When Parkour Goes wrong

-416

Hamare khel mein jab kabhi asantulan jaise lagta hain to turant hi developers aakey balance kar jate hain, jaise humne pichle kuch patch updates mein dekha hai. Iss baar 3 turrets ka parivartan karke saare turrets ka santulan badhane ki koshish ki gayi hai. Aiye vistaar mein jante hain. Iss update mein Tanki developers nayi 3 turrets, Isida, Hammer and Shaft, ke stats mein badlaav kiye hain. Kuch nayi cheezein jodi gayi hain aur kuch cheezon ko hata diya gaya hai. Chaliye inke bare mein jante hain. Isida Tanki ke developers chahte hain abhi ke saare turrets mein Isida ko abhi se jyada mahatva diya jaye, aur iss turret mein aise badlaav laye gaye hain jissey uski bhoomikayen jyada spasht ho. Tanki ke developers chahte hain ki healing ke liye Isida ka jyada upyog kiya jaye. Iss update ke baad Isida ek vaidya-jaisa kaam jyada acche se karega lekin hamla karte waqt dikkat hogi. Kyonki ab dushman ko mar ke uski health (vampire jaise) nahi li ja sakti, yaani ki self-healing ki sambhavna hata di gayi hai. Iska karan ye hain ki Isida ke khiladi jyada Double Power ka istemaal karke apne aap ko kamjor tanks se heal kar lete the, jiske karan Isida ko maarna kabhi kabar asambhav ho jata tha. Par ab jo acchi baat hain wo ye ki ab is turret ka istemaal adhiktar 'medic' ke roop mein hoga. Isida ka energy consumption uske upyog pe nirbhar karega. Yaani dushman ko marte samay, apne sathiyo ko heal karte samay aur koi nishane bina upyog karte samay aapke turret ka energy consumption alag rahega. Dushman ko marte houe - energy 5 Seconds mein khatam Sathiyo ko heal karte houe - energy 10 Second mein khatam Aise hi upyog karte houe - energy 20 Seconds mein khatam Isike saath Isida ke damage ko bhi badhaya jayega aur ye damage abtak ka highest PMD (prati-minute damage) hoga, doosre kam range ke hathyaron ke mukable. PMD ya phir PSD Firebird aur Freeze se jyada hone par bhi Isida ki healing waali bhoomika hi jyada prabhavi aur mazboot hogi kyonki Firebird aur Freeze ke reload Isida ke 10 second reload ke samay se kam hain, aur Freeze ke paas to 2 seconds jyada firing ka samay bhi hota hai. Phir bhi samay-samay par aap ko Isida se hamla karna hi hoga ye bhi sacchai hai. Iske alawa apne nishane ko nishana banaye rakhne ke liye jo 'aiming cone' hota hai, ussey thoda chota kar diya jayega. Isida alterations mein bhi badlaav paye jayenge. Isida ka M2 alteration, jiska naam hai 'Support Nanobots' iska arth hi badla jayega. Issey ab aap ko 5 second jyada healing ka samay milega, lekin aap ka PSD 50% ghat jayega. Vulcan ke piche khade Isida ya phir kuch hi tanks ko lagatar heal karne waale Isidas ke liye ye accha hoga. Hammer Developers ke mutabik Hammer khel mein jaroorat se zyada shaktishali tha. To iss turret ko nerf hote dekh adhiktar tankers khush honge. Iss update mein hammer ke reload time ko badhaya jayega - ye wo reload ka samay hain jo puri 'clip' fire karne ke baad hoti hain. Ek ke baad ek shots hote hai, unke beech ka reload ka samay kam kar diya jayega. Aur agar kisine Hammer ke do adhik shots "High Capacity Drum" waali alteration li hain to unke liye ye dono reload aur thode badhaye jayenge. Iska matlab hai ki aap ko yuddhbhoomi mein sakriya rehna ke liye kam samay milega, aur reload hote waqt map ke kono mein se hokar jyada samay bitana padega. Hammer ek tarah ka tank par sthit 'shotgun' hain. Shotgun ek goli nahi shoot karte, balki shotgun ek saath 4-7 shots fire karte hain. Iss baat ko dhyaan mein rakh ke developers ne hammer ke pellets ko 21 se 9 kar diya hain, lekin inka damage bhi increase kar diya hain. Yaani jitna damage 21 pellets karte the utna hi 9 pellets karenge. Yahi impact force ko bhi lagu karta hain. Ab pellets miss karne pe jyada damage ka ghaata hoga to apna te samay savdhaan! Waise kam pellets hone ki vajah se wo pellet spread area mein jyada door-door honge, aur isiliye Hammer se nishana lagana bhi kathin ho jayega. Ab Hammer ko jyada nerf na kar diya jaye isiliye ab ye pellets mein bhi ek alag prakar ke 'ricochet' ki sambhavna hogi lekin sirf ek hi baar. Pellets kisi bhi deewar ya prop ko chhu kar bounce ho jayenge lekin ye sirf ek hi baar hoga. Self damage se savdhaan! Apni clip khatam kar houe ya phir 'flipped' houe samay apne tracks par recoil se khade hote houe aap apne aap ko nuksaan pahuncha sakte hain. Mare houe tanks, props, ya phir saathi dushman aur aap ke beech mein khade ho uss waqt nishana lagane mein ab issey aasani hogi. Isi ke saath aur ek chhote badlaav mein Hammer ke vertical aur horizontal auto aim angles thodi maatra se badhaye gaye hain. Badhte hai agle turret ki or. Shaft Aaj kal ki har battle mein sniper ka kaam bahot prabhavi hota hain. Shaft hi Tanki ke turrets mein se ek lauta sniper hain. Tanki ke developers chahte hain ki Shaft apne sniper/scope mode se shaktishali rahe aur kam lambe ranges par bhi pichey na pade. Shaft ke scope mode ka max. damage badha diya jayega, taaki full power-up se apni modification ke madhyam hulls (Viking, Hunter aur Dictator) ko ek hi poore scope shot mein maar sakey. Ye ek bahot bada munaafa hai bade aur khule maps mein jahan kuch Shaft power-up kar ke kuch jagaho par laser rakhte hain. Scope mode mein shaft ko maximum damage tak power-up karne mein bhi ab ek second zyada lagega, jo apeksheet tha damage increase ki baat se. Isi ke saath ek ke baad ek agar scope shot lagana ho to beech mein jo poora reload karne ke liye samay hota hai wo bhi 2 seconds se badhaya gaya hai. Inn dono badlaavon ki vajah se ab aap Shaft ke saath pehle se kam shighrata se fire kar payenge. Kam lambe ranges mein bhi ab Shaft kam pichey hoga. Shaft apne arcade shot se nazdik waale nishano par jyada nuksaan pahuncha sakega aur badhe houe damage ke saath Isida aur Freeze jaise dushmano ko nazdik aane se rok payega. Par kai log iska fayda utha kar hamesha arcade mode ka hi istemaal karte the. Ye ab na kiya ja sake isliye Shaft ke arcade mode ko Smoky aur Thunder jaisa kar diya hain. Ab arcade shots ka damage dushman ki doori pe nirbhar hoga. Jyada dur , damage kam, paas mein to damage jyada. Akhir mein Shaft ke scope mode ke sight se upar aur niche dekhne speed dheemi kardi jayegi taki aap apne shot ko jyada acche se laga sakey. Zoom ki gati bhi dheemi kardi jayegi taaki power-up ke samay se santulan ho. Ye bohot bade badlaav lag rahe hain. To jaiye kheliye Tanki aur dekhe ye balance features theek hain ya nahi. Kya aap mere vicharo se sehmat hain? Hume iss vishay par aap ki rai batana mat bhuliyega. Milte hain.

-411

Pass 1

wid F&F people

-219

-353

Current : 213425 Highest : 543221 Lowest : 122345

-351

Ek aur din phirse ek aur update raha. Iss baar ke patch update se bahot kuch cheeze aasan ho gayi, aur kuch cheeze badli bhi gayi hain. Chaliye dekhte hain iss baar ke update ne hume kya diya hai... Clan License khareedne ki anumati - Clan System ke aatey hi logo ke beech clan banane ka utsah badh gaya tha. Ye jyadatar iss liye kyunki aapko aapke naam ke samne aapke clan ka tag nazar aata hain, ek clan mein samaane par. Isi ke saath aapko Pro Battles mein khelne ke liye PRO Pass ki jaroorat nahi padti. Aisa hone se kaafi saare 'naye' clans prakat ho gaye hain, yaani ki aise clans jo pehle forum pe maujood nahi the ya phir unka forum par clan page nahi tha. Kai saare mitron ne taiyar kiye gaye clans bhi paye gaye hain, aur kuch random clans bhi, jinhe lobby chat par se members mil rahe hain. Lekin inn clans mein jo khiladi gaye aur phir unhe wo clan pasand nahi aaye unhe ek kathin prasang ka saamna karna pada - kyonki clan se bahar nikalne ke baad 24 ghanto ka timer jo hai. Jab Clan System pehli baar Tanki ke servers pe release kiya gaya tha tab ye sirf kuch jaane-maane bade clans ko diya gaya tha. Lekin iss update ke baad aap mein se koi bhi apne aapke liye Clan License khareed sakta hain aur apne aap ki Clan bana sakta hain. Filhal ke liye to itna hi uplabdh lekin bhavishya ke updates mein aap apne clan ke members 12 se badha payenge aur kai aur labh pa sakenge. Player Ratings - Player Ratings ye vibhaag Tanki mein pehle bhi tha. Tab jo formula thi wo itni adhunik nahi thi ki ye 'ratings' ke liye acchi tarah kaam kare. Tab sare players chhote-mote raasto ki madad se apni ratings badha dete the. Lekin ab joki tanki ke upyogi adhunik formula aya hain to ab ummeed hain ki jyada saral aur spasht ratings hum sab ko milengi. 2015 ke bade update ne laye gaye 'Ratings page' ke utsah ke baad Tanki ne individual player ratings phir se banayi hain. Iska matlab aab agar aap dekhna chahte hain ki aap kitna accha khelte hain ya aapka dost ki tulna mein kaise khele hain to aap apne ratings ke kramank ko dekhe. Jiska 'rating' jyada hoga wo zyada accha khelta hain, iss naye formula ke anusar. Settings ka naya roop - Abhi tak hamare khel ke settings ke window ka roop jyada kuch adhunik nahi tha. Bas kuch options thi. Lekin is update ke baad Settings Window 4 alag-alag bhaagon mein divide kardi gayi hain. Inn char settings ka upyog kar ke aap pehle se jyada acche se aur tarah-tarah ke options se apne aap ke liye iss khel ko uchit tareeke se istemaal kar sakenge. Wo hain, Game Graphics Accounts Controls Game :- Game menu mein aapke paas saadhaaran game ki cheezon ki setting uplabdh hoti hain. Jaise ki aap ke dware kiya gaya dushman pe damage ke numbers, drop boxes ki jagahe, aur 'alternate camera' jissey band jagaho mein camera alag tareeke se upyog hota hai. Iske alawa aap ko chat ki settings bhi uplabdh hain, jaise ki sirf aap ke mitron se 'PM message' ya phir chat dikhane ya na dikhane ka option. Isike saath yaha pe aap tanki ke audio meter ko bhi badal kar apne hisaab se kar sakte hain. Graphics :- Ek game ki sundarta uske 'Graphics' ko dekh ke milti hain, Tanki ki graphics ko high level pe rakhke khela jay to adhunik lagne se kam nahi. Iss graphics menu mein aap apne game khelte samay ke graphics ko badal sakte hain. Ye unke liye hain jinke computer mein khas tarah ke GPU (Graphical Processing Unit) hain. Aasan shabdo mein ye unke liye hain jinka FPS (frames per second) kam hain. Aap iss menu ke prayog se Tanki ke graphics ko kam karke apne FPS ko badha ke khel ka 60FPS mein anand le sakte hain. Graphics badalne ke liye dher saare options maujood hain. Jaise ki dynamic lighting, deep shadows, dynamic shadows, jo map ke props aur tank ke upar ki roshni aur chhaya ko santulit karte hain. Iske alawa hai fog, soft particles, skybox, dust ye sab options jissey map aur tank ko jyada sundar banaya ja sakta hai. Mip-mapping aur anti-aliasing ke options ko off karein, agar aap ko kam FPS mil rahi ho to. Account :- Tanki par agar aap ne e-mail nahi link kiya hai to hamesha kaha jata hain ki apne account se apna email link kijiye. Ye jaroori hain kyuki agar kisi tarah aap apna account kho dete hain to aap is linked email ke dwara apna account wapis pa sakte hain. Iss menu mein aap apna account Email aur Facebook se link kar sakte hain. Kripya apna account kamse kam apne e-mail se jaroor link karein. Issey aap kai saare pratiyogitaon mein ya phir Support help desk se sampark saadhte waqt upyog hoga. Controls :- Sabse khaas badlaav. Ab tak Tanki mein aisa option nahi tha jo hume apne keyboard ke keys ko badalne deta. Iss update ke baad aap aapne keyboard ke keys ko iss menu mein ja kar sirf iss khel ke liye badal saktein hain. Ye menu khaskar naye tankers ke liye hain kyuki naye controls pe haath rakhna aasan nahi hota aur jo pehle ke anubhavi tanks hain wo abhi ke controls pe chipak chuke hain ki unhe controls badal ne ki jaroorat nahi padegi. Iska kaise faida liya jaye? Chaliye maante hain ki aapke pass 'Gold Box supply' hain lekin aap inn keemti supplies ka upyog nahi karna chahte. Lekin kabhi kabar Mines ko use karte samay galti se aap Gold Box supply ka button daba sakte ho. Ye kaam aap kar de to na chahte bhi aapko Gold Box kisi ko muft mein dena padta hai. Isiliye ab aap controls menu mein jaye aur Gold Box supply ke sthaan pe kuch na rakhe aur phir jab unhe giraana ho to key aap 6 ke alawa kuch aur rakh sakte hain. Aur ek jaroori badlaav aap kar sakte hain agar aap 'C' key ka kuch jyada istemaal nahi karte to uske alawa R/V key 'C' ke sthaan par rakh sakte hain. Visual Badlaav :- Pichle kai updates ke baad '"An Error Occurred" wali error badhne lagi thi. Tanki developers ne isse naam diya hain 'Critical Error'. Iss error ke badhne ke kaaran se Tanki ne drop zones ko map ke kisi bhi kone se dekha ja sake aisa badlaav kar diya hain. Iske karan khelte samay transparent cheezain kam hogi aur akhir mein ye 'Critical Error' ki sambhavnaye kam hongi. Aise aur badlaav bhi jald aane waale hain. Inn dono patch updates ne khel ko kaafi had tak badal diya hain, kya aap bhi sehmat hain? Waise ye updates 2017 ke saal ke shuru hone ke baad kuch jyada hi baarambaar ho gaye hain, na? Aap ko kya lagta hai? Hume aap ke vichaar jaroor batana!

-276

Multitasking on another level :wub: Making em run on another level :wub:

Tqsm <3

Dream come True <3

Many Brain Cells were damaged during the making of this article, plz show respect :P

Tanki ke sabse naye turret Striker ko khelna kuch aasan nahi hai. Jaise developers ne bataya hai, Striker, aur aane waale Artillery turret ki kathinayi Railgun se tulna karne layak hai. Kya aap Striker ke saath apni skill dikha sakte hain? Striker ko Tanki mein aye kaafi samay ho chuka hain. Striker ne itni lokpriyata nahi payi hai jitni Hammer aur Vulcan ne payi thi, phir bhi kaafi diggaj khiladi aapne Striker ke saath lajawab khelte dekhe honge. To iss contest mein aapka lakshya Striker ke saath dhamaakedaar khel dikhane ka hain. Aapko Striker ka upyog karke video banana hain. Niyam: • Video mein aap sirf aur sirf Striker ka upyog kar sakte hain. • Video mein Striker ke saath koi bhi hull ka upyog kar sakte hain. • Video jyada se jyada 30 seconds lamba banaiye. • Video mein poora Tanki ka screen dikhna chahiye. Ek player sirf ek video bhej sakta hai. • Video mein kuch mazedaar, kathin aur dhamaakedaar hona chahiye. Kuh naye andaaz se Striker ka khel uttam hoga. • Supplies on/off se farak nahi padega. • Video ke dohran aapke tank pe White paint ka hona avashyak hain. • Video kisi random Deathmatch mein lijiye. • Dosto ke saath milke private battle mein bani banai battle nahi chalegi. Puraskaar: Pehla Sthaan: 30,000 crystals Doosra Sthaan: 25,000 crystals Teesra Sthan: 20,000 crytals Agar aapko abhi bhi Striker ke saath kehlne mein dikkat hoti hain to iss ank ke lekh - Striker ka Sahi Upyog - ko padhey. Adhiktar jaankari ke liye mein Pro's Advice dekhein. Aap sabhi ko partiyogita ke liye shubh kamnaye! Shukriya bhaag lene ke liye aur aise hi baaki ki hamari pratiyogitaon mein bhaag jaroor lena. Aap ko 28th February 23:59 UTC 30th March 23:59 UTC tak aap ka video bhejna hai.

Shushhhhh!

Fiyaaaaahhhhhhh

Ek aur din, ek aur Update raha. Patch update #436 se kai badlaav laye gaye aur ab kuch din baad ussey test ki gayi clan vyavastha akhirkar sabhi logon ke liye uplabdh ho gayi hai. Chaliye dekhte hain kya kya hua aur jaante hai uske parinaam. Clan System (akhirkar): Akhir kar besabri ke intezaar ke baad hum naye Clan system ko dekh payenge. Ye Clan system antim nahi hain. Na hi ye iske sab labh abhi uplabdh hain. Patch update ke aate hi aap sab ne 'Tanki Online' naamak ek test clan to dekha hi hoga. Isko dekh kar hume clan vyavastha ke baare mein kaafi kuch pata chala. Clan ke kisi member ke naam pe click karte hi aap ko drop-down list mein option dikhega, jis par click karte hi aap ko uss khiladi ke clan ki "profile" dikhegi. Clan profile par uss clan ka naam, clan ki sthapna ka din, clan ke community ka jhanda aur clan ke members ki sankhya. Isi ke saath aap ko clan jis khiladi ne banaya hai, uska naam bhi dikhega. Uske thode niche dekho ko kuch numbers dikhenge. Idhar phir se clan ke members ki sankhya hai aur iske alawa clan ke members ke jitne kills aur deaths hain, uski total dikhegi. Uske baaju mein arthat clan ka apna K/D ratio bhi hai. Clan ka naam kam se kam 4 characters lamba aur jyada se jyada 20 characters (*,_,^,/,' characters ke sahit) lamba ho sakta hai. Waise hi clan tag ki lambayi 2-5 characters ho sakti hai aur iss clan tag ko aap apne game ke naam aur rank icon ke beech mein dekh sakte hain. Clan ka ek chhota description bhi aap likh sakte hain, aap ke clan ke baare mein. Iske theek niche hai clan members ki soochi. Har ek clan member ka rank ke sahit naam, usne clan mein bitaya samay, pichli bar ke log-in ke baad beeta waqt aur experience points dekhne ko milte hain. Aur to aur, agar aap ne pichle ek V-Log mein suna hoga, clans ke bhi apne 'ranks' honge aur sach much waise hua hai. Ranks jaise ki 'Supreme Commander', 'Officer', 'Commander', 'Novice', 'Veteran' aur 'Private' dekhe gaye hain. Supreme Commander matlab clan ka kaftan. Sirf ye khiladi clan ko band karva sakta hai. Commander aur Supreme Commander ke baaki sab adhikaar samaan hote hain. Ye khiladi clan ko edit kar sakte hain. Officer, Commander aur Supreme Commander ye sab aavedano ko sweekar kar sakte hain aur kisi member ko clan se bahar kar sakte hain. Ye teen ranks ke saath Sergeant aur Veteran khiladiyon ko clan ke liye nimantran bhej sakte hain. Clan mein aate hi naya khiladi Novice rank ka ho jaata hai. 24 ghanto ke baad ussey Private rank milta hai aur wo ab clan battles mein hissa le sakta hai. Agar koi member kisi clan ko chhod de to ek 24 ghante ka timer shuru hota hai, jis samay mein wo khiladi kisi aur clan mein nahi ja sakta. Clan Chat: Clan chat iss vyavastha ki anokha suvidha hai. Iss chat mein sirf clan ke hi khiladi baat-cheet kar sakte hain aur ismein agar koi bol raha ho to ussey normal chat lobby mein se nahi pahuncha ja sakta hain. Clan chat saare khiladiyon ko ikattha kar ke kuch ghoshna karne ke liye, ya phir kisi vishay par charcha karne ke liye upyogi hoga. Iss chat ki ek aur suvidha hai, jissey aap ko bata chalta hai ki ek sandesh (message) kis samay bheja tha. Clan invitation ke liye do tabs maujood hain. Dono ka naam abhi ke liye 'Accept Invitation' hain lekin ek tab se aap kisi clan ko aavedan bhej sakte hain aur doosre se aap ko mile hue invites sweekar kar sakte hain. Clan Vyavastha ke Labh: Clan vyavastha ka sabse bada labh ye hoga ki clans apne beech mein ek vishesh prakar ka 'clan battle' taiyar kar ke aasani se mukaabla kar payenge. Inn battles mein agar ek team mein koi clan bharti ho gaya to uss team mein sirf uss hi clan ke members aa payenge. Apeksha hai ki iss vyavastha se 'mults' door chale jayenge. Ye system 'clan wars' ke liye bahot upyogi hogi. Iske alawa ye bhi ghoshna hui hai ki clan mein bharti hone se aap ko ek alag prakar ka PRO pass muft mein mil sakega. Iss PRO pass se aap PRO battles mein ja sakenge, parantu aise PRO battles bana nahi sakenge. Isliye ek clan ka member banne se aap ko jyadatar PRO pass alag se nahi kharidna padega. Clan Vyavastha ab Game mein: Iss sab ke kuch dino baad kuch diggaj clans aur unke members ko iss vyavastha ko test karne ka mauka diya gaya. Unki salah aur kuch badlaavon ke baad, 3rd February ko clan vyavastha tamaam players ko uplabdh ki gayi. Abhi ke liye clan 'license' uplabdh karne ke liye clan ke leader ko 35.99 USD ka shulk laagu hai. Ye clan license sirf ek clan banane ke liye hai. Agar baad mein yah clan band ho jaye to naye clan license lena padega aisi jaankari mili hai. Clan banane ke baad aap ko aur aap ke khiladiyon ko clan tag aur clan profile milegi. Aap naye khiladiyon ko invite bhej sakte hain ya phir khiladi bhi aavedan kar sakte hain. Clan mein aap Warrant Officer 1 ya upar ke rank waale logon ko bharti kar sakte hain. Agle kuch updates mein isi clan system ko aur badhya, sudhaara jayega. Aise kuch bhavishya ke mudde hume V-Log ke 107th episode mein bataye gaye the. Jaise ki clan currency, jo kai raasto se kama kar clan members ke liye fayde kharidne ke liye upyogi hogi. Kuch aise fayde (bonuses) bhi bataye gaye the, jaise ki free PRO pass, experience aur crystal boost aur daily gifts. Yahi clan currency ko shayad jyada clan member slots paane mein bhi upyogi hogi. Khair, ye to bhavishya ki baatein hain. Aap jaante hai ki #436 se teen aur badlaav aaye the. Ricochet mein Badlaav: Dekhne se to lagta hain Ricochet iss update ke baad istemaal karne mein thoda aur balwan lagega. Iss Update ke baad, Ricochet mein: Ek poori magazine/clip mein se total shots 12 se 14 ho jayenge Ab agar aap Ricochet ka upyog karenge to ab do 2 jyada shots fire kar payenge. Iski vajah se heavy hulls ko nazdik se poori tarah marne mein aasani hogi. Upar ka auto-aim angle kam kar diya jayega Jab aap apni tank ko leke kisi dushman ko shoot kartey ho, Jo aapke tank ke thoda unchayi par ho to aapka turret ussey apne aap se angle theek karke shoot karta hain. Iss Update ke baad ye angle kam hoga. Iska matlab agar upar ki taraf aapko shoot karna ho to aap nichey shoot karey aur auto-aim ke karan aapke projectiles jameen ko chu kar upar ki taraf uchlenge. Ab Ricochet ko bridges par raaj karna lathin hoga. Kam max. damage range Ricochet se fire karte samay aapke paas ek range hoti hain. Iss range ke andar agar aapke projectiles dushman ko chhutey hain to unpar sabse jyada damage hota hai. Lekin agar ye us ragne ke aagey jake dushman ko chhute hain to projectile ka damage kam ho jata hain. Iss update mein jo max damage range hain wo kam kardi jayegi. Iska seedha matlab nikalo to keh sakte hain ki Ricochet madhyam range par lam prabhavi hoga. Smoky mein Badlaav: Ye to hona hi tha. Smoky ke saath khilvad to karni hi thi. :P Waise Smoky ke badlaav bahot chhote hai, isliye jyada farak nahi padega. Jyada reload ka samay Iss update se Tanki ke default weapon Smoky ka firing rate kam kar diya gaya hain. Aasan shabdo mein Smoky ke reload ka samay thoda badhaya hai. Issey uska PSD bhi kam ho jayega. Critical damage thoda sa kam Critical damage bhi thodi maatra se kam kiya gaya hai. Lekin ye maatra abhi bhi pehle jaisi hi hai, issey jyada kuch nahi badlega. Game interface mein Badlaav: Garage button pe click kartey samay ab aap sidhey garage mein pahunchenge bina battle ko leave karey. Issey ye bhi labh hai ki khiladi battle list ko kisi battle mein hote hue nahi dekh payenge aur lagatar khelenge. Bas itna hi. Kya aap ko hamari sameeksha acchi lagi? Ye update kaisa tha, aap ke anusar? Jaroor batayein!

Interesting, not happy with changes to smoky :(

Iss pratiyogita mein bhaag lene ke liye aapko apne andar ki khoobiyo ka istemaal karna padega. Yaani iss contest mein game se kuch nahi karna. Iss contest mein aapko apne aspas ka nagar banana hain. Inme aap aur apke dost nahi, balki aapki aur aapke dosto ki 'tanks' honi chahiye. Jee haan aapko apne jaise sheher ka chitra banana hai, lekin tanks aur props ke saath. Kya aap ko lagta hain aap ye kar sakenge? Niyam: • Virtually banayi gayi entries accept ki nahi jayegi. Sirf pencil, pen, adi. se banaya gaya chitra bhejein! • Entries pe aapka naam (Tanki Online nickname) kisi tarah se likha houa hona chahiye. Paper ki chitthi bhi chalegi. • Tanks hona anivarya hai. Imarate, props aur baaki sab bhi ho sakta hain, ya phir apki man pasand jagahe, jo Tanki mein maujood hain. • Entries 2D/3D honi chahiye (3D recommend karta hoon). • Ek khiladi ko sirf ek hi chitra bhejna hai. Ek se jyada chitra bheje to sabse pehla waala sweekar kiya jayega. Entries kaise bhejni hai.. • Entries ko aap isi topic pe reply ke saath bhejein. • Entries ko aap ko photo le kar submit karna hai. • Entries mein ki houi kisi bhi prakar ki editing sakt mana hai. Puraskaar Pehla Sthan - 30,000 crystals Dusra Sthan - 25,000 crystals Teesra Sthan - 20,000 crystals Aur adhik sundar aur acchey vichar waali entries ko bhi chhota puraskaar diya jayega. Chalo to ab intezaar kis baat ka, nikalo apne pencils aur rang aur bana do aap ka apna Tanki ka sheher. Shubh kamnaye! Aap ke paas apna chitra banane ke liye 28th February 23:59 UTC tak samay hain. Phir milte hain!

Made this a while ago, Still ma best <3

-166

Pichle mahine mein humne naye aye houe Striker turret ke baare mein likha. Striker ab kaafi had tak sweekara gaya hai, aur 11th January, yaani ki kal hi developers ne kuch badlaav jaahir kiye. Chaliye dekhte hai ye kya the. Pichle update mein humne dekha ki Tanki developers apne naye khilone ke saath khell rahe the, aur kuch hi der baad unhone us Striker naamak turret aur ussey raksha karnewaale protection modules game mein samavisht kiye. Aaj ke update mein Striker ke saath kuch sakaratmak badlaav kiye gaye hain (ye un logo ke liye jo Striker apnaate hain ^_^ ). Update ki jaroorat kyun thi? -> Jab se striker turret Tanki Online mein aya tha tab se charo taraf zor-shor se Striker ka upyog kiya ja raha hain. Jab Tanki mein ek saath itne saare players ek turret se khelte hain to unhe turret ke bare mein jaankari milti hain. Wo turret ke vividh prakar ke battles mein pradarshan ki janch karte hain. Ye jankari aap jaise priya khiladi developers ko feedback ki tarah dete hain. Jee haan developers aapkevichar padhte hain aur unpe vichar-vistar karke agar sahi lage to badlaav bhi laate hain. Update ke baare mein jaankari Iss update mein dekha jaye to lagta hai ki Striker mein sakaratmak se badlaav aye hain. Striker ke alawa Shaft turret ke kuch maatraye bhi badli gayi hai (shayad Shaft aur Striker mein jyada spasht antar laane ke liye). Aiye update ko kholke uske bare mein jyada jante hain. Lock-on ganvane par nishaana sudhaarne ke liye jyada samay - Yaani agar Striker ke scope mode ka istemaal aap kar rahe hain aur dushman pe se aapka nishana hat jaata hai, to ab se aap ko lock-on phir se jamane ke liye jyada samay milega. Agar aap ke nishane ko kisike impact force ya dushman ke chaal ki vajah se haani pahunchi to aap ab se jyada aasani se lock-on na khote hue nishana theek kar sakte ho. Aur to aur, kai baar dushman chhipne ke baad bhi jaldi se adjust karne se lock-on na ganvana mumkin hai. Iss samay ko 'aim recovery time' bhi bola jaata hai. Rockets ki angular velocity ab jyada - Jab apne dushman pe acchey tarah se lock-on kar liya hai aur Striker ke rockets unki disha mein ja rahe hai, tab agar dushman ne apne aap ko bachane ke prayatna kiya, to rockets jaldi mudenge. Aasan shabdo mein rockets pehle se jyada tez gati se 'homing effect' dikhayenge. Jin maps mein kam chhipne ki jagahe ho aur bahot Strikers ho to aap ko ab se jyada tar Wasp/Hornet chun-na ya phir Striker protection khareedna hoga. :P Reload ka samay ab kam - Lagta nahi issey samjhane ki jaroorat hai. Jaise aapne padha, bilkul waise. Har ek arcade ya scope mode ke baad jo reload hota hai wo ab jaldi hoga. Ye kam reload ka samay shayad arcade shot se nishaana lagane ki kathinayi se hui kami ki poorti ke liye rakha hoga. Iss badlaav se Striker ka prati-second damage kaafi badh jayega, jissey aap uske saath kai jyada bhoomikayein nibha payenge. Hornet - Striker (XC) Format Iss update mein adhiktar cheezain striker ke bare mein hain. Bilkul jo hum chahte the. Iss naye format ke baad khiladiyo mein shayad Striker ke istemaal karne ki urja aayegi. Ab tak humne XP/BP format ko khiladiyo ke beech dekh ke aisa lag raha hai jaise Hornet/Striker ko koi zyada dhyan nahi dega. Lekin ye format bahot accha saabit ho sakta hai - abhi tak sab Striker turret ke saath jyada nahi khele hain. Sab striker turret ko acchi terha se istmaal karna chahte hain. Ye aap kaha seekhoge? Sahi! Ek map mein jaha sabhi Striker ka upyog kar rahe ho. Ye naye format ka naam 'XC' rakha gaya hai. Iss ka poorna roop mein naam hai - "Хорнет+Страйкер" (Russian bhasha mein naam). Iss format mein khelne ke liye aapke paas Hornet Striker M2/M2 , M2/M3 , M3/M2 ya M3/M3 ka hona zaruri hain. XP/BP, DR aur Parkour battles ke samooh ke saath hi ye PRO battles mein maujood rahega. Unke anusaar hi ke rank se iske jyada battles aap ko milenge. Ye format khelne mein bahot manoranjan bhara lagta hain. Aapko kai cheezon ka dhyan rakhna padega. Aap ke tank ko koi scope mode se target to nahi kar raha? Spawn hone ke baad pehla rocket right waali baaju se aata hai. Par thodi der ke baad aap sochenge - agla missile konse taraf se niklega? Sunte hi mujhe hasi aati hain. Aap sabse accha apne aap hi is format ko apna ke janiye. Kai mahatvapoorna cheezein hain, jo aap ki iss format mein bahot madad karengi - jaise ki arcade mode se scope mode mein jane ka nirnay ya phir kisi disha mein badhte houe arcade shot ko splash damage ke hisaab se sahi jagah giraana. Striker ko Hornet hull ko mar giraane ke liye 2 shot lagte hain, lekin agar nishaana pakka nahi laga to bahot bar teesra rocket lagta hain. DM XC mode mein kills churaana bahot mahatva ka hai. Kills churaate samay accha nishana na lagne se aap ka ek arcade rocket bekar ja sakta hai. Aisa maano ki iss format mein nishaana kayam tika rahe to aap aajaoge awwal sthan pe. Thode bahot bade maps mein scope mode ka mahatva bhi badhta hai, kyonki issey ek se jyada kills milne ki sambhavna prakat hoti hai. CTF XC aur CP XC modes mein vividh paristhitiyon mein arcade aur scope dono ka mahatva hai. Kab kya chunoge ispar aage kya hoga ye nirbhar hai. Hilte-chalte flag ya point tak jaana aur range aur props ko dhyan mein rakhkar rockets fire karne mein hi har aur jeet hai. Iss format ki ye bhi khasiyat hain ki isme Hornet, jo Tanki ka doosra sabse tez hull hai, iska istmaal kiya gaya hain. Aur striker bhi range mein badhiya hai. Isiliye ye format ko chhotey to sahi lekin kuch badey maps mein khelne ka bhi mazaa aayega. Abhi ke liye XC format mein Desert DM, Sandbox CTF, Polygon CP, Deck 9 CTF jaise battles RU1 par dekhe ja rahe hain. Kuch samay ke baad hi bata chalega ki ye format DR format jaise murjha jayega ya phir acche se tikega. Waise Striker mein kiye badlaav format ke liye bhi sakaratmak hai, aise lagta hai. Jyada DPS (kam reload) aur badhe houe angular velocity se battle fund jyada accha hoga aur khel bhi teevra hoga aisi ummeed hai. Akhir mein Shaft ke badlaav Chaliye Shaft ke badlaavo ko bhi jan lete hain. Arcade shot ka reload ab kam Shaft ko istamaal karte samay aap do tariko se istmaal kar sakte hain. Arcade mode aur scope mode. Arcade mode mein liya gaya shot ab zyada tezi se reload hoga. Yaani bina scope ke Shaft apne dushmano par war kar payega, aur medium hulls ka ek scope shot ke baad jald se jald vinash karega. Issey Assault Emitters ka alteration bhi shayad jyada upyogi ho jayega. Vertical aiming angles bhi ab kam Jab kisi bhi turret ka hum istemaal karte hain tab unme se adhiktar turret mein agar aap dushman ko sahi tarah se horizontal line mein rakhey to aapka turret apne aap dushman ko pehchan ke uski taraf shoot karta hain. Iss update mein Shaft ki iss prakar ki kshamata thodi kam kar di gayi hai. Thoda sa aur recoil Recoil usey kehte hai jab hum apne weapon ko shoot karte hain aur uski vajah se hamari tank asthir ho jati hai. Iss update ke baad jab aap Shaft shoot karenge tab aap ko jyada recoil sehna padega. Recoil adhiktar apni tank ko sidhi tarah unchai se nichey pahunchna ho tab kaam aata hai. Sniper mode mein jyada 'zoom' Jaise humne pehle kaha tha, Shaft ke do modes hotey hai. Abki baar Shaft se jab scope mode mein aap nishana saadhenge to aap jyada spasht-ta se dushmano ko dekh payenge. Ye badlaav poora ka poora sakaratmak nahi hai. Jyada zoom ki vajah se door ke dushmano ka bachna mushkil jaroor hoga, aur jaldi mein scope shot lagate waqt aasani hogi, lekin jyada zoom ka matlab ye bhi hai ki aap ke ek samay mein map ki kam jagah dikhegi. Ye teen update aap ke hisaab se kaise hain? Kya hamari sameeksha barabar thi? Jaroor aap ke vichar bataiye. Patch update ki jaankari ke liye idhar click karein! Kripya apni soch ko hamare samney rakhiye, kya pata apki manpasand baat developers dekh lein? :P - Kuch bhaagon mein ka yogdan -