Naye patch update aur V-Log #133 mein kiye ek ghoshna par lekh, jaroor padhna!

Namaste doston, kaise hain aap log? Achche hi honge, poochne ki zarurat nahi hai. Aaj ki chunauti ko to aapne upar waali tasveer mein dekh liya hoga, nahi? Aaj ka mudda hai - Gold Box! Aaj ka yeh mudda kaafi mazedaar hai, aur chunauti-poorvak bhi. Aapko is chunauti, ya kahun, to teen chunautiyaan hain, jinhe aapko poora karna hain. Aaiye dekhte hain aapko karna kya hoga. Aapko diye gaye map mein, diye gaye kuch drop zones mein se kisi ek drop zone mein Gold Box pakadna hai, aur uska screenshot kheechna hai. Neeche kuch tasveere dee gayi hai, jinmein Gold Drop Locations spasht dikh rahe hai. Chunauti ki taraf badhne se pehle kuch yaad karna hai - Aapke paas uplabdh teen chunautiyaan hai, jin mein se aap koi bhi poora kar sakte hai. Har chunauti ke liye alag-alag Puraskaar hai. Puraskaaron ka chayan Random hoga. Arthaat, aapko kismat ki bhi aavashyakta hogi. Har chunauti ke Teen Vijayta honge. Koi Consolation Prizes nahi baante jayenge. Ye baat yaad rakhein ki, aap teenon chunautiyon ko bhi poora kar sakte hai. ​ Chunautiyaan - 1. Aasaan Map - Highland Aap ke paas 5 drop zones diye gaye hai. Inmein se kisi ek drop zone par aapko Gold Box pakadna hai, aur screenshot lena hai. Aap iss form se apna screenshot bhej sakte hai - https://goo.gl/forms/qRpW04o4UPbGjBjS2 Puraskaar Do Random Vijayta - 15,000 Crystals 2. Thodi Kathin Chunauti - Factory Ye thodi kathin chunauti hain. Yahaan bhi 5 drop zones diye gayein hai. In mein se kisi ek drop zone par aapko Gold pakadna hai, aur screenshot lena hai. Aap Is Form se apna screenshot bhej sakte hai - https://goo.gl/forms/keYrJ87ZLQFfnbvm1 Puraskaar Ek Random Vijayta - 25,000 Crystals 3. Kathin Chunauti - Valley Ye ek kathin chunauti saabit hogi, kyonki Valley map bahut kam paaya jaata hai. Yahaan par bhi 4 drop zones hain, kisi ek mein gold pakadiye aur screenshot lijiye. Aap iss form se apna screenshot bhej sakte hai - https://goo.gl/forms/RddUGMEG7Fplm7H12 Puraskaar Ek Random Vijayta - 30,000 Crystals Pratiyogita ke Niyam, inhe padhna na bhooliye! Is pratiyogita mein bhaag lene hetu aapke paas Gold Box lete samay Marine Paint hona chahiye. Gold Box pakadte samay aapke aas paas kam se kam 3-4 tanks hone chahiye taaki ye saabit ho, ki aapne kisi khaali battle mein khudke liye Gold box nahi giraaya hai. Gold Box aap ko kisi "NON PARKOUR" Battle mein pakadna hoga. Aap Gold Supply ka Upyog karke khud ke liye Gold Box gira nahi sakte, naahi kisi aur se girva sakte hai. Is chunauti mein (chaahe kaunsi bhi ho) aap sirf ek account se bhaag le sakte hai. Ek hi pratiyogi do se zyaada chunautiyon mein vijayi nahi ho sakta. Difficulty Level Map ki popularity par aadhaarit hai, naa ki drop zones par. Isliye aap diye gaye drop zones mein se kisi ek drop zone mein pakad sakte hai. Google Form mein pravesh ke liye Google account hona anivaarya hai. Screenshot ke Niyam - Aap ke screenshot mein poora screen dikhna chahiye, aapka Nickname, Crystals, Rank, Battle Funds, sahit. Cropping karna, kisi cheez ko chupaana sakht mana hai. Aap screenshot ko imgur.com, postimg.com ya Lightshot ki madat se prnt.scr.com pe upload kar sakte hai. Jee haan, aap kisi aur achi image hosting website ka upyog kar sakte hai. Deadline - 28th July 2017 23:59 UTC Chaliye doston, sab kuch to ho chuka hai. Aapke paas ek maheene ka samay hai. Jaaiye aur Gold Boxes pakadiye. Jaanta hu contest thoda sa mushkil hai, iss liye aapke paas jo bhi prashn ho unhe neeche comments section mein zaroor poochiyein. Uttar dene ke liye ham tayaar hai. Milte hai, results ke din! Alvidaa!!

Namaskaar, aapka swaagat hai hamare Akhbaar aur Birbal ki iss patrika ke doosre bhaag mein. Aaj bhi hum pichli baar ki tarah kuch naya laye hain, aur ek pal ki bhi deri na karke seedhe hamare patrika ki taraf badhte hain. Ummeed hai aapko padhne mein acche lage! Forum ki Achanak Rukavaton ke Peeche Kiska Haath? ~ Haal hi mein hamare apne Tanki Online forum ke lagatar hone waali rukavaton ke piche kisika haath hai. Ya phir pair hai, par kuch to jaroor hai jiski vajah se forum ko ek ke baad ek jor ke jhatkon (jo jor se lage) ki teevrata ke dil ke daure pad gaye. Kya iske piche Godmode_ON jaise kisi mahashakti ka shadyantra chhupa hua hai? Kya ye kisi bahari vyakti ne rachi chaal hai? Kya hai kya iss maamle ke piche chhipa kaaran? Hamare gunvaan patrakaar ke saath humne ek sting operation mein iss kaand ke peeche ka rahasya bahar nikaala aur forum ke saamanya shabdo mein kahe to hridayaaghaton ke peeche kaun tha ye pata kiya. Hamare iss operation mein hum ek benami sangathan tak pahunche jinhone hi forum ke rukavaton ko shuru kiya tha. Ye hain Forum Administrator @CooperO ki murgiyan jinhone forum ke kisi lal button ko undekha kar ke uspar gire chano par apni chonch mari. Aur ye chaunka dene waali ghatna ek nahi, do nahi, balki panch baar hui. @CooperO ke murgiyon ke laparvahi ki vajah se ye sab hua isliye Community Manager Cedric Debono ne baad mein unko sabak sikhane ke liye apne kabze mein le liya aur ab wo shayad salakhon ke piche hain. Servers ka Punah Naamkaran ~ Kuch do-teen hafte pehle hamare servers ka Tanki Online ke daftar ke anusar punah naamkaran ho gaya. RU1, EN1, DE1, PL1 aur inke sabhi bhai-behen jaise servers ban gaye EU1, EU2, EU3, aur waise hi baaki sab. Inki vajah se charo communities ka battles mein milan ho gaya aur ek doosro se battles mein baatein karne mein thodi kathinayi aa gayi. Aur to aur, hamesha ek hi server par khelne waali khiladi (jaise RU1 ya RU2 par saara din bitaane waale log) inhe kaafi takleef hui. EN3 par girlfriend dhoondhne waale bacchon ko bhi naye ghar ki khoj mein idhar-udhar mandraana pada. Lekin, kya aapko pata hai ye kyon hua hai? (Pata to hoga nahi, tabhi to mein bata raha hoon) Iske bhi peeche ki ghinauni chaal hamare gunvaan patrakaar ji ne baahar layi hai. Asal mein, hamare pehle servers ka punah naamkaran hua hi nahi hai. Kuch andari logon ne Tanki Online ke pehle ke wafadaar servers ko kidnap karke ek door ki jagah par bandhak kar liya hai. Hum jald hi inn vyaktiyon ki asli pehchaan dhoondh layenge parantu tab tak aage ka sun lijiye. Abhi ke servers pehle ke servers hi nahi hai. Kya aap sabne gaur se dekha, servers ke kisi naamkaran ka aayojan hua to kisiko aamantran kyon nahi bheja gaya? Ye jaroor kisi andari gupt sangathan ki chaal hai, jinhone pehle ke servers ke bajaay koi brashth servers laye hain aur unka dhyey hai Tanki Online par phirse Tankopocalypse ka sankat laana. Saavdan rehna. Runners Honge Ban? ~ Aapka swaagat hai Tanki Online Duelist Sangathan [TODS] yaani ki sabhi duelist khiladiyon ke sahayyak sangathan ke iss vishesh report mein. Iss baar ka vishay hai runners, jo ki battle ke beech mein har rahe hon to sheeghrata se lal waale X button ko daba kar bhaag jaate hain. Runners ka vishay hamesha hi ek jhagdon ka vishay raha hai aur iske viruddh lagbhag 93% tankers hain, unmein se kai jo runners ko dekhte hi aag-baboola ho jaate hain. Inki harkatein saamne se bhaagne tak seemit nahi hain, ye apne dushman ko duel mein jeet se rokne ke liye saari hade paar kar sakte hain aur usi waqt apni manovritti ko spasht kar dete hain. Unki harkaton ki kuch udaharan aapke saamne rakhenge - jaise ki Zone ke gaddhe mein flag le kar koodna, Sandbox mein kone ke wall aur kinaare ke beech mein samay vyarth kar dena, aur sabse ghinauni harkat, yaani ki self-destruct karna. Hamare paas 4,56,712 cases aa chuke hain, jinmein se 82.6% cases hai saadhaaran runners ke. Baaki cases mein upar likhe sabhi harkatein aur anya harkatein ka samavesh hai. Humne abhi tak 3,79,865 aise runners ko hamari ek kaali soochi mein dal diya hai. Lekin, itna hi nahi. Humne Tanki Online ke kuch andari logon ki taraf shikayat bhi bheji hai. Hume accha pratikriya milne ki ummeed hi nahi balki vishwas hai. Hum Tanki Online ke runners ko ban karwa ke rahenge. Agar cricket mein runners ho gaye to Tanki Online mein bhi ho kar rahenge. Pathakon, aapse jald hi mulaakat hogi. Tab tak runners ke khilaaf jude rahein. Ye TODS ka report raha hai. eSports ka Haal ~ Guest Lekhak Aaj mai Inglis ki practis kar raha hu aur bolna chahunga, Hello Everyshareer. Bahut ho gayi Angrezi, kaam pe lag jaate hai. Aaj baat karte hai EN community ke eSports ki. Tanki eSports, jee haan, EN Community ka jaana-maana kabristaan, jahaanpe insaanon ko nahi balki ummeedon ko dabaaya jaata hai. Hum aaj kal Gold Boxes ki jaldbaazi mein yeh bhool jaate hai ki eSports akela sa ho gaya hai. Aaj ka yeh mudda, EN eSports ko badnaam karne ka nahi hai, balki khilaadiyon ko iske prati jaagrit karna hai. Guys, ham baar baar eSports ko neglect karte hai. Hamaare paas Tanki mein ek hi kaam hai. Battle mein jaakar Crystals kamaana hai. Crystals kahaan se milenge? Gold Boxes, Battle Funds, ityaadi se. eSports ko poori tarah se "nazarandaaz" kiya jaata hai. Public, Golds aur Drugs aapko mahaarati nahi dilaane wale hai. Agar kisi ko pata ho, to "Master of Swords" naam ka ek Tournament community mein chal raha tha. Log bhaag lete the, aur haarkar laut aate the. Kayi baar dekha jaata hai, ki bahut se teams match ke avsar par aati hi nahi hai. Ye kyon hota hai? Hum kyon inn Tournaments ko "TIME PASS" samajte hai? Kyon hum ye bhool jaate hai ki in Spardhaon ke aayojan mein bahut mehnat kii gayi hai. Har baar yahi hota aaya hai. Tournament shuru hota hai, dheere dheere Finals tak baat jaati hai, koi na koi Russian team title le jaati hai. Hum mehnat karke Russians ko takkar dene ki jagah unhe hi koste rehte hai, "Noob Russians won" ya aise kitne saare messages dekhne milte hai hamaare hi forum mein. Russians jeette hai kyonki wo kayi saalon se practice karte aa rahe hai, tournaments mein poori nishtha ke saath khelte hai. Pichli baar "Lord of the Points" Tournament mein EN community ki team "IDK" vijayi hui thi. Dekhkar aur sunkar acha laga kyonki hame aaj tak sirf Russians ko kosne ki aadat thi. Aaj pehli baar ham EN community ke players ko badhaai de sakte hai. EN Community ka eSports kabristan ban kar reh gaya hai, hamaare jaise logon ki wajah se. EN eSports ke sudhaar hetu koi prabhaavshaali parivartan dikhaayi nahi diya hai. Iss subforum mein aap dekh sakte hai, kuch Unofficial Tournament Organizations ko. (Wo kya hota hai be?) Jaanta hu pehli baar dekh rahe ho. Jara koi topic padh bhi lo. Saaf dikhta hai ki kitne ache dhang se in logon ne Tournaments ko nirmit kiya hai. Par inka kaam utna mushkil nahi hai, jaante hai kyon? Kyonki jyaada participants hi nahi hai. Saare registrations ki taiyaariyaan hai. Tournaments ke official referee kayi Clan Leaders ko PM ke dwaara suchit karte hai, in tournaments ke baare mein. Chaliye clans ki baat aa gayi hai to unki bhi baat karenge. Jee haan, Clans. Tanki Online EN ka Off-topic discussion V 2.2. Doston, clans hote hai eSports ke liye, apni takneekon ko mahirta pradaan karneka uccha koti ka starr hai ye. Koi club nahi jismein Mini Games, Gold Rains, ityaadi ho. Kayi log jab Clans join karte hai tab unki apeksha rehti hai ki 'is clan mein maza aana chahiye'. Maza? Clans mein aakar aap ye kya soch rahe ho yaar! Tum aaye ho to apni kala ka pradarshan karo, khelo aur apne Clan ke liye naam kamao. Ye Clan hai, holiday package nahi, ki maza karoge. Aaj kal ke Clans ke vajah se ham eSports mein naam nahi kama paa rahein. Kyonki Clans masti mein vishwaas rakhte hai aur isiliye Tournaments ke liye kabhi tayaar hi nahi hote. Doston!! Tournaments ko avsar ki tarah dekho, "Crystal kamaane ka saadhan" ki tarah nahi! Tournaments mein Crystals ke liye nahi, kala-pradarshan ke liye bhaag lo. Doston, eSports ko naya rang dene ke liye hame kuch karna hoga. Russians ko koste rehne se kuch nahi hoga. Jao! Apna Clan banao yaa fir koi clan join karo! Khelo! Khud ko ek PRO banao Birbal ki tarah. Domination Series #2 aa chuka hai. Tayaar ho na? Ya map mein firse jhande gaadne wale ho? .... Chalo doston, chilla chilla ke thak gaya hu, ab Highland mein jaake kisi ghar ke peeche chupke so jaunga. Shubh raatri! Aur kuch kehna hai? Haan, to neeche comments mein kaho, doosre reporters ko tang karo, mujhe sone do. To aapko iss baar ki patrika pasand aayi? Agle Ank mein bhi hum kuch taaza khabrein aur tadakti-phadakti patrika ke saath aayenge. Tab tak ke liye yuddhbhoomi par apna kaam jari rakhiye, phir milte hain!

To test that, all the three tanks must be at the exact same distance from the guy that will shoot, and that is very very difficult to set up. As I've noticed, even though Thunder has splash damage, the closest enemies get hit first. I've seen the impact force take some time to register if a Thunder shoots away from me but I'm still well within the splash radius.

*capitals

Padhiye EN community ke haal hi mein hue livestream ke baare mein. Khaas kar ke agar aapne video live na dekha ho to hume lagta hai ki iss lekh ka aapko upyog hoga. :)

It seems that you guys aren't training.

@P-S: You probably missed this while you were away. In a fake YouTube video about two months ago, someone was trying to "sell" our accounts (GoldReign and Sagittarii). It also listed how many crystals we had and our special/expensive paints and gear. Also had USD amounts for which they were going to get "sold". :lol: We reported that video and the YouTuber deleted the channel eventually. :D

I don't think they will be physically merging them.. more like one big pool for the international community battles instead of separate ones for PL, EN, DE and RU (I think).

Nope, sadly

nice finds, Joe :d

Nice selection :D :lol: Glitch - Probably going to be a bit like Invader. Scandinavia - Icy? Barber Shop - I don't know... :lol: Vanadium - Chromed-up, silvery, shiny version of Metallic? Strawberry - Juicy red :ph34r: Rust - I expect this to be decent-ish camouflage, probably a mix of brownish grunge and grime Lunar Soil - Don't we already have Moonwalker? Pajamas - :lol: Steak - I hate this paint already. #VegetariansUnite Edit - Nevermind, they're probably Shop paints. xD

corrected :ph34r: xD

I heard Rohit Sharma's LBW decision was flawed and there was an edge But, it wasn't a respectable performance from MI's batting irrespective of that, virtually no one except Parthiv Patel did well Eliminator today, I'll be backing KKR

FA Cup final on the 27th, rooting for Chelsea because I like Antonio Conte

I'm gonna support Ajax if I get to watch it but the fact remains that it is only a springboard team for big European club hopefuls for a while (I heard it was really big a decade ago or so) In other news, anyone heard about this Griezmann deal (Man Utd)? Apparently he wants to be the highest paid player in the club :lol: and he asked for a sum which is lesser than Ibra's current and if they raise it even more for Griezmann it will break the club's "pay structure"

Good to hear that it hasn't spread to Win7 and up (at least that's what I've heard..) Fingers crossed, all the data and confidential files in the world remain safe and sound

Jaise ki maine EN contests ke pages par dekhe hai, un logon ko bhi aap ke jaise rewards nahi mile hain jiska matlab hai ki rewards send hote waqt koi problem hua hai, sorry for that lekin please patience rakhiye :)

You can obviously use English words where needed.. like appeal, out, wicket, etc but otherwise Hindi is expected :)

Watched the HLs of Liverpool v West Ham today, 4-0 drubbing :lol: Coutinho pro

good luck ahead kartikeya

You lack in both of those, so why are you even here? Jokes apart, we don't have to recruit everyone. They can go to other clans, even if they have the right skill-set for us. We have enough people and at this point the recruitment should really be restricted to a rare few once a while.

Till the deadline -yes.

Sirf cricket par adharit meme chahiye, cricket ki hi image na ho to bhi chalega

idc with ample preparation we can win) no need to say RIP