Pichle lekh mein humne Freeze se khudko kaise bachaya jaaye yah seekha tha. Iss baar hum Tanki mein sabse jyada istemaal hoti houi turret se khudki raksha karna sikhenge. Chaliye jante hain Railgun se Raksha... Railgun, ek tarah se electromagnetic rays shoot karta hain, jinka damage bahot jyada hota hain. Aise damage se raksha ke upay sikhna zaroori hain. Varna ye vinashkari damage bahot khatarnak ho sakta hai. Chaliye vistaar se jante hain. Railgun ek long range weapon hain. Dusre kai wepons ki tarah railgun ka damage distance pe kam nahi hota. To Railgun long range pe bahot jyada prabhavi hain. Aur ye bhi ke, ye ek hi shot mein ek se jyada dushmano ko damage kar sakti hain. Isilye issey raksha sikhna thoda mushkil hoga. Lekin phir bhi hum issey bacha ja sakta hai. Long Range par Long range ki baat aati hain tab hum sab jante hain ki tanks dikhne mein chhoti ho jati hain. Yaani aapke tank ka aakar sirf dikhne mein chhoti lagti hai. Iska kya upyog hai? Dekhiye. Agar aap apni tanki ko baju ki taraf se khada kar ke Railgun ke samne rakhte hain to Railgun ko marne karne ke liye bada nishaana milta hai. Aur agar aap apne tank ko aage/peeche ke hisse ko Railgun ki taraf rakhte hain to pehle ke mukable aapke dushman ko maarne ko kai guna kam hissa milta hai. Iske karan Railgun ko apko hit karne mein mushkil hogi. To ab agar aap jante hain ki Railgun aapki taraf dekh raha hai aur shoot karne wala hain. To koshish karein ki wo aapko apke baju se nahi, balki aapke aage/peeche ke hisse se shoot kare. Jyadatar railguns ye kar lenge lekin itni aasani se nahi jitni baju se hoti hai. Agar shot apke baju pe marna hota to bahot jyada hi aasan hota hai, aur iske alawa impact force ki vajah se aap ka tank bhi jyada hilta-mudta hai. Railgun ka shot agar tank ke aage/peeche ki taraf lage to tank kam mudta hai. Ab agar apke samne koi anubhavi khiladi aa jaye to uske liye to chhoti/badi tank se farak nai padta. Uske liye to sirf target kaafi hain. Target mila aur shot nishane pe maar diya. To inke samne kya kiya jaye? Inke samne aapko turrets jinka impact force jyada ho unka istemaal karna padega. Impact force wale turrets Inke upyog se aap apne dushman, Railgun ke tank ko hila sakte hain. Yaani jaise koi Railgun shoot karne wala ho tab agar aap uske tank ko impact force wale weapon se shoot karenge to uske tank ke hilne ke karan se uska nishaana bhi bigad jayega. Aur aakhir kaar wo aapko maar nahi payega. Aap iska aur bhi accha upyog kar sakte hain agar apka nishaana bilkul sateek ho. Tank ke kone pe shoot karne se apke shots ke impact force ka jyada asar hota hai, kyonki aisa karne se tank par jyada torque lagta hai jisse aapke dushman Railgun ka nishaane bigadne ki sambhavna badh jati hain. Lekin iss tareekey ka upyog tabhi kare jab aapko is tareekey ki thodi practice ho. Varna thoda sa dayein ya bayein mein shoot karne se aap apna shot poori tarah vyarth ja sakta hai. Hamesha tank ke kono ko shoot karna zaroori nahi, Kabhi aapke shots madhya mein jor se huye to wo apke enemies ke nishaane ko upar ki taraf dhakelte hain jisse unka shot hawa me chala jayega. Jo jyada asardaar hai. Iss tarkeeb mein sabse accha turret Smoky hoga. Smoky ka impact force bahot hota hai kisi bh Railgun ko miss karwane ke liye aur M1 alteration (Assault Ammunition) ke saath apke shot aur bhi jyada dumdaar honge. Ye kaam Ricochet aur Hammer jaise turrets bhi aasani se kar sakte hain, lekin Ricochet se door tak nishaana lagana kathin hota hai aur Hammer ke teen hi shot hote hain isliye Smoky behtar hai. Chaliye ab hamne impact force wale turrets ke baare mein jaana. Ab close range waale bina impact force waale turrets ka kya? Freeze/Isida/Firebird ka kaisa upyog karein Railgun ke khilaaf? Ye saare weapons bhi Railgun ko counter kar sakte hain aur wo bhi badi acchi tarah se. Lekin short range ke karan aapko apne dushman Railgun ke paas jana padega. Isiliye accha rahega ki aapke pass koi tez raftaar waala hull ho jaise Hornet ya Wasp. Hornet aur Wasp sirf tez hi nahi, balki shoot karne ke liye bhi bahot mushkil hain. Aap jante hain ki har ek turret ke tareeke alag alag hain. Freeze Freeze ko Railgun ke samne istemaal karte samay Freeze ke thandak ka sabse jyada fayda lena padega. Apne dushman ke paas jaye jaise unhe pata na ho. Dekhiye kab wo shoot kar chuka hai aur reload kar raha hain. Reloading karte samay hamla karna sabse jyada achcha hain. Kyunki Railgun ka reloading time kaafi jyada hai. Hamla karne se pehle ye dhyaan rakhey ki Railgun ko nahi pata ki aap uske paas khade hain aur ye bhi dhyaan rakhey ki aapke Freeze mein kaafi ammo ho jo aapko aapke dushman ko freeze ya fir unhe maarne ke liye kafi ho. Jaise hi dushman aapke turret ke range mein aata hai tabse hi aap ussey freeze karna shuru kar dijjiye. Railgun ka turret rotation bhi bahot dheema hai. Jiske karan aap Railgun ke tank ke aas-paas chakkar kaat te huye mar sakte hain. Idhar tez hull ke karan aap samne wale railgun ke shots ko acchi tarah chakma de payenge aur ghoomne se aur bhi jyada jaldi kar payenge. Agar aapka ammo khatam bhi ho jata hain to aapke tezi ke upyog se cover ki taraf bhagiye. Aur bhagte samey dhyaan rakhe ki railgun kis taraf dekh raha hain, taaki wo aap par nishaana naa saadh sake. Isida, Firebird Isida ke self-healing ke jaane ke baad bhi ye turret bahot acchi tarah se Railgun ko hara sakta hain. Isida shayad Railgun ko harane ke liye sabse accha turret nahi par ye phir bhi Railgun ka acche se saamna kar sakta hain. Isida ka abhi ka sabse bada plus point hain iska damage. High damage ke karan aap apne dushman ki tanks ko bahot jaldi mar sakte hain. Aur jaha tak Railgun se raksha ki baat aati hain. Jyadatar Railguns light hulls ka upyog karte hain to inki health kam hoti hain. Inhe jaldi marna jyada mushkil kaam nahi hoga. Firebird thoda Freeze jaisa par bina freezing effect ke. Firebird bhi Railgun ko harane mein bahot asardaar hain. Iske paas tank ko jalane (afterburn) ki kshamata hain. Firebird ka damage samay ke saath bahot jyada ho sakta hain. To ushnata se Railgun ko maare? Bilkul nahi. Apne dushman ko full energy bar se approach karne ke baad bhi shayad ye kaafi na ho ki aapke dushman ko mar sake. To iss baar afterburn ke damage ka istemaal karte hain. Apne dushman ke karib aiye bina uske jaane huye. Aur apne tank ke liye cover rakhiye. Full energy bar ke saath uska saamna karein. Aur puri energy bar uspar khaali kardein. Light hull ke upyog karte huye cover ki taraf bhagiye. Aur afterburn damage aapko safalta dila dega. Magnum, Striker, Thunder Magnum, Striker aur Thunder, inn teen turrets mein ek samaanta hai aur wo hai inka accha splash damage. Magnum mein iski maatra sabse badi hai. Railgun ke khiladi jyadatar cover ke piche reh kar dhamake kar dete hain aur isiliye inko khatam karna mushkil ho jata hai. Kabhi kabhi Railgun ko ek bhi baar nuksaan pahunchana namumkin ho jata hai. Aise ghadi mein splash damage turrets ka upyog anivarya hota hai. Thunder aur Striker kaafi had tak cover ke piche baithe dushmano ko mar gira sakte hain, agar dushman ke aas-paas ke props par shoot kiya jaye to. Magnum to iss kaam ke liye awwal darje ka turret hai kyonki ye sirf props ko nahi to seedha dushman ke tank par hamla bol sakta hai, wo bhi khud kisi building ke piche chhip ke. Ab hamne turrets se to Railgun ka saamna karna jaan liya. Ab hum dekhte hain aur kuch tareeke Railgun ke shots se bachne ke liye... First Aid ka Upyog Ek anokhi trick jo Railgun ke poore shot ko nahi sa bana deti hai. Matlab? Iska matlab damage lene ke baad bhi aisa lage jaise aapne bilkul damage nahi liya. Bilkul damage nahi liya? Kaise!?! Repair Kit ke karan aap Railgun ke shot ko asaani se seh sakte hain. Ye tarkeeb thodi atpati hai lekin aasan hain. Agar aapki health poori nahi hain aur aap jante hain ki ek Railgun shot mein aap maare jayenge to aap Railgun ke shot ke bilkul jara se pehle Repair Kit ka istemaal karein. Poore health pe aane ke baad uska damage aapke tank ko lagega. Lekin Repair Kit ke kaaran aapki health phirse lautegi aur aap poore health pe aa jayenge. Achanak Rukna Ek aur anokhi tarkeeb. Jo jyadatar light hulls pe focus karti hain. Jaisa hum jante hain. Railgun ek jaghe pe khadey rehke aapko shoot nahi kar sakta. Usey apna aim aapke tank ke saath agey/pichey badha na padta hain. To agar aap jante ho ki kab railgun aapko shoot karne wala ho to aap achanak reverse direction mein jake uske shot se bach sakte hain. Ye tarkeeb istemaal karne mein thoda samey lag jayega kyunki ye asaan nahi hain. Lekin isse aapko bahot jyada faayda ho sakta hai. Dabaav Dalna Kai Railguns aise hote hain jo cover se andar-bahar karte houe shots lagate hain. Aisa hi camp karne waale Railguns ka shikaar karna kathin hota hai. Un tak pahunchna bhi aasan nahi hota, kyonki aap ko dhyaan mein rakhna hota hai ki aap kahi galti se uske drishtikon mein na aa jaye. Jab tak aap aise ek Railgun tak pahunchte ho, tab tak wo aap ke chaal se jagruk ho jata hai. Aisa waqt aap ko aap ke hull ki madad se sirf uss Railgun ko ishaara dena hota hai ki aap uski taraf aur nasdik aa rahe hain, aur aisa karte hi wo apne shot ki warm-up shuru kar deta hai. Lekin aap isi ka upyog karke thair sakte hain aur uska shot bekaar kar sakte hain. Iss tarah se usko jokhim uthane ki chunauti de kar aur shot ganvane ke liye fuslakar aap Railguns se jeet hasil kar sakte hain. Railgun ke Hull ko Dhakelna .Kai baar hull ke weight ke upyog ko nazarandaaz kiya jata hai. Hull ke aaghat aur turret ke impact force ka milan kisi bhi Railgun ke nishaane bigaadne ke liye kaafi hota hai. Titan ka weight jyada hone se wo ismein maahir hai lekin light hulls bhi kam nahi, kyonki inke gati se bhi inka aaghat teevra ho jata hai. Railgun ke baajuon mein dhadak dene se unke nishaana par asar ho sakta hai aur ye baat dhyaan mein rakhni chahiye. Chaliye akhir mein modules ko dekte hain.. Griffon T-A: Railgun, Thunder aur Shaft se protection dene waale Griffon T-A ka module ek acchi pasand hai bade-bade maps ke liye. Madhyam maps mein bhi ye accha pradarshan karta hain aur Tanki mein se sabse acche Trio modules mein se ek hai. Shark T-B: Railgun, Smoky aur Vulcan se protection. Ye ek aisa module hai jo Tanki ke sabse jyada impact force karne wale turrets se suraksha deta hain. Kodiak T-B: Railgun, Twins aur Firebird se protection. Iss module mein sabhi tarah ke range waale hathyaaron se suraksha milti hai aur ye kisi bhi map mein accha hai. Grizzly T-J: Ek aur impact force wale weapons se suraksha karne wale module. Grizzly T-J, Shark T-B mein Vulcan ki jagah Hammer daal deti hain. Ye ek uttam pasand hai. Griffon T-D: Railgun, Thunder, aur Smoky se protection. Ye module madhyam se lambe range ke maps ke liye bahot upyogi hai. Kisi bhi prakar ke khiladi ke liye upyogi. Ursa T-B: Railgun. Smoky, Ricochet se protection. Ye thodi Griffon T-D jaisi hain lekin iss module ke protection madhyam range ke hathyaaron par kendrit hain. Isi ke saath iss ank ka aatmaraksha ka lekh khatam hota hain. Asha hai aapko iss lekh ko padhke jaankari mili aur ab ap Railgun ka aur acchi tarah se saamna kar payenge, aur apne battles mein dhoom machayenge. Aapse agli baar ek aur naye, anokhe lekh ke saath mulakaat hogi...

Not for all but, for some it's really a good thing to know their K/D. Most of the other game's clans check a player's K/D before the allow the players to join. So in Clan's factor this is definitely a plus point. In the other hand. It is a hobby of many people. And for randomers like us. It's just a cool thing to know your K/D. It shows how us Randomers perform in normal battles without thinking about the K/D at all.

can't

I think there's a shortage of braincells :huh:

Ye baat se mein razi nahi. Accha houa ki kits pe extra discount mila band kar diya gaya. Iske karan kits buyers ke liye aur bhi saste ho jate the. Aur to aur inko khareedne pe ab supplies bhi nahi milte. Jo ham sab nahi chahte ki koi use kare

Thode samay pehle humne dekha tha ki Patch Update #445 ke dvaara M0 hulls aur turrets ke micro-upgrades ko 50 se 10 tak kar diya gaya hain. Iss baar bhi thoda aisa houa hain, lekin iss patch update mein aur bhi bahot kuch hai. Chaliye vistaar mein jante hain. Abki patch update #449 mein khel ke liye Micro upgrades aur Alterations par adharit updates aaye hain. M0/M1 Turret aur Hull ke Micro-upgrades Pichle update se thodi milti julti hain. Pichli update chhoti thi isliye hamne uspe article nahi kiya tha. To chaliye dono updates ko ek sangath samajh lete hain. Jaisa hum jante hain -- abhi agar ham apne hull turret ko micro-upgrade karte hain to unki sankhya 50 steps hoti hain. Har ek 'step' mein hull/turret thoda thoda behtar banta jata hain. Ab ye update aane se M0 aur M1 cheezon ke micro-upgrade har 'step' se jyada maatra se sudhrenge. M0,M1 turrets aur hulls ke liye micro-upgrades sirf 10 steps ke honge. 10 steps hone ke bavjood 10/10 hone par aapka turret bilkul 50/50 jaisa ho jayega. Yaani M1 aur M0 , M2 aur M1 ke samaan honge. Pehle kisi bhi modification ke turret/hull ko 50/50 micro-upgrade karne ke liye uss modification ki asli keemat se kaafi jyada crystals dene padte the. Ab ye keemat agle modification ke barabar hogi. Issey ye labh hoga ki naye-naye khiladi jo galti se apni cheezein micro-upgrade karte rehte hain unke jeb mein se jaroorat se jyada crystals na nikle. Phir bhi, agar unhone speed-ups ka upyog kiya, to unke jyada hi paise jayenge, kyonki speed-ups ki keemat har 'step' se dugni ki gayi hai. Isliye agar aapne ek hi baar mein 10/10 MUs kar diye, to pehle jitne hi paise lagenge. Agar aapne apne hull/turret pehle MU kiye the to unke micro-upgrades theek se nayi system mein badle jayenge. Matlab agar aapke Railgun M1 pe 25/50 thi to wo ab 5/10 ho jayegi. Pichle update ke 5 micro upgrade abhi ke 1 micro upgrade ke barabar hain. Yaad rakhein, abhi bhi koi modification full micro-upgrade hone par bhi utna hi accha hoga jaise pehle tha. Alterations ka Kiraya Alterations ke baare mein jyada kuch nahi. Par jitni khabar hain wo bhi badi acchi aur lajawab hain. Tanki ne alterations ko khel mein lake hamare khel mein ek prakar ki vividhta layi. Jab alterations Tanki mein aye thein tab alterations ke liye hamare paas 2 options the. Ek alteration ko khareed lena aur doosra alterations ko kiraye par leke unpe test karna aur phir khareedna. Kai karano se iske liye aapko inhe real money se kiraye par lena padta tha. Iska karan kya.. ? Hume nahi pata. Lekin ab ye baat Tanki ne badal di hain. Ab aap alterations khareedne se pehle unhe kiraye par le sakte hain crystals ke saath. Kisi bhi alteration ka kiraya ab 5,000 crystals hai, aur 5,000 crystals bharne par aap ko wo alteration 24 ghanto ke liye diya jaata hain, taaki aap nirnay le sake ki aapko wo pasand hai ya nahi. Ye update sabse accha hain kyuki ab aap bina kisi andaze ke alteration nahi khareedenge. Ab aap rent kiye gaye alteration ka adhyayan karke phir khareed sakte hain. Iska ye bhi fayda hain ki agar aapko kabhi kisi alteration ki badi jaroorat pade aur aapke paas wo na ho to aap ussey 24 ghanto ke liye kiraye par le sakte hain. Balance ke liye Badlaav Tanki ne sare modifications ke turret/hull ke health/damage ki maatrayein badli hain. Lekin M3+ ya M4 pe inmein koi bhi badlaav nahi laya hai. Badle hue stats ko dekhein to chhote modifications ki taraf ek jhukaav dikhta hai. Damage aur health mein badhaav laya gaya hai, wo M0 se leke M3 tak kam maatraon mein dikhaye deta hai. Issey samajh aata hai ki jab M1 khiladi M2s ke saath khele ya phir M2 khiladi M3/M4s ka saath khele to uska kam nuksaan hoga. Stats mein gehrayi se udaharan ke liye Thunder ka damage dekhte hain. M0 modification par Thunder ka damage 34% badha hai, M1 par 18%, M2 par 11% aur M3 Thunder ka keval 4% se. Aisa hi jhukaav Hammer ya anya turret aur hulls ke stats mein hai. Sabhi M3 hulls aur turrets ka health/damage ausat 4-5% se hi badha hai isliye M3-M4 ka antar ghata hai lekin bahot kam maatra se. Kuch mamlon mein visheshta nazar aati hai, jaise ki ab M0 heavy hull ka HP M4 light hull ke samaan ho chuka hai. Aarthik Badlaav Sales ka ab kits ki keemat par asar nahi hoga. Iska matlab hai, agar aapko yaad ho, to aapko pata hoga ki personal discounts/sale discount kits ke andar alag se kam kar diye jate the. Yaani agar aapke paas Thunder M3 ke liye 51% personal discount hai to wo discount kisi kit mein jisme Thunder M3 ho usmein se bhi kam kar diya jaata tha. Agar aapne kisi kit ki cheez pehle se 50/50 MU kar rakhi ho phir bhi aap ko uss kit ke andar uss cheez ke liye -100% nahi milega. Isi ke saath ab product kits ko khareedne par milne waali muft ki supplies ab nahi milengi. Ab tak kisi bhi kit (supply kit ke alawa) ko khareedne se aap ko adhik labh hota tha inn supplies ki vajah se. Aakhir mein, garage mein hote hue "bulk discounts" ko bhi khel se nikaala gaya hai. Ye wo discounts the jo vahi modification ke adhik hull aur turret khareedne par badhte the, lekin ab wo nahi rahe. Aakhir mein bas itna hi kehna chahunga ki ye saare updates apne ek kaaran ke liye khaas hain. Bina kisi vajah se inko nahi laya jaata aur hume ye baat samajhni chahiye. Alterations ki update se lagbhag sabhi khush honge, baaki sab ka virodh ho chuka hai. Isi ke saath iss lekh ka samapan karna chahunga, aap ki pratikriya jaroor likh dena.

-391

So much love.. I cant take it :wub:

Kareeb ek-do hafte pehle, humne tanki mein ek Supply experiment ka anubhav kiya tha. Iss saptaant mein bhi humne pichle prayog jaisa ek aur nazara dekha.. Chaliye vistaar mein baat karte hain... Supply experiment, Tanki mein kai karanon se hua tha. Supplies ke istemal se aap samanya khiladi se 4 guna takatwar ho jate hain. Kaise? Double Damage aur Double Armor dono ke sath upyog karne se. Aur upar se aap Speed Boost ke sath Repair Kit ka bhi istemaal karte hain jo ki aapko apaar shakti de deti hai doosron ke mukable, isiliye iss naye system ke mutabik aap takatwar to ho rahe the lekin kam samay ke liye. Supplies ka sakriya samay jo kam kiya gaya tha. Anek maatrayein badli gayi thi. Chailye ab iss ke baare mein jaankari prapt karte hain. Prayog ke baare mein Jaankari NOTE: Ye badlaav PRO battles ke liye lagu nahi the. Repair KitCooldown: 60 seconds Smart Cooldowns: 50% kam Double ArmorLambayi: 30 seconds Cooldown: 30 seconds Smart Cooldowns: 50% kam Double DamageDuration: 30 seconds Cooldown: 30 seconds Smart Cooldowns: 50% kam Speed BoostLambayi: 30 seconds Cooldown: 30 seconds Smart Cooldowns: 50% kam MineCooldown: 45 seconds Smart Cooldowns: 50% kam Saath hi cooldown mein ek badlaav hua - Cooldown respawn ke baad apne aap poora nahi ho raha tha. Battle shuru hone par - Sabhi supplies ka cooldown shuru ho rahe the. Ye cooldown sadhaaran cooldown ka 1/3rd samay tha. Pehle prayog se antar - Smart cooldowns rakhe gaye lekin thode badle gaye. Cooldowns bhi badle gaye lekin #1 prayog se kam maatra se. Prayog ki maatraon se pata chalta hai ki pehle prayog aur abhi ke Supplies se thode ansh liye the iss prayog mein. Prayog se hua Parinaam Experiment ke dohran aap sare supplies ka upyog ek saath kar sakte the, bina zyada der intezaar kiye. Iska aap badi acchi tarah se labh le sakte the. Lekin iska dosh ye tha ki aap mukhya teen Supplies (Double Armor, Power aur Speed Boost) ko ek saath sirf 20 Seconds ke liye upyog kar sakte the (agar teeno mein se koi bhi Drops se nahi mila ho to, DA, SB aur phir DD iss kram mein). Aur ek baar sabke khatam hone ke baad aapko jyada samay tak apni skills pe nirbhar rehke apna bachav karna pada. Iss experiment ne smart cooldowns ko badi tarah se pichey kar diya. Aisa laga ki smart cooldowns the hi nahi. Lagbhag 15 seconds mein aap 2,4,3 ya phir 3,4,2 iss kram mein Supplies ka upyog kar sakte the. Lekin is experiment ne supplies ke beech cooldown badha diya tha, taaki aap ek saath Supplies ka upyog kar sakein, lekin aisa karne baad aapko thoda rukna padein. Iska matlab ye hi hua ki aapne agar ek baar mein 2,3,4 use kar liye to ab thode time ke liye kripaya karke shant rahe aur apne supplies ko cool down hone de. Aur to aur aap respawn hone ke baad bhi is cooldown ko apne paas rakhe. Battle mein enter hone ke baad Supply ka upyog na kar pana accha tha. Iske karan aap sidha supply ka upyog karke marte nahi par aap ye jaan pate ki apne dushman kya kar rahe hain aur kis tarah se unka virodh kiya jay. Ek tarah se ye hame kehna chahta hain ki bina kisi jaankari ke aap hamla na bolde aur apni Supplies ka sahi tarah se sahi dimag se upyog karein. Isi ke saath, agar teams mein asantulan ho to khel ko ek-tarfa hone se ye badlaav kabhi bacha raha tha. Doosri taraf iske karan aap battle mein aake apne khel ki tezi se shuruat nahi kar sakte. Matlab? Jaise agar aap base defender hai to aapka kaam sirf Mines rakhna aur apne base ki raksha karna hota hain. To iske karan aap ye nahi kar pa rahe the. Asan shabdo mein, ye battles ko sahi mein shuru hone mein thoda samay rokta hain. Battle shuru ho chuki hain. Nahi, ruko, supplies aye phir asal mein. Ab aap 2,3,4 ka upyog ek saath asani se kar sakte the - matlab aap ye saare supplies ko saath le sakte the par ek baar kar liya to doosri baar karne mein samay bitana padta tha. Agar marne se theek pehle kisi supply ka galat samay par upyog kiya to respawn hone par aap kamjor ho sakte the. Iske karan aisa lagta hain jaise Supplies apke dost nahi the. Aapke saath ate hain, chale jate the aur phir bahot samay baad wapis aate hain. Ye accha hain unke liye jo apne supplies ka upyog kam maatra mein nahi kar pate. Iske karan aap apne supplies jyada aasani se khatam nahi karenge aur aapko aisa lagega ki aap apne supplies ka asal mein "upyog" kar rahe hain. Aisa nahi ki aap sirf Supplies ka upyog karne se jeet sakte hain. Je haa Supplies aapko jaroor takatwar banati hain par uske saath apko apne taraf se bhi kuch lagana padta hain. Thoda to apne dimag ka bhi upyog jaroori hain. Aur jo kehte hain ki Supplies skill ko harate hain. Waisa dekha jaye to inka saamna kar pana hi skill hai. Main khud ek drugger hone ke nate kehna chahunga ki kuch bhi ho jaye, druggers ka virodh karne waale kai honge, aur ve bina smart cooldowns ke Supplies ya phir ulta hone par bhi virodh karenge. Main khud jab unka saamna karta hu tab hamesha battle mein wo ek player hota hain jo apni skills ka upyog karta hain aur druggers ke samne chunauti rakhta hain. Aakhir mein Tanki ke kadmon ko salaam. Inn dono experiments ki vajah se bahot data aur kai prakar ki pratikriyayein mili hongi. Meri taraf se itna hi ki koi bhi tarah se Supplies ko badla jaye, hamesha unhe sahi tareeke se istemaal karna hum khiladi jaan lenge. Mujhe ummeed hain ki aap sabne Supplies ko nayi tarah se istemaal karke dekha ho, aur dekhte hain aage Supplies ke saath kya kya kiya jaata hai.

Gold Rain https://www.youtube.com/watch?v=rAzIv2DT6m

https://www.youtube.com/watch?v=rAzIv2DT6m

When you end a match with an unexpected double kill

Aise kai sare khiladi hain jo apne samay sirf Tanki Online khelne mein nahi, balki doosre khiladi acchi tarikey se khel paye aisa chahte houe community ki madad karte hain. Inn khiladiyon ke samooh ko Tanki Online Helpers ke naam se jaana jaata hai. Chaliye jante hain inn khiladiyon ke baare mein. Niche hain kuch Tanki Online Helpers ke samooh aur unke baare mein jaankari. Chat Moderators Inka naam sunke hi inke kaam ka andaza aa jata hain. Ye wo helpers hain jo Tanki Online ke server (lobby) chats ki dekh-bhal karte hain. Inka kaam hain khel ke chats mein sabhi niyamon ka palan karna aur karana. Niyamon ka ullanghan aur logon ka anadar karnewaale logon se ye nipat-te hain. Kisi bhi chat se sambandhit sthiti par inka niyantran hota hai. Inn sthitiyon mein aam khiladiyon ki madad karna bhi unka kaam hota hai. Inse judne ke liye inhe aap server chat se public message kar sakte hain. Ye ghanto-ghanto tak server chats ka pehra rakhte hain. Kuch din pehle tak ye forum ke Chat Violations section mein likhi shikayaton par bhi kaam karte the, lekin ab ye prakriya roki gayi hai. Wiki Editors Samay ke saath, din bar din ek ek update aate jaa rahe hai. Forum Mods ke jaise hi, Wiki Editors Official Tanki Wiki ko sambhaalte hai. Har update ke baare mein bataate hai. Agar aap dhyaan de, to aap dekhenge ki har turret, hull, protection module ke baare mein jaankaari milegi Wiki mein. Wiki vahi jagah hai jaha aap har Offical News ke baare mein dekh sakte hai, jaan sakte hai, aur Tanki ke baare mein sab kuch jaan sakte hai. Ek tarah se Wiki Tanki ka gyaan bhandaar hai. Chaliye milte hai Wiki Admin se, aur jaante hai unke apne kaam ke baare mein kya vichaar hai.- Wiki Admins Wiki Editors ke jaise hi hote hai, fark itna hi hai ki hamaara kaam hota hai Wiki Editors ko unke jaroorat ki vastuein pradaan karna, aur har cheez ko up to date rakhna. Har wakt koi na koi kaam hota hai, Candidates par dhyaan dene se lekar ek page ko re design karne tak, is kaaran aisa kabhi nahi hua ki mujhe koi kaam na ho. Mai hi baaki saare communities ke Wiki Admins ke saath sampark sthaapit karke ye dhyaan mein rakhta hu ki har Community ka Wiki Up to date hai aur sync mein hai. Battle Moderators Hum sabhi ne ek baar to "Vote Command" (/vote PlayerNickname) ka upyog kiya hain. Par hamari madad ki pukaar kisi ne nahi suni... iska karan ye hain ki Battle Moderators sabse vyast helpers hain. Ye log hamesha ek battle se doosre battle mein jaate rehte hain. Jab kabhi bhi battle ke 25% log vote command ka istemaal karta hain tab inn Moderators ko wo battles highlighted nazar aati hain (aur wo bhi, jinmein ek hi IP se ek se jyaada tanks khel rahe ho). Ye log battle ko rukaye kiye bina battle mein spectator mode se aagman karte hain aur dekhte hain ki jiske khilaaf shikayat thi wo kya sahi mein niyamon ka ullanghan kar raha hain ya nahi. Battle Moderators, ya phir BMs, inki vajah se hi aam khiladiyon ko mults aur sabotage karne waale khiladiyon se chhutkara milta hai aur inke 50-60 ghante prati saptah ke kaam ki vajah se hi hum aaram se battles khel sakte hain. Inka kaam kuch desh ki fauj jaisa hai. Janta ki aakhon se door, lekin bahot mahatvapoorna! Aap inke baare mein iss lekh mein aur jaan sakte hain - Battle Mods ka Vishleshan. BMs ke lagatar pehredaari ke beech bhi, durbhagya se, kuch niyamon ka ullanghan karne waale chhoot jaate hain. Lekin, idhar aap bhi unse nipatne ki prakriya mein jud sakte hain. "Game Violations" ke section mein unhe aap report kar sakte hain. Idhar aap gunehgaar ke naam aur gunah ke saboot ko saamne la kar BMs ki bahot madad kar sakte hain. BMs ke kaam ke kuch udaharan dekhein - idhar. Facebook Moderators Agar aapne "Official Tanki Online Facebook Page" ke baare mein nahi suna hai, to accha hoga agar aap uska chayan kar le. Abhi tak iss panne ko 2,46,360 logon ne 'like' kiya hai aur sekdon log isse labh lete hain. Facebook se Tanki ke saath rehna ek bahut hi accha anubhav hai. FB page pe Tanki ke sabhi updates aur khabron ko post kiya jaata hai. Isp Page ko Facebook Moderators ki team sambhaalti hai, aur wo bhi bahut acche se. Yahi log Event Helpers ke saath milkar aap logon ke liye Spardhayein aayojit karte hai. Kisi bhi Update ke baare mein yadi aapke paas koi savaal ho, to aap comments mein poonch sakte hai. Bahut jald uttar mil jayega. Itna hi nahi, aap Personal Message ke dwaara seedhe seedhe in tak pahunch sakte hai. Ek din ke hi andar aapko uttar mil jayega. Forum Moderators Forum Moderators, Chat moderators ki hi tarah ka kaam karte hai. Jaise Chat moderators chat ko sambhaalte hai, inka kaam mein Forum mein ek acha vaatavaran banaye rakhna. Forum Moderators poore Tanki Online Forum ko sambhaalte hai. Unke kayi saare kaamon mein se kuch hai, Archiving, Posts ko badalna, jaroorat na hone par hide karna, Topics approve karna, disapprove karna, Posts/Topics move karna ya hataana, Violated Content wale posts se nipatna, ityaadi. Inmein se hi kuch log kuch vishesh forums ki dekhbhal karte hain. Jaise ki Ideas & Suggestions ke forum par vishisht curators ideas aur suggestions par apni rai dekar unhe developers tak pahunchate hain. Problems aur Solutions ke forum mein bhi ye khiladiyon ki sahayta karne mein lage rehte hain. Help Site Consultants Tanki Online ke thode kam jaane-maane lekin mahatva rakhne waale helpers ka samooh - Help Site ki dekhbhaal karne waale. Help Ste consultants help site par likhe prashnon ka uttar likhte hain. Aksar poonche jaane waale prashn aur unke uttar bhi help site ki folder vyavastha mein tikaye rakhne ki jimmedari bhi Help Site consultants ke haathon mein Tanki Online ne thaami hai. Aapke prashno ka uttar sheeghra dena unka kaam hai aur niche diya gaya image unke iss kaam ka saboot hai. Newspaper Reporters Agar aap iss lekh ko padh rahe hain to aapko iss samooh ke baare mein jaankari to hogi hi. Reporters, yaani ki patrakaar ye Official Tanki Online Newspaper ke vibhaag mein apna kaam karte hain. Inmein hain English, French, Arabic aur Hindi bhasha mein likhne waale patrakaar. Reporters ye apni kalam se aam khiladiyon ka maargdarshan karte hain, unke liye kahaaniyan, aur naye Specials ke vibhaag ke antargat vistrit update reviews bhi uplabdh karte hain. Iske alawa hote hain jaankari se bhare anya lekh aur pratiyogitayen, jismein khiladiyon ko crystals jeetne ki chunautiyan prapt hoti hain. Saath hi saath, Amateur Writing Section, jo akankshi lekhakon aur kaviyon ke liye jagah hai, uski dekhbhaal bhi Reporters hi karte hain. eSports Moderators Tanki Online jaise bhavya MMO khel ki duniya mein pratispardha ka mausam sabhi taraf hota hai aur isi vajah se TO mein eSports phaila houa hai. eSports yaani ki clans, tournaments (jaise ki aane waali Domination Series II), aur bahut kuch. eSports moderators ka kaam hota hai aise hi tournaments ki shuruaat karna, unki pragati karna aur khiladiyon ko unmein bhaag lene ka protsahan dena aur madad karna. eSports battles mein referee ki tarah nyay karna aur clans ki nigrani rakhna bhi inke kaam ke bhaag hain. eSports Moderators ke samooh ki bhi kai vibhaag hain - jaise ki Clan Moderators, Officials, Broadcaster, Commentators, adi. Clan Moderators sabhi clan aur unke clan page par hote kaamon ka dhyaan rakhte hain. eSports Broadcasters apne spectator mode ke saath eSports ki uttam matches ko record karte hain, unhe eSports ke YouTube channel par livestream bhi karte hain. eSports ke commentators unhi matches mein apni awaaz ki madad se videos ka saath dete hain aur battles ki sthiti hume samjhate hain. Designers Designers ek alag hi helpers ka samooh hain. Shayad sabse kalaatmak, kyonki inka kaam hai apni kalakaari ki madad se doosre kshetron ki madad karna, jaise ki Newspaper mein har lekh aur pratiyogita ke upar waale chitra taiyar karna. Designers ka samooh jyadatar Creative League se chuna jaata hai. Inn Designers ki kala pradarshan ke panne jaroor dekh lena. Creative Section ki dekhbhaal karta hai @eragon33, jo ek Designer hai aur Creative League ka administrator bhi. Inke netritva ke neeche Designers, Tanki Online aur uske kai vibhaagon ko apne images aur videos se sundar banate hai! Event Organizers Agar aapne Tanki mein Events ke waapsi ke baare mein nahi suna hai, to aapko Events' section dekh lena chahiye. Mine Hunt, Shooting Range, jaise sparthayein, Crystals kamaane ke ek acha zariyaa hai, asli battle khele bina. Event Helpers' ke team Tanki ko sirf Tanks ko phhodne se zyaada mazedaar banati hai. Event helpers inn events mein khiladiyon par niyantran rakhte hain aur poora event sabke liye ek accha anubhav rahe aur wo bina kisi rok-jhok ke beete ispar khaas dhyaan dete hain. Aapne dekha hi hoga ki aisa karne ke liye ye vishesh Event account ki madad lete hain. Sunte hai Event Administrator @Nikk se. Nikk - Event Administrators ka kaam kabhi kabhi mushkil hota hai, par mazedaar hota hai. Mai apni team ko manage karta hum ye dhyaan mein rakhta hu ki koi pareshaani na ho, Notifications pe dhyaan deta hu, Events link Fb page pe post karna, Event Accounts manage karna, ityaadi mera kaam hai. Haa, mai bhi Events Organization ka bhaag hu, aur kabhi kabhi khud bhi khelta hu, players ke saath ache lamhon ka aanand uthane ke liye. To, kya aapko ab sabhi helpers ke baare mein, unke kaam ke baare mein jaankari mil gayi? Ummeed hai ki aapko iss lekh ko padhkar kuch naya sunne ko mila ho. Aapki pratikriya niche dijiye aur dhyaan rahe ki aap inn helpers ko apni taraf se sahayta karne ki koshish karein! Kuch bhaagon mein aur ek guest lekhak ka yogdan.

what is this ? :blink: Lamborghini viking ?

Clan War Souls vs TGB

Clan War Souls Vs TGB

Make RU1 Great again :rolleyes:

This is when i question indians, Do you know the meaning of raps ?

B)

Np ^^

The freezing of the screen can be caused due to "Critical Error", in this case , to remain in the battle. you should quickly close and reopen the client. Sometimes it is not visible on the center of the screen. it maybe somewhere else where it cannot be seen. The Remember me error isn't much of an error if you have more than 1 Account on remember, to make it easy to swift between accounts. Developers added a feature to add more than 1 account on remember list. Other than that. Maybe the frequent usage of cleaners that deletes cache. To prevent this from happening. Just uncheck the box of Clearing Cache and everything should be normal.

Not only you, But everyone in this game faces this type of problems. I agree that shaft is OP but considering it's minor usage. It is fair that the weapon has received some buff to it's damage. Everyone now and then weapons need a little buff to make them equal and adaptive to the rest of the weapons. Maybe this time the damage has been increase, maybe next it will decrease. You never know. The thing you need to do is get used to these and counter shafts. Shaft's weakness are many. Like it can no longer go long in vertical/horizontal aim. Cut around edges to make it difficult for them to hit you. Just as that learn to defend yourself against different weapons. Just wonder devs nerf shaft. What will the effect be on shaft's users ? obviously negative feedback. So as there's two sides of everycoin. The update has it's own pros and cons.

Aww, Thats Cute :wub:

Pichle ank mein hamne Striker se khelna seekha. Ab ki baar, humne Isida ko chuna. Isida ko pichle kai updates mein bahot badla gaya hai, aur naye Isida se khelna khiladiyon ke liye chunauti ban gayi hai. Iss baar chaliye dekhte hain Isida ka kaise upyog kiya jaye. Mool Baatein aur Upyogi Tareekey: Isida, Tanki ka ekmev turret jo apne teammates ko heal kar sakta hain. Isida ki bhoomika Tanki mein ek medic jaise hain. Lekin iske nanobots ke pass bahot damage karne ki bhi kshamata hain. Iska sahi upyog aur aap battle ke sabse prabhavi khiladi ban sakte hain. Chaliye aur jante hain. Isida chalane ke 3 prakar hote hain, aur inme se do hi prakaron mein nanobots ki beam vastav mein dikhti hai. Free Fire - Jab aap kisi tank ki taraf nishana saadhe bina space bar dabate hain. Tab Isida 'Free Fire' karta hain. Iss dohran energy 20 Seconds tak tikti hai. Heal - Jab aap CTF, TDM ya CP ke team battle mein apni team waalo ke taraf shoot karte hain, tab aap ke team ke uss khiladi ki health badhti hai. Heal karte houe energy 10 Seconds tak rehti hain, aur uske baad aap ko energy reload hone ke liye rukna padta hai. Healing karte samay aap ki beam neele rang ki hoti hai (M3 par hare rang ki). Damage - Jab aap apne dushman ki taraf dekhte houe shoot karte hain tab Isida unhe automatically Damage karta hain. Damage karte dohran energy 5 Seconds tak rehti hain. Dushmano ko nuksaan pahunchate samay aap ki beam peeli, narangi ya laal rang ki hoti hai. Dhyaan rahe ki agar aap lagatar heal ya lagatar damage nahi kar rahe ho, to energy 5 ya 10 second nahi tikegi, balki aap kitne der ke liye kaunsa kaam kar rahe hain, iss par nirbhar hogi. Isida ke saath aap ek baar mein 1000 energy kharch kar sakte hain, aur healing ke liye 100 prati-second aur damage ke liye 200 prati-second aisi wo energy kharch hoti hai. Ab jo aap jan chuke hain ki Isida kaise kaam aata hai. Ab dekhte hai iska sahi upyog kaise kiya jaye. Isida battlefield mein bahot bada kirdar nibhata hain. Isida ke sahi dhang se kehlne se battle ki disha badal sakta hain. Isida ko dhyaan mein rakhna chahiye ki uska sabse bada kaam apne teammates ko heal karna hain. Iss dohran aapko bilkul damage liye bagair chalna hai, kyonki ab self-healing ka function bhi Isida se nikal diya hai. Pehle ke Isidas health kam hone par dushmano ke kamjor tank ko damage karke apni health badha dete the, aur phir apna kaam karna shuru kar dete the. Lekin ye takneek ab nakaam ho gayi hai. Par bilkul damage liye bagair? Kaise? Agar aap apne teammates ko heal kar hi rahe ho to agar wo damage le aur aap heal karte rahein to ye accha hain. Aur tabtak aapka saathi same wale dushman ko mardega. Phir aap ussey acchi tarah se heal karde. Heal karte samay apni tank ko apne teammate ki tank se aise disha mein rakhein ki aapke dushman ka damage sirf aapke teammate ko ho aur aapko na. Lekin ye bhi dhyan mein rakhein ki aap ka saathi aap ke attack cone se bahar na jaye. Agli 'trick' bhi hai mahatvapoorna. Ismein aap ko kisi prop ke aadhar se ya phir aise hi khade reh kar auto-aim ke angle ki madad se door se heal/damage kar sakte hain. Tanki Online ke har turret ke paas auto-aim angles hote hain. Waise hi Isida ke pass bhi ye anumati hain. Isida ke cone angle ki maatra hai 20 degrees. Iska upyog kaise karein? Iski madad se aap apne upar/nichey waale dushman/dosto ko heal/damage kar sakte hain aur apna samay bacha sakte hain. Iss auto-aim cone ka upyog Rio, Noise jaise maps mein bhi bahot mahatva ka hota hai. Badhte houe, Isida ke nishaane ke baare mein baate karenge. Isida ki range itni badi nahi hai, lekin iska sahi upyog badi acchi tarah se kiya ja sakta hain. Agar aap kisi tank ke kone ko bhi door se shoot kare to bhi Isida ka damage lagbhag utna hi hota hai jab ki tank uske nazdik ho. Isida ka damage Freeze aur Firebird ke jaise kuch antar ke baad ghat-ta nahi hai. Aasan shabdo mein, tank ke kisi bhi part par nishaana saadhke Isida wahi maatra mein heal/damage kar sakti hain. Iska upyog aap angled shooting mein use kar sakte hain. Aur apne nishaane se doori rakhne mein bhi ye kaam aata hain. Gameplay mein: Pehle to ye jaane ki Isida ke saath ek hi team ke khiladi ke saath rehna accha nahi. Vulcan (jalan ki vajah), Thunder (self-damage ki vajah) aur ab Twins jaise turret ke khiladiyon par khaas nazar rakhna accha hota hai, kyonki yahi wo turrets hain jinhe jyada baar aap ko heal karna padega. Lekin, iska matlab ye nahi ki aap unse hi chipke rahe. Vulcan aur Isida ka upyog karne waale do saathi ek saath kai maps mein poora base suraksheet rakh sakte hain, lekin phir bhi ek Isida ke bhoomika aap poori tarah se nahi nibha payenge. CTF mode mein aap ko sabse jyada samay hamlavar aur rakshak khiladiyon ko hi heal karna chahiye. Battle mein sabse prabhavi yahi hote hain, aur inhe zinda rakhna jyada mahatva ka hai. Jyadatar aap ko dushman ka flag nahi lena chahiye, balki hamlavar khiladiyon ke saath jate waqt unke piche jana chahiye. Agar jaroorat ho to Isida ko bhi nuksaan pahunchane mein madad karni chahiye. Isida ke khiladi ho kar bhi aap ka PSD (prati-second damage) baaki short-range turret se jyada hai, isliye agar aap ke paas energy ho, aur aap ka saathi agar apna Railgun ya Thunder jaisa turret reload kar raha ho, to kabhi kabhi dushman ko shoot karna sahi hota hai. Damage aur healing mein santulan rakhna chahiye. CP mode mein Isida ko wahi point par jana chahiye jidhar uske team ko sabse jyada kathinayi ho rahi ho, taaki wo healing ke saath capture aasan kar de. Khaas taur par, agar point aap ke team ka ho, to unhi khiladiyon ko pehle heal karein, jinka PSD jyada ho ya phir wo point par jyada tik sakte ho. Jaise ki ek Titan ya Mammoth jinpar Twins ya Smoky jaise turrets ho. Agar aap point capture karne team ke saath ho, to Striker jaise turret ko pehle heal karein, kyunki Striker ek hi scope shot mein dushmano ko tabah kar sakta hai. Isida ke Saath Har ek Hull ka Upyog Ab jante hain Isida ka upyog sabhi hulls ke saath, ek ke baad ek. Wasp Wasp ki tez gati aur chusti aur Isida ki healing battle mein bahot kaam aa sakti hain. Wasp ke upyog se aap poore map mein kidhar bhi pahunch sakte hain. Wasp ke saath Isida ka upyog jyadatar healing mein hi kaam ayega, damage karne jaoge to dushman ke haath ki mar khaoge. Wasp ke saath Isida ke sahi upyog bahot keemti ho sakta hain. Iss combo ko aap bade CTF maps par kaafi paoge. Hornet Hornet Isida ke saath bahot dikhayi deta hain. Adhiktar Wasp jaisa prayog theek hain. Lekin Hornet mein thoda bahot nuksaan pahunchane ki bhi kshamata hain. Baaki Hornet Isida ke saath acchi jodi bana leta hain. Ye combo bade aur madhyam maps mein bahot dikhta hai aur iska ek kaaran hain ki iska ek M2 kit hai, Stinger aur M3 kit bhi hai, Healer. Hunter Hunter ek aisa hull hai jo Hornet aur Wasp ka hybrid lagta hain, iski raftaar aur drift ki vajah se. Asal mein to ye Dictator aur Viking ke beech hai, kyonki iski raftaar sabse madhyam hai, aur iski acceleration bhi. Hunter iss khel mein kam upyog kiya jata hain. Iske acchi height aur madhyam stats ki vajah se ye Isida ke saath uttam mel karta hai. Height ke kaaran aap auto-aim ka accha istemaal kar sakte hain. Lekin Hunter pe turret thodi piche ki taraf hoti hai, isliye apna tank ulta chalayein kyunki issey thodi jyada range milegi. Madhyam stats hone se ye Isida ka santulan banaye rakh sakta hai aur tarah tarah ki bhoomikayen nibha sakta hai. Viking Medium hull mein sabse tez Viking Isida ke saath sabse jyada upyog kiya jata hain. Viking ki shaandar speed aur health ke karan Viking hamla aur raksha dono mein lajawab hai. Agar aap Viking ko Isida ke saath hamesha hamle mein upyog kare to bhi ye accha hai. Viking ki height se auto-aim karna thoda kathin hai phir bhi Isida iske saath bahot upyogi hai. Isida ke saath Viking ka jaroor upyog karein, kisi bhi map ke liye accha hai. Dictator Dictator, naam sunte hi lambayi yaad aati hain, aur lambayi sunte hi auto-aim ki yaad aata hain. Jee ha, Dictator auto-aim ke saath sabse accha hain. Lekin, doosri taraf agar dushman ya saathi aap ke nazdik ho to aap ki beam kabhi kabhi unke tank tak pahunch nahi paati. Dictator ka tezi mein thoda maar kha jata hai aur poore map mein jald nahi ghoom pata aur ye accha nahi. Flag ki raksha mein upyogi hai lekin ye bada hone se heal karte waqt chhip nahi pata. Titan / Mammoth Ab baat aati hain Isida ka upyog heavy hulls ke saath, Titan aur Mammoth, dono hi badi acchi tarah se isida ke saath upyog kiye ja sakte hain. Ek minute... Isida..? Wo bhi heavy hulls ke saath? Jee haan. Isida heavy hulls ke saath bhi accha pradarshan kar sakta hai agar map chhota ho to. Agar aapne kabhi Legend rank ki Polygon CP No Supplies (NS) battle dekhi hogi to aap ye jante honge ki har team mein kamse kam 1 Isida hona jaroori hota hain. Mammoth aur Titan Island, Farm aur Atra jaise battles mein kaam aate hain. Aur Baat aati hain CTF mein raksha ki, isme to hum jante hi hain Titan aur Mammoth ki kahaaniya. Ab jo aap jan chuke hain ki Isida ka sahi upyog kaise kiya jaye, kin cheezon par nazar rakhi jaye aur konse hull ke saath kidhar khela jaye to jaiye aur apne aap khel ke dekhiye Isida ke saath. Agar aap ko meri tips acchi lagi ho to jaroor batana aur niche apni pratikriya jaroor likhna! Pichle lekh > Striker ka Sahi Upyog <

Gold Box ki ladayi ye Tanki mein ek bada mahtvapoorn khel hain. Agar poore din battle par battle karni ho to kisi ko maza nahi aayega. Gold Box ko dekhte hi sab andhe hoke sirf gold ke piche bhaag te hain. Lekin kya aap isi gold box ka itihaas jante hain? Kya gold box pehle se aisa tha? Aiye jante hain! Gold Box Tanki mein shuruwat se nahi tha. Agar aap jante honge to Tanki mein pehle supply boxes ke saath Crystal Boxes bhi girte thein. Inn crystal boxes ko pakadne par aapko 1 Crystal milta tha jo abhi ke 10 crystals ke barabar hain. Inn crystal boxes ko lene ke liye bhi log bhagte thein. Lekin ye sirf 1 crystals dete the isliye log inhee itna mahatva nahi dete thein. Tab developers ne socha ki kyon na crystal boxes ki tarah hum Gold Boxes bhi rakhein? Tabse Gold Box ki pehchan Tanki mein phaili. Tanki Online 2009 ke June mahine mein release houa tha. Yaani aaj se kareeb - kareeb 8 saal pehle. Tab se leke aaj tak kai sare updates aye hain. Kai pahelian jo samanya hain lakin bohot kam log hi jante hain. Chaliye jaante hain aise kuch baatein... Gold Box Gold Box ye Tanki ki ek vaishishtya raha hain. Aaj kal ke logo ke paas anumati hoti hain Gold Box Supply ka prayog karne ki, lekin isse pehle ye aisa nahi tha. Iske pehle log, kehte rehte "Admin gold pls, Gold bil?" vagera. Ye sab bolne ki baatein hain. Asliyat mein admin gold drop nahi karte the. To aakhir ye dabbey kon drop karta hain? Ab aisa to hai nahi ki koi vimaan maps ke upar ghoomta rehta hain aur ye drop karta rehta hain. Gold Box ek automatic system ke madad se girta hain. Har bar kisi (non-parkour) battle mein kill, capture (point/flag) se jab battle fund badhta hain, tab iske girne ki sambhavna hoti hai. Har 1 crystal se battle fund ke badhne par maano ek bada sa pahiya, jisme 10000 sambhavnayein hain. In 10000 mein se sirf ek Gold Box waali hoti hai, yaani ki 1/10000. To jab bhi aise kisi pahiya mein wo ek sambhavna chuni jati hain tab Gold Box girta hain. Lekin kya wo Gold Box abhi ke Gold Box ke barabar tha? Jee nahi, pehle Gold Box bilkul alag tha. Jab sabse pehle Gold Box ka prarambh houa tha tab uska moolya 1000 crystals rakha gaya tha. Ye baat hai December 2009 ki. Lekin theek uske baad iss maatra ko 100 Crystals bana diya gaya, jo abke 1000 crystals ke barabar hain. Inka moolya 2013 ke rebalance ke dohran aarthik badlaav ke kaaran 1000 kar diya gaya tha. Iska moolya samay-samay par badla gaya, events aur utsav-kaal ke anusaar. Jaise ki 2011 mein Victory Day ke baad houe 'Secret Gold Box' event mein Gold Box ka moolya dus guna badhaya tha, lekin khiladiyon wo ek map dhoondhna tha jismein ye badlaav lagu tha. Ant mein wo map Molotov nikla aur udhar kai saare Gold Boxes gire. Bade Gold Boxes ki madad se bhula diye gaye maps wapas lane ki koshish aur ek baar bhi ki thi, February 2014 mein. Gold Boxes ka aakar aur banavat bhi samay-samay par vividh tarahon se badli gayi thi. Halloween, Naya Saal, April Fools', Valentine's Day aur Tanki Online ke Janmdin ke jaise tyohaaron par inki maatra badhayi gayi aur inki dikhavat bhi tyohaar ke liye badli gayi. Pehle ke saadhaaran Gold Boxes abhi ke Gold Boxes (jo 2014 ke ant se upasthit hain) se bahot alag tha. Uss hisaab se pehle ke vishesh Gold Boxes bhi bahot alag dikhte the. Jaise ki niche ke New Year 2013 aur Halloween 2014 Gold Boxes. Pehle Goldbox bina kahin ishare ke hi gir jata tha, bina kisi notification ke. Bilkul waise ki aap bas ghum rahe ho aur achanak se aapke samne Gold Box girne ki sambhavna thi. Ye tabhi hota tha jab battle fund 700 crystals tak pahunchta tha (ya phir 1400, 2100.. crystals), lekin April 2012 ke baad iss system ko kramrahit bana diya aur Gold Box kisi bhi fund par girne laga. Developers ne 2013 ke rebalance ke baad Gold Box ke girne ke pehle "Gold Box will be dropped soon" ka notification aur uske saath ek siren laya. Ye isliye ki kai baar Gold Box maps ke kono mein girta tha aur bas waha sabhi apne aap aaram karte rehte the, jaise battle khatam hoti, chala jate the. Isliye bhi kyuki Gold Box sabhi ke liye hain, lekin bina notification ke girne ke karan ye sirf mults ke liya ho jata tha. Asli khiladi khelne mein vyast rehte thein aur mults Gold Box drop zones par camp karte rehte thein aur gold box le jate the. Aisa na ho isiliye developers ne notification ka parichey kiya. Notification ke baad saare khiladi gold drop zones ke paas pahunch jate thein aur sab barabar matra mein iska anand le pate thein. Ek minute, Gold Box drop zones? Matlab? Jee han, Gold Boxes ke jaise pehle notifications nahi ate the, waise pehle Gold drop position bhi nahi pata chalti thi. Pehle, har map ke apne-apne drop zones hote the jaha Gold Box girte the. Aur mano-ya-na-mano players ko har ek jagahyaad rehti thi aur aaj bhi legends ko wo sare jagahe yaad hongi. Yaad hongi? Hume to door se hi dikh jati hain. Wo update to haal hi mein aya tha jab saare Supplies aur Gold Box ke liye drop zones ban gayi thi. Pehle drop zones nahi houa karte the. Aur kya kahe ye Gold Box hai hi aisa ki sabko apni taraf kheech leta hai. Kon nahi chahta ek dabbey mein se 1000 crystals lena. Aur ab to ameer log Gold Box rains bhi karte hain. Jitne Gold Box chahiye utne drop karo bina kisi hichkichahat ke. Aur ha, pehle Tanki mein kitne sare hacks hote the. Inn sare hackers ke samne gold lena bohot mushkil hota tha. Lekin shukriya naye adhunik codes ke upyog se hack karna bohot mushkil ho gaya hain. To isiliye shukriya developers ko jinhone hamari khel mein adhunik codes ka prayog karke hacking ko kaafi had tak namumkin kar diya hain. Ye sunne mein to jyada nahi lagta lekin agar aap hi socho aap gold ke bilkul nichey ho aur achanak se ek tank aapke upar se udti aati hai aur aapka gold box le leti hain. Ya phir poore Gold Box lene waalo ke beech, Gold Box aapke upar gir raha hai aur achanak se gold gayab? To hamesha druggers ke hathon se marne ke karan developers se shikayat karne ki jagah aapne jo kal gold box shanti se liya tha uske liye kabhi unhe dhanyavaad bhi keh diya karo. Aur aakhir me, Gold box ki badhti/badalti keematon ka bhi unhone kuch kiya hai. Gold ki badhti/badalti keemat? Ek udhran hoga New Year jab kai baar Gold Box ki keemat aane wale saal ki ho jati hain. Aur badalti? Agar aap nahi jante to April 2015 mein Gold Box ka moolya 100-5000 ke beech rakha gaya tha. Aap 100 se 5000 mein se kitne bhi crystals le sakte the lekin wo kitne hain wo aapke haath mein tha, wo aapke naseeb ke upar nirbhar karta tha. Tanki mein ham sirf ek doosre ko marne ke liye nahi kehlte, hum khelte samaye gold ke kaaran thoda sa manoranjan le sake isliye developers ko shukriya! Gold Box lene ke liye aapko meri taraf se shubhkamnayein.