeze effect ko hata degi phir ye 3 seconds ka overtime healing karegi. Is 3 seconds mein aapko 3000 health restore hogi. Baat ye hai ki is 3 seconds ke dohran agar aapki tank ne damage liya to ye healing process ruk jayegi. Ab repair kit se pura faida lena bohot mushkil ho gaya hain. Supplies ke activation aur cooldown mein badlav Repair kit aap jaisa jante hain, 3 seconds tak active hogi aur adhik jankari to aapne pehle hi janli. Double Armor, Double Damage, Speed Boost - Duration ko 45 seconds se 30 seconds kar diya gaya hain. Smart cooldown ka duration 50% tak ghata diya gaya hain. Matlab aap 3 supplies ka ek samey pe asani se istemal kar sakenge, lekin ye bohot jaldi deactivate bhi ho jayeenge. Deactivate hone ke baad jo cooldown hota hain, wo bhi ab lamba ho gaya hain. Mines ka damage waisa hi hain, lekin cooldown mein badlav aya hain. Ab cool down dusre supplies jaisa 30 seconds bad hoga. Mari hui tank ka disappearing time 3.5 seconds se 1.5 seconds kar diya gaya hain. Zyada nahi pata aisa kyu lakin lagta keh sakte hain ki ab ye aapko zyada disturb nahi karenge. Pehle kai baar apki tank dead tanks pe lag hone ke karan flip ho sakti thi. Aur ab aap ke system pe kam load padega aur shayad ye critical errors ko reduce karne mein bhi madad karta ho. Agar aapne is update mein khela hoga to aap jante honge ki marne ke baad apka camera jab aapke respawn position pe jata hain tab pehle se adhik time lagta hain. Ye bhi ek change hain, ab ye movement speed mein badlav kar diya gaya hain. Jaise hi aapki dead tank disappear hoti hain (jo ab 2 seconds jaldi hota hain). Aapka tank camera move hona shuru kar dega aur jaise hi aapke spawn position pe pohochte hain aapko bohot slight wait mein aapke tank mein vapis control mil jata hain. Supplies cool down hone ke baad aapko choti se awaz ayegi jo aapko batayigi ki aapki supply phirse activate hone ke liye ready hain. Aur iske saath hi aapko choti si animation bhi hogi. Ab dushmano ko deal kiya damage hi nahi balki apni tank ko heal hote houe bhi aap jan payenge. Batlte ke dohran agar aapki tanki zinda hain aur aap paint change karte hain to 5 seconds ka self-destruct time nahi hoga. Paint change karna zyada zaroori nahi hain. Paint change karne se aapko zyada faida nahi hota, sirf aapke tank ko alag roop deta hain. Isiliye sirf paint change karne ke baad jab agli baar aap respawn karenge tab hi aapko aapka badla hua paint milega. Battle mein jaldi equipment change karna hain? ab jaldi se garage ko access karne ke liye naya key bind upalabdh hain. Ab by default 'G' key ka upiyog karne se aap sidhey garage mein phoch jayenge. Agar aap 'G' key se santusht nahi hain to aap settings mein jake key binds change kar sakte hain. Aap overdrive ke liye bhi key binds change kar sakte hain. XP/BP battle formats mein badlav XP/BP kehlte samey kai baar hame kisi dushman tank ko marne ke liye 3 shots karne padte hain aur lucky ho to hum bhi 2 shots survive kar lete hain. Isiliye m2 equipments ke default protection mein badlac laya gaya hain. Ab m2 hornets mein 24% protection se 16% protection hogi. M2 wasps mein 12% se 8% protection hogi. Aur akhir mein DR mein bhi m2 dictators ko 21% se 15% ki protection milegi. To iss patch update me bas itna hi, agli baar fir milenge ek aur naye aur taaza patch update ke saath. Tab tak ke liye, alvida!

Hypeeed, and here they take away my supplies once again B) and im happy as i could be :wub:

First battle with 16/20 Striker :*

V-Log 138 mein bataye gaye Matchmaking system ke baare mein kaafi charcha chal rahi hai. Aaj dekhte hain uski vyavastha ke baare mein aur uske alawa patch update #467 ko bhi, vistaar se. Matchmaking system se shuruaat karte hain Pichle V-Log mein hamney matchmaking system ke bare mein badi khabar suni. Matchmaking system abhi ke home screen ko poori tarah se badal degi. Communicator panel ke baju mein sthit abhi ki battle list aur uske dahine or ke panel ko hata diya jayega. iski jagah Matchmaking system ke 6 buttons nazar aayenge. Wo hain - DMs, CP, TDM, CTF, Team Battles (teeno) ye panch matchmaking battles ke liye aur Battle List ke liye ek. Battle list ke sivay sabhi buttons aapko ek tarah ke matchmaking battle ki kataar mein rak denge. Ye kataar un tankers ke saath banegi jinhone aapke jaisa battle khelna chuna ho. Aise kataar mein jab tak aapko rakha jayega tab tak aapko ek vishesh tarah ki screen dikhegi. Server aapke hi rank ke doosre khiladi dhoondega jo chuni tarah ke game mode mein khelna chahenge. Agar iss dohran jyada players aapke rank ke na mile to ye rank ki range badha di jayegi. Ek baar battle ki shuruaat ke liye kaafi khiladi server chun leta hain tab battle ka nirman kar diya jayega. Kam se kam abhi ke liye ye battles abhi ke random (non-PRO) battles jaise hongi. DM battle ho to khiladiyon ke aagman ke saath hi shuru ho jayegi. Team battles mein matchmaking ki vyavastha teams ko ek-jaise members ki karne ki koshish karegi aur phir loading bar khatam hote hi khiladi battle mein aa jayenge. Battle mein aate hi pehle aapke screen pe "prepare for battle" likha hoga aur iske saath ek timer bhi hoga. Jab tak timer shunya pe nahi pahunchega tab tak kisi ka score nahi badh payega aur na hi aap flags capture kar payenge. Jaise hi timer shunya pe pahunchega, dono teams ke khiladi respawn karenge. Respawn karte hi battle shuru ho jayegi! Agar aapki team mein so koi khiladi battle chhod ke jata hain ya kisi kaaran disconnect ho jata hain to server apne aap hi uski jagah lene ke liye khiladi dhoondne lagegi. Isi ke saath, apne dosto ke saath team battles (DM nahi) khele ne ke liye aapke paas "Battle Group" banane ki suvidha hogi. Aap iss battle group mein apne mitron ko 'add' kar payenge aur phir koi bhi ek team battle mode mein aap ja payenge. Server aapke liye kataar mein khade houe khiladiyon mein se dushman dhoondh lega. Saath hi, kuch sambandhit badlaav Battle list ka button dabane par aapko apne abhi ke battle list jaise ek screen par bheja jayega. Iss battle list mein, parantu, sirf custom (yaani ki PRO) battles maujood honge. Inmein non-PRO battles ka samavesh nahi hoga, taaki koi sabotage, multing aur anya upradhi karnaamo ka upyog na kar sake. Battle list ke custom battles mein aapko abhi ki tarah sabhi tarah ke PRO battles uplabdh honge. Lekin, vahi PRO battles mein jo 'private' battles honge, unmein battle fund ab nahi hoga. Aapko private battles mein experience aur crystals nahi prapt honge. Iss badlaav ka kaaran kaafi pratyaksh hai - power-levelling karne waale logon ke karya private battles se aasaan ho jate hain aur ispar rok lana kaafi avashyak hai. Teesra bada badlaav hai ek purane feature ka punaraagman. Matchmaking ke update ke saath aap aapne banaye houe custom battles ka naam rakh payenge, phir se. Iss feature ko 2014 mein nikaala gaya tha kyonki kai baar log battles ke vichlit kar dene waale ya phir galat tarah ke naam rakhte the. Lekin ab iss feature ko wapis laya gaya hai. Matchmaking ka prabhav kaisa hoga? Abhi tak iss vyavastha ko khel mein lagu nahi kiya gaya hain to jyada kuch nahi keh sakte. Lekin jis tarah iska varnan kiya gaya hain, wo dekhte houe ye kaafi honhaar lagta hai. Acchi baat ye hogi ki aap hamesha poore 10v10 battles lagatar iski madad se khel payenge. Developers ke anusar matchmaking system un khiladiyon ke liye bahot upyogi hogi jo khel mein log on karte hi bina kisi vichar ke seedhe khel ke maidan mein utarna pasand karte hain. Baaki logon ke liye to custom battles hai hi. Ek mahina ho gaya aur abhi tak ek bhi patch update nahi? Oh ye rahi.. Chaliye Patch Update #467 ke baare mein bhi vistaar mein jante hain. Promo Codes J40Y-3BH1-3KC0-D3HA.. ye koi promo code nahi sirf ek jhalak hain unki. Format se antar ho sakta hain lekin promo codes aise hi random characters se bane honge, jinko aap Shop menu mein 'Others' vibhaag mein enter kar sakte hain. Inn codes se aap crystals, Premium Account ka samay, Gold Boxes, supply kits, aur jald hi Paints aur garage items paa sakenge. :o Inhe kaha se prapt kiya jaye? Abhi ke liye to itna hi keh sakte hain ki ye codes 'Promotional Events' ke dvaara milenge. Promotional events contests hi hain, community ne ya phir company aur company ke partners ne aayojit kiye houe. Ab vijetaon ko jeetne pe unka puraskaar directly nahi diya jayega. Unhe ye promo code diya jayega jiske dvaara wo apna reward le saktenge. Iska ye bhi matlab hain ki agar aap ya aapka dost koi promotional event jeeta hain to wo promo code aap apne dosto ko bhi de sakte hain, shayad? Lekin har ek promo code ko ek hi baar use kiya ja sakta hai. Aur thode chhote update.. ​Tanks ke parts invisible dikhte thein, ye bug ko fix kar diya gaya hain. Country change karne ka option ab shop menu se setting menu mein shift ho gya hain. Setting > Account mein. Matchmaking system bahot mazedaar lag rahi hai. Iske aane ke baad phirse hum jaroor likhenge. Tab tak, inn update par aapke vichaar kripya iss topic par dein, hum aapse charcha karne ke liye utsuk hain!

I was told to like this , No definitely not paid to...

Technical error, jinhe Tanki Online ke khiladiyon ki bhasha mein "Critical Error" se sambodhit kiya jata hai ye Tanki Online mein shayad sabse pareshan kar dene waale ghatakon mein se ek hain. Kabhi bhi, kisi samay par ye errors 'trigger' ho sakte hain. Chaliye aaj jante hain iska karan kya hain aur inse bacha kaise ja sakta hain. Critical Errors ka Kaaran V-Log 126 mein Boris Burangulov (Tanki Analyst) ne is scritical error ka kaaran bataya tha. Kaaran ye hain ki Tanki mein bahot saare updates hain. Agar aapko Tanki ka kaafi itihaas pata ho to aap jante honge ki shuruaat mein ye khel sirf iske manch ki shakti ka udaharan dene ke liye banaya gaya tha. Phir khiladiyon ki iss khel mein badhti dilchaspi aur hamesha badhti lokpriyta ko dekh ke developers ne iss khel ko jar rakhne ki soch ki. Shuruaat mein Tanki bahot buniyadi tha aur abhi ki tarah tarah ki visheshtayein nahi thi. Lekin ab Tanki Online ath (8) saal ki puraana khel ho gaya hai. Iss kaafi bade samay ke dohran bahot saare updates vastav mein aa chuke hain. Lekin abhi bhi Tanki Online vahi purane waale manch pe hi chal raha hain. Kabhi kabhi ye manch itne saare updates ek saath nahi sambhal pata aur iss dabaav ki vajah se 'crash' hota rehta hain. Jaise ki chhoti se kaksha mein agar aap jyada vidyarthiyon ko bharti karna chahoge to aapko jyada vidyarthyon ke dvaara paida houe pareshaniya jhelni padegi. Kuch aise hi sthitiyan jab Critical Error ka unchaha aagman hota hai/tha. Vulcan iss turret ke mechanics bahot hi uljhe houe hain. Server ko har ek goli 'register' karni padti hai, agar kisi tank ko lage to uska damage, aur damage ke saath jo impact force hain uska bhi anuman lagana padta hai. Iske saath burn damage aur recoil bhi iss prakriya ko bahot uljha deta hai. Kehne ka matlab yeh hain ki Vulcan ke mechanics kisi duje update ke saath ek saath santulit reh kar har baar samkalin nahi reh pate hain. Isiliye server asantulit hota hai aur browser ko iski vajah se gadbada kar critical error dikhana padta hai. Ismein pareshani ye thi ki aapko critical error ka nishana banne ke liye sirf battle mein hona kafi hain, app uss Vulcan ko dekho ya na dekho isse koi farak nahi padta. Lekin ye jante houe ki iss kaaran se critical error ka aagman hota hai, Tanki developers ne iske saath nipat liya hai. Jaise hamne kaha tha, do updates ek saath nahi reh pate aur client mein error ka saamna ho jata hain. Ek aur udaharan sambandhit hai equipment badalne aur "Mouse Controls" se. To, koi khiladi khelne ke dohran keyboard ka upyog kar raha hain, phir garage mein jane ke liye mouse ka upyog karta hain, equipment badalne ke baad, battle mein laut-te samay wo game window mein click karta hain mouse controls ka upyog karne ke liye aur saath hi saath mar bhi jata hain (ha, mujhe pata hain ye samajhne mein mushkil tha -_-) to client mein critical error aa jata hain. Samajh lo, aise critical error hote samay, Flash aur Tanki server iss prakar ki baatcheet hoti hai. Ek khiladi ne ek mine rakhi , aur ab wo garage mein jata hain equipment badalne ke liye. Agar koi khiladi mine ke pass mein ata hain aur mine use dikhne lagti hain to phir se vahi daraavne critical error ka aagman hota hai. Flash server se poonchta hain: Kya yahan par mine hai? Server jawab dete houe: Jee haan.. nahi jara ruko.. na, nahi hain. Flash: Kya wo player jisne mine rakhi thi wo abhi bhi yuddhbhoomi mein zinda hain? Server: Umm.... nahi to. Flash: Kya wo abhi bhi battle mein hain? Server: Poori tarah se nahi.. Aur iss dohran jo khiladi mine ke paas aaya tha... *An Error Occured* Sujhaav ke kadam Tanki developers dvaara. Critical error ko 'disable' karna kaafi nahi tha. Ab bhi jyadatar log ko naye tarah ke notification de kar aane waale error se saamna karna padta hain. Lekin acchi baat ye hain ki aap ke pass battle ke andar phirse aane ka mauka hota hain, jispar click karne par aapka browser refresh hoga aur aap jaha khel rahe thein waha wapis sahi salamat pahunch jayenge. Ye feature sirf browser par khelne waale khiladiyon ke liye hain, client players ko manually client ko band karke phirse se shuru karna padta hain. Drop zones pichle ek patch update ke baad door se bhi dikhte hain. Drop zones ke update ke paschat agar aap kisi supply ke drop zone ke nazdik pahunchtey the tabhi aapko uska chinh dikhta tha. Iske kaaran logo ke paas mein achanak se 'Gold Box' ke drop zone aane ke karan kabhi critical error trigger hoti thi. Lekin jaise ab hume ye sab door se dikhne lage hain to ye gayab nahi hote (gold box ke alawa) aur isi vajah se drop zones ke kaaran critical error trigger hone ki sambhavna safalta se kam ki gayi hain. Ab ye error hum sab aise to jhelte nahi reh sakte, iska koi ilaj karna padega. Agar aap Tanki V-Logs ka chayan karte rahe hain to aap ye jante honge ki Tanki Online HTML5 ka manch apnane waala hain. HTML5 par jane ka kaaran ye hain ki abhi saare browsers Adobe Flash se door ja rahe hain aur HTML5 ke adhunik zamane ke codes se chalega to Tanki Online apne saare updates ka vazan jhel payega aur critical errors bhi hamesha ke liye nikal jayenge, jisse khelte waqt shaanti milegi. Agar HTML5 se critical error hat jayenge to phir kis baat ka intezaar? Jaisa aap jante hain Tanki mein kai saare updates hain. To inn sabko naye manch par bina kisi fer-badal ya pareshani ke le jane mein thoda to samay lagega. Aur ye bhi pakka nahi hain ki critical errors hat jayenge ya sirf unki teevrata kam hogi. Ye sab tay karne ke baad sahi tarah se HTML5 par tanki ko liya jayega. Ishi karan abhi saare bade updates ko kuch waqt ke liye ruka kar rakha hain, jaise ki Tanki Online ka mobile version. Ye saare bade updates Tanki Online ke HTML5 ke parivartan ke baad honge. Aur kya fayda hoga HTML5 ka? HTML5, jaise aap jaante hain ki ek adhunik manch hain, jo Tanki ke liye naye updates lane mein aasani kar sakta hain aur naye tarah ke updates ke baare mein sochne ke liye anumati dega. Mobiles mein Adobe Flash player na hone ke kaaran Tanki ko release hone mein der lag gayi thi. Matchmaking, aap jante honge ki Tanki mein battle button ka upyog karke aap kisi bhi non-pro battle mein randomly ja sakte hain. Iss vishay par sudhar karna jaroori hain kyunki iske kaaran mobile version pe battles dhoondna aasan hoga, aur yahi developers ko chahiye. Aisa hona chahiye ki aap ek hi click/tap mein aapke liye sahi battle mein pahunch jaye. Jyada manpasand updates, hum sabhi ki Tanki Online ki taraf khwaishe hain jo hum sab dekhna chahte hain kabhi na kabhi. Kya pata kis kaaran se humne Ideas & Suggestions mein development se sambandhit vichar asweekar kar diya gaya tha. Kaaran ye bhi ho sakta tha ki Tanki aise stithi mein nahi tha jo ki aapne soche houe updates le paye. Pehle se hi updates jo maujood hain un mein hi khel shuru rehna mushkil hota tha aur acche vicharon ko iske kaaran asweekar karna padta hain. HTML5 ke karan ye sab pareshaniyan gul ho ja sakti hain. HTML5 mein kaam karna aasan aur jyada tezi se hoga to hame naye updates milte rahenge. Aapka kya maanna hai? Aapki pratikriya jaroor dena.

Hi, I dont post here often.. But when I do..

Pichle patch update mein hamne naye terhe ke bonus aur discount cards dekhe thein. Aaj wo sab game mein release kar diye gaye hain. Chaliye in sabke bare mein vistaar mein padthe hain. Saath hi, pichle Friday ke V-Log ke dvaara batayi gayi Matchmaking system ke baare mein kuch baatein bhi. Naye cards ko hum do groups mein vibhajit karte hain. Pehla - Discount Cards Discount Cards aapko apke Shop purchase mein discount denge. Ye cards aapko aapke Paint/Product Kit/Gold Boxes/Premium Account/Crystals ke offers pe discount de sakte hain. Kitna discount? Wo to har baar alag hoga, aape bhagya pe nirbhar hain; ismein kitna vistaar paya jayega ispar kuch jaankari nahi hain. Agar aapke paas inme se koi card ho, aur Shop mein us item ke liye pehle se sale chal rahi ho, to jiska (card ka ya sale ka) discount jyada hai, wo ginaa jayega. Doosra - Bonus Cards Bonus cards aapko Crystal/Gold Box/Premium Account khareedne pe Bonus denge. Yani agar aap 10000 Crystals khareed te hain to aapko ousme bonus milega, Aur phir aapko ultimately 11000-12500-15000. Ye bonus aapke bonus card pe nirbhar karta hain. Bonus card product kit aur paints ke liye nahi hain, Kyuki product kit aur paints mein aap kuch choti cheez bonus mein nahi de sakte. Bonus cards game ke shop sale ke saath combine ho sakti hain. Matlab agar shop mein crystals pe 50% off hain aur aapke pass 25% bonus card hain. To aap dono vastuo ka labh utha sakte hain. V-Log #134 se Samachaar Pichle kuch V-Logs mein hamne dekha ki Tanki ne mobile version ke baare mein jyada jaankari di hain. Isilye players Tanki ke aane waale mobile version ke bare mein jaan na chahte hain. Lekin ye release ho ussey pehle aapko thodi cheezon ka dhyan rakhna hoga. Tanki abhi Adobe Flash player ke base pe chalti hain. Jyadatar browsers ab pre-installed Adobe flash player nahi dete. Ab sare browsers HTML5 ki taraf badh rahein hain. Isiliye Tanki ko pehle Flash se HTML5 pe shift karna hoga. HTML5 ke aadhar ki taraf badhne ke baad Tanki ko mobile version ke liye HUD/Screen Joysticks ka placement dekhna hoga. Jo ki V-Log ke anusar lagbhag ho chuka hai lakin ye aate kal mein badal sakta hain. Aisa hone ke baad hi mobile version hamare saamne aa payega. Iske alawa, Matchmaking system bhi iske liye jaroori hogi, aur iski taraf bhi developers acchi gati se aage badh rahe hain. Matchmaking system ke antargat aap aapke manpasand tarah ke battles tezi se dhoondh payenge aur apne rank ke liye sahi ho aise battles mein tezi se jud payenge. Livestream mein aisa bhi bola gaya tha ki iss vyavastha se customized battles khelna bhi sambhav hoga. Lekin, aise matchmaking ke liye, samaan maps ki avashyakta hai. Isiliye kai maps ko badla diya jayega taaki wo 10v10 battles ki kshamata rakhein. 10v10 battles ke alawa, matchmaking system mein aisa maps chune jayenge jidhar kisi bhi prakar ka tank accha pradarshan kar sake. Jaise ki Highland or SIlence. Maps jaise Silence aur Highland mein hone waale badlaav aap dekh sakte hain. Inmein kuch nayi jagahe banayi jayengi aur naye spawns bhi inhi ke saath dale jayenge. Dhyaan mein rahe ki ye maps abhi sirf matchmaking system ke dvaara aap khel sakenge, isliye ye ek prakar se pehle se maujood maps ke doosre avatar honge. Inn maps ke abhi waale avatar bhi uplabdh honge, lekin battle list mein. Silence map mein blue team ke baju mein thodi vistrit jagahe dikh rahi hain jo sniper aur flag rakshak ki madad kar sakti hain. Madhya mein thoda hissa badha diya hain taaki dono team ek dusre ko apne spawn se karib na samjhe. Red base mein thoda upri bhaag naza aa raha hain. Ye lagta hain blue base jitna bada nahi hoga lekin ab ye blue team ko jyada unchayi ka fayda nahi lene dega. Pehle jo bridge idhar hota tha wo hataya jayega. Highland mein bhi dono team ke base ke baju ke kono mein thoda bahot samaan badlaav hai. Ye map jyada khela jata aur iss badlaav ke baad shayad mazedaar naye khelne ke tareeke nazar aayenge. Inn naye jagahon ke karan ab dono team ke paas usi baju par unche ilaake ka fayda rahega. Aapko ye badlaav kaise lage? Aapke Shop cards aur Matchmaking ke liye banaye badle houe maps par vichar niche likhna. Aur hamesha ki tarah, apne dushmano ko harate rahiye!

Su-swaagatam, aap sabhi ka swaagat hain hamare iss lekhan se sambandhit pratiyogita mein. Ye pratiyogita khaas hain kyunki ismein aap apne priy combo ke baare mein likhenge aur yuddhbhoomi par uske khoobi, mazbooti aur faydon ka varnan karenge. Hamare sabke priy combo hain, adhiktar logon ke liye XP/BP aur baaki logon ke liye anya har roz ke saadharan (bina format ke) battles mein se combo. Iss pratiyogita mein aapko bataana hain ki kyun aapka combo sabse badiya hain, sabhi vastivik muddo ki charcha kar ke. Ek udaharan niche likha hua hain. Niyam Issi format se aap iss topic pa apne hisaab se apne manpasand combo ke baare mein likhiye. Aapko sirf kisi ek combo ki visheshtaon ka varnan karna hai. Agar aapne ek se jyada combo par likha toh aapka antim lekh hi sweekar kiya jayega. Kripaya acchi, shuddh Hindi ka istemaal karein aur acchi formatting bhi chunein. Images ka upyog bhi aap kar sakte hain, agar aapko lagta hai ki unse aap ka lekh poorna lagega. Aap ka varnan kam se kam 250 shabdon ka hona chahiye. Usse kam hua toh aapka lekh nahi sweekara jayega.K Kisi bhi anya vyakti ya phir khiladi ke lekh/lekhon ki nakal karna sakt mana hai. Aap Devanagari ya phir Latin script, kisi bhi tarah se likh sakte hain. Kripaya aapka lekh spoiler ke andar rakh kar isi topic mein post kijiye. Puraskaar: Pehla sthaan - 30,000 Doosra sthaan - 20,000 Teesra sthaan - 15,000 aur kuch anya lekhon ke liye 10,000 , agar jaroorat hui to. Aapke paas kaafi jyada samay hain. Aap apne combo se sambandhit, diye gaye niyamon aur format ke anusar lekh hume 28th July tak bhej sakte hain. Ummeed hai kuch acche lekh padhne ki. Aap sabko shubhkamnayein!

Maaf kijeyega ki hum pichli baar aapko kisi turret ka sahi upyog nahi bata paye. Lekin iss baar humne lagbhag naye turret Magnum ke sahi upyog ke bare mein lekh likha hain. Padhiye aur Magnum ke saath apne aap maahir ho jayiye. Magnum mein 100% tak ki power aur 90 degree tak ke angles hain. Kul mila ke 9000 combinations. Lekin in sab mein se ham kaise wo combination dekhe jo hamare target ko hit karein. Aise hi bhagya par bharosa rakhne ke bajey, hum apne aap practice karke jante hain ki kab kitni power lagai jaye. Practice ka Mahatva Shuruat ke liye aap kisi bade map mein jaha pe seedhi, badi jameen ho, aisa map banay aur private rakhein. Ab ap thodi-thodi doori par mines rakhein taaki aap in mines ko apne dushmano ke kalpanik tanks bana sake. Mines rakhne ke baad ap apne aap ko in saari mines ke door ek jagah par khada kar lijye. Ab Magnum se in saare mines ko hit karne ki practice kijiye. Lekin har baar to aapke dushman straight sight mien nahi honge. Kabhi to wo kisi building ke pichey chhupey honge. To aise sthitiyon ke liye aap in saari mines ko alag-alag angles aur alag-alag power % se hit karne ka prayas karein. Mera sujhaav hai ki aap sabhi mines ko 45% ke angle aur alag-alag power ke saath bhi maarne ki practice kijiye. 45% angle khaas hai kyonki isse aapko ek sthapit power ke saath sabhi angles mein se sabse jyada lambayi waala shot hone ki kshamata hai. Jab aap aise samajhne lage ki aap mines ko aasani se shoot kar pa rahe hain to ab agle star pe jaye. Dusseldorf map mein jaye aur waha pe mines rakhein. Iss map mein aapko mines nahi dikhengi. Lekin aapko issey pata chalega ki samney buildings ho to bhi aap apne enemies ko kaise shoot karein. Dusseldorf mein hi aapki kathin pariksha hogi. Yahan aapne ne safalta paa li to aapne Magnum ko kai had tak master kar liya hain. Battles mein Bhoomika Ab aati hai baat asli battle ki. Magnum ki asli battles mein kaisi bhoomika honi chahiye? Ya to apne base ki raksha mein sahayyak ki, ya phir camper/midfielder ki. Magnum hamlavar ki bhoomika bilkul nahi nibha sakta, aur ek had tak mukhya rakshak ki bhi nahi, iske self-damage ki vajah se. Isliye, ye baaki ke midfielder ke kaam aur flag ya point ki raksha ke kaam safai se kar leta hai. Midfielder ki bhoomika mein ye maps ke bajuon se halla macha sakta hai iske ati uttam range aur damage ke kaaran. Midfielder hote hue bhi isse suraksheet jagahon ki bahot badi avashyakta hai kyonki isse apne shots lagane mein deri hoti hai aur dushman ke war par lagatar pratiuttar dena iske kaafi bade reload ke samay se asambhav ho jaata hai. Doosri taraf, raksha mein sahayta karne waali bhoomika isse thodi aasaan saabit hoti hai. Ye apne base ke peeche kisi imaarat ke peeche baith kar apne base hi nahi balki dushmano ke ilaakon tak shots pheink sakta hai aur isiliye raksha mein sahayta karte karte beech mein se hamle mein bhi door se sahayta kar leta hai. Jis map mein khel rahe ho, uske anusar apni jagah banake door se, suraksheet reh kar tabahi machana Magnum ka asli roop mein upyog hai. Uske upar agar aap bina mode ka spectator yaani "Camera Controls" ka upyog karo to aur bhi acche. Asli battles mein kabhi aisa hota hain ki aap apne dushman ko shoot karne ke liye taiyaar hain aur phir wo aapke nazdik aa jata hain. Magnum ka power to badhte hi rehta to agar dushman pass a jaye to kya karein. Agar aapka enemy aapke pass ajaye to aap anpe power ko 100% karde. Phir aapka magnum ab seedhe saadhe turret jaisa ban jayega, bas difference hain ki is smoky ka shoot zameen se attract hota hain. To aapko apne angle ko thoda upar karna hoga. 'Thoda' yani kitna ? Ab mein to aapko bata nahi sakta ki aisi stithi mein kitna Angle liya jaye? Ab iske liye aapko phir se stadium wali trick pe jana hoga. Is baar mines ko hit karte samey aap apne power ko 100% rakhein aur angles se shoot karein. Chaliye ab Magnum ko har ek hull ke saath jod ke inn sabki khasiyat dekhte hain. Wasp Wasp ke saath Magnum ko istemaal karne mein maza bhi aayega aur aasaan bhi rahega. Wasp ki turning ki raftaar ke karan aap aasaani se apne dushman ki taraf apni tank ko mod payenge. Wasp ki gati se aap unse door reh sakte hain jo jante hain ki Magnum ke damage se aap bhi damage lete hain to Wasp leke aap un sabse door bhag sakte hain. Wasp ki health kaafi kam hai, parantu. Hornet Hornet thoda sa Wasp jaisa hi kaam karega lekin fayda ye hain ki aapko shot lagne par aapke Magnum ke shot bigadne ki sambhavna kam hain. Hornet ke vazan ko shukriya. Hornet gati aur furti mein Wasp se maar kha jata hain! Hunter Hunter Magnum ke istemaal ke liye kaafi accha hain. Acchi baat ye hi hain ki aap har tarah ki bhoomika nibhayenge aur har tarah ke shots laga payenge. Buri baat to asal mein kuch nahi hai par shayad ye Magnum ke liye niche ke do hulls se accha nahi hai. Viking Sabse sthir hull Magnum ke saath bahot upyogi hai aur prasiddh bhi hai. Viking (aur M3 pe, Dictator aur Hunter ki bhi) ki acchi health se agar koi aapke paas bhi aa jaye to aap bachne ki apeksha rakh sakte hain. Lekin Viking mudne mein sabse accha nahi saabit hota. Acchi baat ye hai ki Viking height mein chota hain to aapke barrel ke dikhne ki sambhavnayein kam hain aur Shaft ke haathon marne ki bhi. Dictator Pichla hull height se chota tha ab dictator, sabse vishaal!, Isi karan shaft aapko aasani se maar sakte hain. Aur dictator ke sirf ke hi faida hain. Aap 0 degree angles shot zyada shanti se maar sakte hain. Kyuki height ke wagah se wo pehle hi upar hoga to aapse dur jake girega aur aap self damage nahi lenge. Lakin iske sivay aapko iske height ka aur koi advantage nahi hain. Kyuki magnum ko aap apne hisab se hi upar/nichey control kar sakte hain. Titan Titan bhi Magnum ke saath ek santulit combination banata hain. Turret ke madhya mein hone ke karan aapko shayad khelne mein thodi takleef ho kyunki dekha jaye toh Magnum jaisa turret asal mein tank ke pichey ke hissey mein rakha houa hona chahiye (taaki walls ke peeche bhi barrel kam dikhe). Waise aap camp karte samey koi dikkat nahi payenge lekin nazdiki maamlo mein mushkil hogi. Mammoth Mammoth ka turret hull ke agey ke hissey mein hain to isko istmaal karte aur bhi mushkili (aur aap ulta hull leke bhi ghoom nahi sakte kyonki Magnum ghoom nahi sakta). Jaise Titan tha waise hi Mammoth bhi rakshak sniper ke liye sahi chunav hain par shayad aap turning karte samay nazdiki maamlo mein jyada accha na kar paye. Heavy hulls ke saath pratiuttar dene mein jyada samay lagta hai, dheemi turning ki vajah se. Lekin close range mein self damage lene se koi problem nahi. Shukriya Mammoth ki mammoth jaisi health ko. Aur kai tricks jinka fayda aap utha sakte hain. Suicide Hamla Turret ko 0 degree pe leke 100% power se dushman ke paas jake shoot karein. Aur apne aapko dushman ke saath marde! Ati upyogi gold box lete samay. Mine jaisa Magnum Agar aap kisi terha se magnum ke upyog karte samey flag le lete hain aur aapko aapke pichey aatey dushman ko maarna hain to aap apne turret ko 90 degree kariye aur phir aapke aur dushman ke distance ko dekhe power laga ki shoot kijeye. Shoot karne ke baad age badthe rahiye. Projectile nichey aake aapke pichey ate dushman ko mar degi. Ek tarah se mine ka kaam karegi! Badhayi ho, ab aap Tanki ke ek aur khilone se khelna sikh chukey hain. Ab jaiye aur apne dushmano ke upar shots pheinkiye! Hume jaroor batana ki agle Ank mein hum kaunse turret ka inn lekon mein samavesh karein.

-1191

Nickname: Favorite Player(s): Cristanio Ronaldo, Roberto Lewandoski, Marco Reus, Alvaro Morata Favorite Club(s): Real Madrid, Bayern Munich Favorite Country(ies): Portugal, Germany, Spain

Pichle dino mein aye houe updates aur V-Log ke Episode #133 mein kiye gaye announcement par hum aaj ek saaransh aapke saamne pesh karna chahte hain. Chaliye dekhte hain pichle ek-adh hafte mein kya kya badlaav houe. Tanki Shop mein naye Paints Kya aap "Mint", "Lime", Amber" jaise Shop mein uplabdh paints ke upyog se thak chuke hain? Kya aap apne paint cans mein ek naya, anokha paint dekhna chahte hain? To Tanki ne aapki prarthna sun li hain. Iss update mein Shop mein 9 naye paints aye hain. Ye sasre paints ke upyog se aapke tank ki pratishtha badhegi aur aap doosre tankers se alag nazar ayenge. Chaliye in sare paints pe nazar dalte hain. Name: Strawberry Price: 7.99 € (577.21 INR) Vichar: Khelte khelte bhookh lage to khane ke kaam aye, health restore nahi hoti. Name: Barber Shop Price: 7.99 € (577.21 INR) Vichar: Apne dosto ke balo ko iss paint aur apne Firebird se naya roop dein. Name: Scandinavia Price: 7.99 € (577.21 INR) Vichar: Iss paint ka istemaal karke apne dushmano ko prabhavit karke unse apna kaam karale. Name: Lunar Soil Price: 13.99 € (1010.66 INR) Vichar: Batadijyega ki aapne Moon Silence ke farji avatar se ye mitti utha ke apne tank pe lagai hain. Name: Rust Price: 13.99 € (1010.66 INR) Vichar: Ye un jaabaaz ke liye jo aaj ki sadi mein bhi rust-proof paint nahi use karte. Name: Steak Price: 13.99 € (1010.66 INR) Vichar: Saare tankers ko apne pass khechne wala. Firebird se maro to thoda pak bhi jayega. Phir Freeze karne se preserve bhi hoga! Name: Pajamas Price: 29.99 € (2166.53 INR) Vichar: Apne tank mein hi sona hain? To tank ko bhi sula do! Name: Vanadium Price: 29.99 € (2166.53 INR) Vichar: Chalo karien hum disco dance! Name: Glitch Price: Price: 29.99 € (2166.53 INR) Vichar: *Error 404* Paint Description Not Found Servers ka Ekikaran Aap sab jante honge ki server list mein EN, RU, PL, DE se servers ko ilaake ke hisab se servers ko vibhajit kiya houa tha. Iska kaaran tha ki jyadatar log apni bhasha ke logon ke saath rahe taaki ek-duje se baat kar sakein aur ping (lag) ke problems na ho. Lekin phir bhi jyadatar log RU1/RU2 servers par khela karte thein. Kyunki in servers pe jyadatar battles chalti thein. Agar server vibhajit ho aur uske baad bhi log doosre server pe jaye to servers ke vibhajan ka matlab nahi. Isiliye Tanki ne sare servers ko merge karne ka faisla liya hain. Iske karan koi ab koi bhi server kisi ek bhasha ya ilaake ke logon ke liye nahi raha aur ab aap apne rank ke liye jyada battles dhoond payenge. Lekin phir bhi aapke language ke hisaab se hi lobby chat aur User Interface (UI) ki bhasha set hogi. Ab servers ke naam ek jaise ho gaye hain, EU1 se lekar EU24 tak. Aisa lagta hai ki ab khelne ke liye battles dhoondhna aasaan hoga, aur kai servers mein khiladi phaile hone ke badle ek jaise servers mein ikattha honge. Lekin isi ke saath battle ke andar ek duje ke saath baatein karna kathin hoga kyonki Russian, German, Polish aur baaki bhashayein bolnewaale log bhi EN ke khiladiyon ke saath hi khelenge (haalaki ye pehle bhi kuch RU servers par hota tha). Naye Bonus Cards Jabse Double Crystal Card (DCC) ka anuvad houa hain tabse iske jaise koi aur card nahi aye hain. 2015 New Year mein hamne Triple! crystal card dekha tha lekin wo sirf ek din ke liye tha. Parantu ab Tanki mein 8 naye bonus cards ka aagman ho gaya hain. In bonus cards ki vajah se aapne Shop mein khareede houe samagri mein crystals/premium account ka samay/gold box supplies jyada milenge. Ya phir kuch bonus cards aise hain jo aapko paints/product kits/crystals/premium account/gold box supplies ke liye personal discount denge. Kripya janiye - Agar kisi kaaran se Tanki ke Shop mein pe pehle se discount hain aur aapke paas us vastu ke liye discount card hain to phir aapke liye jo discount adhik hoga wohi mana jayega. Dono discount kisi bhi tareeke se jode nahi jayenge. Agar kisi kaaran se Tanki ke Shop mein usi tarah discounts hain aur aapke paas agar bonus card hain to aap dono ka labh le sakte hain. Yaani crystals pe 50% ki chhoot ke saath aap extra 25% crystals pa sakte hain. Aapke sahiyog ka dhanyavad. Asha hain ki aapko iss lekh ko padh kar kuch jaankari mili. Hum laut aayenge agle patch update ke baad, tab tak ke liye khelte rehna!

You forgot swift

1. You've got the wrong place, you should post your ideas in Ideas and Suggestions 2. The idea of implementing of counting of Flips would take a while and is unnecessary. 3. Battle and Parkour ? Half would wanna go parkour and rest would wanna go battle. In that case people should either go parkour or Battle. 4. Kills streaks giving awards is good. But it will ultimately lead to everyone using Mammoth/Titans, And as far Parkour mode goes. You can use First aid repeatedly so it's more like you're immortal. So you won't die (continue the streak), but won't kill either.

Tho if you really wish to.. you can buy kits from the shop.

it can be omp u nug

thank the goddess of space

Sums up how your m2 wasp is still alive :P

English don't suits you... Change it..!!

Achievement Unlocked B)

Aakhir poore 2 mahino baad hamare pass Striker se Dhamaakedar Khel ke parinam aa gaye hain. Chaliye jante hain hamare vijetao ke naam. Iss pratiyogita mein humne jyada entries nahi dekhi, ye shayad isliye tha kyunki video banana sabke liye aasan nahi. Lekin jinhone iss chunauti ko poora kiya unhe inam dena jaroori hain. Vijeta hain.. Pehla Sthaan: 30,000 crystals - @I3eg-For-Mercy Doosra Sthaan: 25,000 crystals - @saurabhmann Teesra Sthan: 20,000 crytals - @I3.R.0 Badhaai inn sabko, saath hi @KILL_BILL_CHAUHAN jinki entry top 3 mein na aa saki lekin inaam ke layak thi. Inhe milte hain 5,000 crystals. Badhaai ho jo jeete ho unki aur wo jo na jeete, kripaya dukhi na ho. Pratiyogita sirf aapko chunauti dene ke liye hoti hain. Iss baar ki chunauti thi ek aisa video banana jo Striker do darshaye Striker ki visheshtayein aur unki madad se milne waala anubhav. Dhanyavaad iss chunauti ko apnane ke liye. Vijetaon ko unke inaam Monday ko bheje jayenge!

Hornet m3 kaam to ek hi terha se karega aab chahey wo crystals se liya ho ya real money se. Pehle/Bad mein milne ki baat nahi, baad mein mile phir bhi skills hi player ko asli chehrah hain. M4s ? agar aisa ho to Non-Micro Upgrade battles khelo.

Aur aaj phir hum ek aur patch update ko dekh rahe hain Tanki Developers ke taraf se. Iss baar bhi pichle update ki tarah micro-upgrades ke saath bade badlaav aaye hain. Chaliye sari baatein vistaar mein jante hain... Micro upgrades Jaisa humne pichle updates mein dekha tha. Micro upgrades ko M1 aur M0 ke liye 50 se 10 kar diya gaya tha. Iss update mein bhi kuch waisa hi hua hai. Ab M2 ke liye bhi wahi niyam lagu hota hain. M3s ke liye ye thoda sa alag hain. M3s ke liye micro upgrades 50 se 20 kar diye gaye hain. Yani ab pichle update ke M3 Micro upgrades ab ke 2.5 Micro upgrades ke barabar hain. Matlab Agar aapke paas M4 thein, Yani 50/50 M3, to ab wo 20/20 ho jayege. Agar aapke pass 10 Micro upgrade thein to ab wo ab ke 4 MUs ke barabar honge. Daily Missions Ab koi bhi mission aap karenge to wo tabhi count honge agar aap Non-PRO battles mein poorn karenge. Ye jaroori tha kyunki jyadatar players chhote missions ko PRO Battles mein jake jaldi aur badi hi aasani se khatam kar dete the. Jaise 'Finish First in _ Battles' mein, players sirf 1 player per team ki size ki battle banake join karte thein. Ab to bilkul samanya baat hai ki wo hi 1st ayega. Aur to aur ye aur kam samay mein karne ke liye inko 1 flag ke bana dete the. Jisse ye battles aur bhi jaldi khatam ho jati thi. Wahi collect boxes ke liye bhi karte the. Yani Daily Missions karna kuch jyada hi aasan ho gaya tha. Haalaki iss update ki vajah se un khiladiyon ko kathinayi hogi jo PRO battles, jaise ki XP/BP format battles mein hi din-raat khel kar apne missions, khaas kar ke supermissions poore karte the. Lekin, ab inhi missions ko acchi tarah karne ke saath rewards bhi 10% jyada ho gaye hain. Ab rewards mein apko 10% extra crystals aur supplies milenge. Lekin ye sirf Supplies aur Crystals pe lagu hota hain. Premium samay ke missions pe ye lagu nahi hoga. Auto Finish System Tagde khiladi jante honge iss feature ke bare mein. Ye feature tab shuru ho jata hai jab team battles mein red or blue teams samaan na ho aur kisi ek team mein bahot hi kam khiladi ho. Agar aapne iss feature ko kabhi nahi dekha to iska karaan hain PRO battles. PRO battles mein ye feature ko disable kiya ja sakta hain. Iss update ke baad battles jinme auto-completion ki jaroorat hain, unmein auto-completion 3 guna jaldi shuru hoga. Yaani har ek round ke baad ek time limit hoti hain. Iss time limit ke dohran auto-completion nahi shuru ho sakta. Ye samay pehle 3 Minutes ka tha, jo ab 60 Seconds kar diya gaya hain. Jo time limit hoti hain jisme mein battles khatam ho jati hain, wo pehle 30 Seconds thi ab wo 15 seconds ho gayi hain. Iska matlab battles ab jyadatar auto-completion se khatam ho jayengi. Ab auto-finish ka timer aapko sirf 15 Seconds dega, aur tab tak team balance ho saki to hi battle jari reh payega. Iss dohran agar teams balanced na ho pai, to battle kahtam ho jayegi aur sabko apne-apne crystals mil jayenge. Aur agar teams phirse samaan ho gayi, lekin phirse ek team mein kam khiladi paye gaye ye system 10 seconds ke cooldown se wapis shuru ho jayega. Pehle se cooldown time 25 Seconds ka tha. Ye sabse zyada jaroori tha kyuki kai sare khiladi sirf masti ke liye harne waali team ko samaan karne ke liye join karte thein aur jeetne waali team ko apna samay barbaad karna padta tha. Battle Ranks Abhi tak Legends ke saath battle karne ki anumati Lieutenant Colonel se shuru hoti thi. Ab ye limit ko Captain tak kar diya gaya hain. Ye baat rahi Non-PRO battles ki, jo 'Battle!' ki vajah se dikhti hain. PRO battles mein legends ab Major rank tak battles bana sakte hain. Iski apni khoobiyan aur kamiyan hain, Acchi baat ye hain ki ab jyadatar players apne rank ke anusar servers pe kehlenge. Vahi servers jinmein unke rank ke liye sabse jyada uchit battles ho. Har baar Tanki mein login karne paar aapko aise hi server pe bhej diya jata hain. Vahi server jo server ki list par click karne se 'highlighted' dikhayi deta hai. High rank khiladiyon ke liye ye museebat bhi hain. Ab bahot se low rankers bhi unke rank ke saath khel sakte hain. Matlab saral hain. Zyada anchahe mults. Aakhir mein.. Kai tarah ke bugs Magnum ke saath theek kar diye gaye hain. Aur sabse bada, critical errors ka ant. Hum sab bahot pareshan the critical errors se. Har baar ek error ki vajah se mujhe apne Browser/Client ko refresh karna padta tha. Mubarak ho ab ye karne ki koi zaroorat nahi. Pehle critical error aane pe aapko server se disconnect kar diya jata tha. Jiske karan battle mein jaldi wapis na aane se aapko battle mein se bhi kick kar diya jata tha. Ab ye critical errors nahi dikhayi dengi. Lekin critical errors hongi zaroor, aisa maniye ki ye error ab 'passive error' hain. Jissey hamare khelne par kam asar padega. Ye errors dikhayi dengi lekin hume wo 'critical error' ka message nahi dikhaya jayega. Aur jab apne is update ke bare mein jyadatar jan liya hain to ab jaiye aur kehliye aur apne aap dekhiye aapko is update ke baare mein kaisa lagta hain. Yaad rakhein aap sabki raay aur pratikriya se hi ye updates laaye jaate hain.

Buy karne pe bhi wo wahi equipment kahreedenge jo equipment aapbhi khareed sakte hain. Akhir mein pay karne se bhi hornet m3 hi milega aur save karke khareedne se bhi hornet m3 hi milega. Baat ye hain ki complain kiye bina in buyers ke samne acchi game rankhna aur buy karne kiye bina inhe harana. Ha ye mushkil hain, lakin na munkin nahi. Akhir mein skills hi har argument ka akhri shabd hain.